فتاه في زمن الوحوش

البارت الاول

من يعيش عل الأمل لا يعرف
المستحيل
ومن يتحدى الزمن لابد أن يأتي يوم
تبتسم له الحياه
القصه تتحدث عن طفله تحملت الكثير من مصاعب الحياه وصراعات الزمن وكافحت من أجل العيش
القصه تبدي من عام 2003 في سنه السقوط ودخول الامريكان الى العراق
السلام عليكم اني اسمي شهد قصتي تبدي من اليوم المشوم الي دخلو بي الامريكان للعراق اني مواليد 1993 كان عمري بوقتها 10 سنوات عايشه مع امي وابوي واختي الصغيرة نور مواليد 1996 كان عمرها 7 سنوات طبعآ احنا اصلنا من البصره بس ابوي سكن الحله بسبب ظروف شغله كنت صف ثالث ابتدائي بس بوقتها كنت كولش ذكيه ودائما تفكيري اكبر من عمري اما اختي  كانت أول ابتدائي كانت حياتنا طبيعيه الا ان اجا اليوم يوم الدمار والخراب عند دخول الامريكان العراق واحتلاله طبعآ بهذاك الوقت صار القتل والخطف والسلب ومحد يعرف شدايصير بالعراق فقرر والدي انسافر خارج العراق عن طريق التهريب لانو كان السفر ممنوع بوقتها
ابو شهد: ام شهد وأم شهد وينج يأمره صار ساعه اصيح عليج
ام شهد: جيت جيت الله يساعدك اكول هستوك طلعت للشغل شو رجعت خو ماكو شي
ابو شهد : والله يا ام شهد مكدرت اكمل طريقي لان الشارع خطر كلش والوضع يخوف
ام شهد : احنا راح نبقى هيج يا رجال شوفلك حل لا انت طالع الشغلك ولا بناتك رايحات عله دوامهم
ابو شهد : لعد شنسوي يا عيني دخل اخابر الولد اشوف شسوه عل سالفت الطلعه برا العراق وبعد شكد وتكمل وان شاء الله خير
ام شهد: والله يا ابو شهد ممرتاحه وكلبي كارصني من هاي الطلعه هوا احنا من الباب ما دانكدر نطلع من ورا الدايصير
ابو شهد : هوا انتي كلتيها الباب منكدر نطلعا لعد نبقى محبوسين هوا اني وبل كوا اطلع احتا اكمل إجراءات الطلعه من العراق
ام شهد : زين مواليدرون بي يريد يطلع خارج العراق يقتلو

معكم انا الكاتبه اسماء الشمري 🖤