عند نجد العّذيه صحت من النوم كعادتها للجامعه جهزت نفسها وسوت شعرها ستريت ولبست T-shirt و بنطلون وزينت نفسها شوي واخذت عطر معها الشنطه عشان تتعطر بالجامعه مايجوز تتعطر مع السواق واول ماوصلت الصاله
ابو نجد: نجد يابنيّتي
لفت نجد لابوها: سُم
ابو نجد: سم الله عدوتسّ تحتاجين شي
نجد: لا يايٕبه ماتقصر
ابو نجد: فمان الرحمان
نجد: مع السلامه سلم لي على امي
ابو نجد : يوصل ان شاء ﷲ
__
عند بدر صحى الساعه 10:30 على صوت ابوه وهو يصحيه
ابو جميل : قم لا صلاه ولا عباده قم
بدر : ها دقيقه بقوم
ابو جميل بالسلك على ظهره: قم قامت عليك القرود
بدر بالم قوي على ظهره : سُم سُم بس وقفف ضرب
ابو جميل قام يروح وهو يهدد بدر: شف اذا ماقمت بكب عليك مويه
وقام بدر وجلس بصاله وناظر بوجه فاتن وهو احمر
بدر: شفيك
فاتن: ابوي صلخك بالسلك وتموت من الضحك
بدر قام: الجلسه معك تسد النفس ياوخيتي
فاتن: لاتنسى تجيب لي البيك ذيك المره عطيتك حمضياتي لاتنسى
بدر: مو لازم البيك اجيب لك حمضياتك من بقالة راجو بريالين مو 15 ريال
فاتن: جب اللي تجيبه المهم اكل وطعمه حلو
طلع بدر برا البيت يفطر
__
عند نجد اول ماوصلت الجامعه الا وتقابل ساره وتحضنها وتقول وحشتيني يروحي
ساره : كيفك نجودي
نجد : تمام
ساره: خل نروح عند فاطمه
عند البنات اول ماوصلت نجد وساره
فاطمه : جابكم الله تعالو ساعدوني
نجد: ياليتنا ماجينا
فاطمه: احسن كان ارتحت
ساره: اوفف الكلاس حقي بداء باي اشوفكم على خير
فاطمه: بنات بنام لا تزعجوني
نجد : تمام
ميعاد : تمام
وقامت نجد اخذت سماعتها وتشغل راشد الماجد وتبداء تغني بصوت واطي
أذوب بعينك الحلوه وسكرها
وحتى الدنيا أنساها ولا اذكرها
أنا اللي سكر عيونك يذوبني
دخيلك لا تذوبني وسكرها
انا ادري ذوبتهم نظرت عيونك
وصارو من حلاوتها يحبونك
وادري أني لوحدي لوحدي ساكن
بكونك ولعيوني جميع الناس تنكرها
وماحست بنفسها الا لما انكبت القهوه عليها
فرح: اسفه معليش مانتبهت
نجد بصوت الم من القهوه : عادي حصل خير
فرح: تحتاجين مساعده
نجد: لا شكراً
فرح: هزت راسها بابتسامه ومشت
وبداء الكلاس حق نجد ودخلت وكانت تتدرب خطوه خطوه على السلاح
__
ام جميل: يابنات
فاتن: هلا
ساره: لبيه
ام جميل: ام سلطان عندها عشاء واعزمتنا تجهزو بعد العشاء بحاول المح لام سلطان عن الموضوع
ساره: اي موضوع يمه
ام جميل : وراتس نسيتي خطبت اخوتس من ساره
ساره: اها خطبت جميل وساره
فاتن: والله ان ساره محظوظه اخذت واحد مشهور وكريم وغني ماشاءالله على اخوي
ام جميل: اي والله هو محظوظ وهي محظوظه
__
ام ساره: سلطان
سلطان: ها يمه
ام سلطان: قم جيب ايدام خضره وخبز وخميره شاهي وقهوه وبس خذ 20﷼٠ ولا عاد تجيني الا والاغراص معك سامع
سلطان: اي سامع
وام ساره اخذت جوالها تتصل على ساره : الو وينتس
ساره: عند باب البيت جايه
دخلت داخل البيت
ساره : هلا يمه
ام ساره : تعالي نظفي عندنا عشاء
ساره : ليش غريبه
ام ساره : ابوتس ذابحه صدقه تحلم بجدس وسوء له ذبيحه
ساره : يمه عادي اعزم نجد
ام ساره : اي اعزيمها ياحليل نجودي الله يسعدها
ساره : صدقق وناسسه بروح اكلمها
__
نجد: يمه
ام نجد: هلا يابنيتي
نجد: ابي اروح البقاله
ام نجد: روحي بس تستري زين الله يحفظك
__
جميل وهو يصور زياد: يابو سابر
زياد : لبيه
جميل وهو يضحك: بنلعب حجره ورقة مقص اللي يفوز يدفع الغداء
وقامو يلعبون وفاز زياد قال بدر بنروح البقاله ونشتري ماله داعي الخساير
جميل وهو يفتح بث تيك توك: تمم فيه بقاله فالحي حقنا تجنن خل نروح لها
زياد: قدام
__
نجد وهي داخله بقالة راجو تشتري اكلاتها وبعدها دخل جميل وهو حاط الكاميرا على راجو وهو يحاسب نجد ونجد باينه: اوو اسف والله المعذره
نجد بصوت واطي شوي: لا عادي
جميل وهو يركض يشتري اكثر عشان يخسر زياد فلوس
اتمنى يعجبكم ونلقاكم بالبارت الجاي
أنت تقرأ
انهد حيلي ياساره (روايه سعوديه)
Poetryراح تشوفون نجد كيف تغيرت حياتها 100%100 وكيف اشتاقت لحياتها قبل وبعد موت **** تابعو القصه وراح تعرفون مشاهده ممتعه 🫶🫱🏽🫲🏻
