Walong taong inasam at hinintay
Sa wakas ay natupad at ibinigay.
Wala ng mas ikakaligaya pa sa..
Pagiging ina't ama at pamilya
Isinilang sa mundo munting anghel
Bunga ng hiling ni Lumen at Virgil
Umaapaw na galak ang nadarama
Na agad pinawi ng bagay na kaiba...
Gising na mula sa pagkakahele
Ngunit sanggol ay di mapakali
Magulang ay binalot ng pag-aalala
Sa kanilang anak na lumuluha
Bakit ba anak iyak ka ng iyak?
Nabahalang turan ng magkabiyak
Mahal na anak sa doktor pinadala
Upang pagkalito ay maputol na
Mag-asawa'y naghintay sa pasilyo
Nababagabag, nag-iisip at tuliro
Tila sila umahon sa pagsisid
Sa malalim nilang pag- iisip
Nang manggagamot ay lumabas, Na walang emosyong ipinamamalas
Katanungan ay agad na naipinta
Sa nag-aalalang nilang mga mukha
Hinihintay ang balita na maaring,
ikasisiya nila o magpapaluha rin.
'Infantile Glaucoma o pagkabulag'
Sa narinig puso'y nais malaglag
Isang pang halos di nila matanggap,
Lunas sa anak ay di na nila mahahagap
Labis na naghihinagpis ang ama't ina
Sa dami ng pamilya bakit sila pa?
Umuwi silang yakap ang supling
Na pinagkaitan ng ilaw at paningin
Ngunit sa likod ng kawalan ng anak
Pagmamahal nila ay di bumagsak
Di man niya makikita ang mundong makulay
Nagbigay naman siya ng rason sa kanilang buhay
Simbolo ito ng liwanag sa kanilang pamilya
Kanilang pinakamamahal na anak si... LUMINA.
