💭 الحجاب فرض على كل مسلمة..
فرض مافهوش خلاف ولا فصال..
ربنا عز وجل قال في كتابه: "يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا"..
💭 وطريقة تعامل كل مسلمة مع الحجاب إما إنها تكون سلم توصل بيه لرضا ربنا، أو زحليقة تنزل بيها في مستنقع المعصية..
💭 وباختصار طريقة التعامل الصح مع الحجاب 👈 هي إن كل مسلمة تخلص النية لربنا وتلتزم بالشروط الثمانية للحجاب الشرعي:
1. ساتر لجميع الجسد.
2. مايكونش شفاف يكشف اللي تحته.
3. يكون واسع فضفاض مايحددش حجم الجسم.
4. مايكونش زينة في نفسه.
5. مايكونش مُعطر.
6. مايكونش فيه تشبه بلباس الرجال.
7. مايكونش فيه تشبه بلباس الكافرات.
8. مايكونش لباس شهرة.
وشرح الشروط دي هتلاقوها في الكتب اللي بتتكلم عن الحجاب 📚
💭 أما طريقة التعامل الخاطئة مع الحجاب 👈 فبتدأ بالتهاون في أي شرط من الشروط اللي فاتت..
وكل ما التهاون بيزيد كل ما بتبقى الوقعة أصعب وأصعب..
ومش كل اللي بيقع بيعرف يقوم تاني..
💭 فيا كل نساء المسلمين استعينوا بالله وابدأوا اتعلموا واعرفوا يعني إيه حجاب يرضي الله عز وجل..
اتعلموا لإن ده فرض عليكم وهتتحاسبوا عليه..
اتعلموا وابدأوا العمل علطووول وقولوا سمعنا وأطعنا..
واحتسبوا الأجر عند الله في كل مرة تخرجوا فيها بحجابكم الشرعي..
وخليكوا دايما فاكرين "الجنة تستاهل" 🙂
#الحجاب اللي هوا مش الطرحة نركز ها
#السلم_والزحليقة
فما أجمل الفتاة المحجبة التي أطاعت الله ونالت دنيتها وآخرتها، وامتثلت لما أمر الله تعالى به، وسارت على نهج زوجات النبي والصالحات من قبل، تعففت وتجملت بالحجاب، وزادها حسناً ووقاراً وعفة، فذات الدين هي من أطاعت ربها وأصبحت فخراً لأبويها وعزاً لأخواتها وكنزاً لزوجها، وهدياً لأولادها وبناتها، تستطيع أن تنشئ أبنائها وبناتها على الدين الصحيح والأخلاق الحسنة، وتقدم للمجتمع جيلاً جديداً صالحاً نافعاً لنفسه ولمن حوله يخاف الله في كل شيء.
الخمار والواسع اللي انتي مش عايزه تلبسيه دلوقتي عشان ف اعتقادك انك لسه صغيره🙄
غصب عنك هتلبسيه وهما بيكفونوكي لأن من ضمن ملابس الغسل والكفن خمااار بس ف الوقت دا مش هيغفرلك لانك موتي خلاص
أنا بستغرب منكم وانتوا بتقولوا مش هعيش سني
هو إيه العلاقه بين فرض ربنا وبين انك مش هتعيشي سنك ؟!
ليه علي كده بقي الصلاة مش بتخليكي تعيشي سنك ؟؟!
فوقي عشان لما تموتي محدش هيقولك فوقي ولا حد من اللي بيشجعوكي دلوقتي هيقف جمبك
انزلي النهارده اشتري خمار وافتحي دولابك وقولي أنا هسيب اللبس دا للبيت بس يارب عشان ترضي عني
بعدين انتي ف الجنه هتلبسي براحتك اللي انتي عايزاه مش قادره تمنعي نفسك مثلا ٧٠ سنه لو هتعيشيهم مش قادره خلاص
لازم تشيلي ذنوب عشان تمنعي نفسك انك تدخلي الجنه ...
دي حياه مؤقته حطي في دماغك كده
مين هتقولي دلوقتي أنها هتلبس واسع وتلبس خمار وهتسيب البناطيل والعك دا كله وانا معاها وهشجعها هنبدأ مع بعض
(أخواتي أحبكن في الله وبرجاء نشر الكتاب علي أوسع نطاق حتي تعم الفائدة علي الجميع)
