*algeria *
*ثانوية المدينة *
" ثم عاش البطلان معا بسعادة وهناء..."
نوسة -احاااااااااااه . علاه اربي مكانش حكايات كيما هكا فحياتي علاه..المخلوقة عاشقين فيها نص خلق ربي وانا اكثر موقف رومنسي صرالي كي طحت على تصويرة ايرين !...
ساجدة _WTF * طفلة راكي صافا شوية؟ ..
الاء_ باش تكتب دروسها لالا وتقعد نحكي الروايات هاذو تع شكوبي ومبعد تجي تاكلي راسي باش نسلفلها الكراريس ومتكتبش حتى ..
امينة_ صاي اعباد ربي اسكتوا علينا ضرك تجي تع الفيزياء
نوسة _ نورمال يحامي عليا زعيم المافيا تاعي الي رح نديه
ساجدة _ شوفي غير مكاته تحلمي بزاف راي اخرتك مع جارك جعفر ...
In the evening
مع خلص اليوم الدراسي فالليسي. بطلتنا نوسة كانت مروحة وحدها على الخمسة كعادش استاذة الرياضيات مدام نفيخة حكمتها استدراك . بطلتنا كاي مخلوقة مورمال في عمرها . صح مايش زينة بزاف بصح فيها حاجة اتيرونت . وللعلم انها من اللي كانت فالسيام وهي مهووسة مع صحاباتها بالمافيا واكبر احلامها انه يخطفها واحد منهم بصح من ناحية اخدى تتحسب اكثر كائن عنه تصحر عاطفي ...
المهم الخلا والسكات ومكان لا انس لا جن فالطريق هاذيك حتان سمعت صوت تع واحد يجري وراها وكي دارت لقات واجد الراجل يجري تقول يجريو عقابه لكلاب . وصل عندها وهي واقفة تشوف عنده ومبعد طاح على الارض يتنفس بسرعة ..
_ الحقيني ! راو يلحق فيا !!
نوسة - وشبيها مك شكون راو يلحق فيك ؟
وقبل ما يكمل هدرته تيرا عليه واحد من اللورة . خلعت نوسة من صوت الرصاص وبدات رح تبكي وكي شافت شكون تيرا عليه لقات واحد ال HOT زين حتان عيا وين يزيد
نوسة والمخلوق الهوت قعدوا يشوفوا عند بعضاهم وواحد متحرك حتان جاتها لحضة ادراك متاخرة واكتيفات مود سونيك وراحت تجري باش تهرب ...
وصلت للدار بالسيف وراحت ديراكت لشومبرتها وسكرت الباب والليلة هذيك مخرجتش تالمو خافت . من واش منعرف بصح حاجة فاحساسها قالها انه الحكاية مايش رح تفوت نورمال ....
في مكان اخر
_ علاش محبستهاش ?
_ مبغيتهاش تخاف مني . بغيتها تشتيني على الاقل كيما نشتيها ..
أنت تقرأ
Mafia's house
Humorالحقوق محفوظة شارك في كتابة الرواية اكثر من شخص . الهدف منها هو الضحك لا اكثر باللهجة الجزائرية
