سلاسل الموت

السلـسلـة الواحِد والعُشرون

تتتسلاسل للموت

للكاتبـة 𝄵 Renad

حسابي الأنستـگرام io__vie
قناتي التليگرام Re_n_adm

ثم يأتي هدوء الليل ليثبت
إن الضجة بداخلنا وليست من حولنا ..
؁٭؁٭؁٭؁٭؁٭؁٭؁

جريت نفس شطولـة وفتت للغرفـة دارت وجهـه
وفكت عيونهـه مصدومـة ابتسمت ورحت گعـدت
شابكت ايديـة واردفت

- اي ترديـن مُساعدتـي؟

- ر روسـ ـيل

- المُحاميـة روسيــل اي نَـعم بشنو اساعـدچ؟

- روسيــل يا روحي

اجت تركض حضنتـني دفعتهـه بقرف واردفت
- وخري من وجهي وتفضلي گعدي واحچي مثل الأوادم الحِنيـة التافهـه هاي ماريدهه

وخرت مني تبچي وتمسح بدموعهـه حچت وهيَ
ترجف :- ساعديني ادري غلطت هواي بحقـچ اعرف كُـلش زين بس وﷲ تندمـت

- الزِبـدة

- اخذيني وياچ وﷲ ماعندي مكان اروحلهـه رحت الغير مُحافضـة عبالي الگـة شغل بس ماكو والفلوس الي عافهن الي عِماد سافرت ورجعت بيهن وخلصن
وﷲ حتـة جوعانـة چنت اقتصـد حتـة يضل عندي فلوس اشتغل بيهن بس ماكو ورجعت البغداد

دنگت تبچي ما نهز اي شي بيـة :- اوف اوف قهرتيني وﷲ

- روسيــل

- تتذكرين الداعـ ـشية الي چانت تتمنى كلمـة منـچ وچنتي تفضلين بنات عمامـچ عليهـه هسـة
جاي تتوسلين بيهـه اخخ الدنيا شگد دوارة مو صح
حُبي؟

- آسفة وﷲ آسفة

- اخليـچ ترجعين بس طبعاً بشروطي

- كلشي اسوي وﷲ بس لا تعوفيني بالشارع

- متأكدة كلشي؟ مُمكن يذلـچ اكثر؟

- انذّل منـچ ولا من ناس متسـوة

- اوووو وصايرة تعرفين تحچين

- شنو الشروط؟

- الي عايش بالبيت طليقـة ابن عمچ مُصطفى لان انا تزوجت وخطيه هيَ وحدهه ومصطفى وكشكول ميتواجدون هواي وفكرت اجيب مُساعدة لحضة!
لا لا مو مُساعدة ، خَدامـة ، شنو رأيچ اشغلچ وانطيـچ فلوس؟

باوعتلي مصدومـة شكلهـه ما فكرت ابد يطلع مني هيچ حچي وانا چنت احبهـه

- ها !؟

- خدامـة

حچيتهه وغمزتلهـه حطيت ايدي جوة فكي منتضرتهـه تحچي ضلت ساكتـة رفعت راسهه عيونهه
حُمـر واردفت

- حقـچ واني قابلـة

- خوش چا خلينـة نحچي شگد تاخذين امممم تردين
شهري لو يومي؟