يوسف
فاش شفت الراجل كيطلع و ينزل ف هند و فعينيه نضرات الاعجاب تعصبت و عينيا حمااارو كنت باغي نقصدو نهلكو عصا والاكين الراجل كبير فالعمر الصراحة ماشي حشومة حيت يستاهل و حتى انا فكرت و قلت حسابو ماشي قدام الناس حسابو فالخفاء مشيت عند اريج و هند و جبتهم معايا طلعو فاللوطو و انا مهدرتش جاع
هند
كان الجو مكهرب و تا واحد ما كيهضر و نطقت
خويا
يوسف-انا ماشي خوك!
هند-وا راه هو لي وقف علينا
يوسف-بسباب حالتك ، و هاد الكسوة لي لابسة و الشعر لي طالقاه! بيدق انا !!!
هند-وا صافي لاش مكبر الموضوع
يوسف-مكبر الموضوع؟انا لي مريض مخرجكم بهاد الحالة !
اريج-خويا راه حنا كنا جاعدين و هو جا عندنا
يوسف-واش انا قلت لكم كمشيتو عندو ، نتوماااا دايرين فراصكم هاد الحالة ها لي لابسة شورط ها لي طالقة الشعر و ما بغيتوهش يجي ، تا انا هاد المرة مدرت والو ليكم
هند-ياكما درت للسيد شي حاجا؟؟؟؟
يوسف-السيد؟ خايفة عليه؟؟؟ كنتي باغيااه؟؟؟؟
هند-لا زعما ...
يوسف-بلعي فمك عليا
هند-واخا
يوسف كسيرا ديريكت لقصر العائلة
يوسف-دخلو للدار ونشوف شي وحدة خارجا!
بعد مرور شهر لي كانو فيه بزاف الاحداث
هند راها تقرا ف سيزيام فنفس المدرسة مع اريج
ولا يوسف كيوصلهم ديما وهند دارت صحاب منهم الياس و الهام
فالقصر
يوسف-انا غادي نسافر عنظي شي خدمة
اريج-فيوك غترجع؟
يوسف -واحد 5 ايام ، والله و نسمع بلي درتو شي حاجة !
هند-كون هاني ا خويا
هند:
فهاد الشهر لي فات صراحة وليت معجبة ب يوسف ، مكنبينلوش جاع و كنقول هاد الاهتمام لي يديرو معايا غير حيث عزيزة عليه ،وهاهوا جا علمنا بلي غيسافر ، المهم صراحة انا ناوية ندير بزاف الحوايج و كنت ديجا كندير ، كنت فاش نمشي ل مدرسة نلقا انور كيكمي ، كنت كنجرب معاه ، كنا كنكونو ف واحد البلاصة مفيهاش الكمرات حيث عارفة يوسف غيوصلو الخبر ، و هو تا لدابا معارفش بلي انور صديق ديالي ، حيث مانع عليا الدراري
المهم دازت 3 ايام للي اعتيادية كنمشي نقرا ب عباية نوصل تما كنحايدها و بما ان يوسف الواصي ديالي و مول المدرسة ف راه تا واحد مكيهدر معايا ، اريج كتمشي معايا و عارفاني شنو كندير حيت صاحبتي ، وديما كتبقا تمنعني من هاد الحوايج ولكين ديما كنقولها الى سولوك قولي هند ، المهم مشيت كي العادة و تا انا كميت واحد 2 مع عشراني و جيت مولية للدار
أنت تقرأ
ابن عمي
Romanceموت ابوي البطلة و ذهابها للمغرب عند عائلة عمها حيث ان ابن عمها هو الواصي عليها فهل تحبه او بحبها قصة مغربية بالدارجة
