تتجول في فمي

البارت الخامس

تتجول في فمي

لا انت بعيد فأنتظرك
ولا انت قريب فاألقاك
لا انت لي فيطمئن قلبي
ولا انا محروم منك لأنساك
انت في منتصف كل شيء
----------------------------
رسول /محمد شلون تسوي هيج فهمني انت شنو طينتك
وبقيت احجي وياه شلون تسوي هيج مو عيب شلون تصرف ويه ابن عمك وجاي خطار يعني ضيف عدنا اسبوع ويروح بعد هيج نسوي ويه الضيف هيج تكرم ابن عمك

شلون اتصرفت بطيش وتعرف ظروف افياء بسرعه تتعب من اقل مشكله وتختنك
محمد /اسف عمو اني انجرفت ورا مشاعري وخفت وطن ياخذها مني

محمد /اني احب افياء واريدها الي بس
رسول /والله يامحمد بهاي تصرفك يمكن بعمرك متشوف افياء وياك لان دتبعدها مدتقربها الك
واني كايلك مستحيل اضغط عليها وافرض عليها رأي او شخص او اي شي بالكون صحتها من اهم شي عندي بالكون ادفع عمري واشوفها فرحانه ومبسوطه
محمد /شنو افهم من كلامك عمو

رسول /والله ياعمو شي راجع لافياء
محمد /ومن شوكت النسوان تمشينا
رسول /لتعلي صوتك دماغ سز لعد منو ينطي قراره بالزواج اني لو امها لو انت منو يعيش وياك او يقرر ع الزواج اذا مو هي شي راجعلها وهي صاحبه الشأن الموضوع انتهى واعتقد فهمت معنى كلامي
محمد /ماشي عمو من رخصتك يصير خير
رسول /الله وياك
محمد /طلعت واني افور افور اذا ماكلتي فدوه ازوجني اني موافقه مااصير محمد
رسول /والله لو تطلع نخله براسك متشوف اظفر من اظافر افياء انتهى الكلام .