next day
نوسة_ اففففف الرافاي تع الخرا ! اصلا هاذاوين كانت الستة ........ صمت .............. راي الثمنية و نص ؟...
شافت نوسة عند الرافاي واحد خمس دقائق وهي تستوعب كيفاه هاذاوين كانت الستة تع الصباح ومنعرف كيفاه حتان ولات الثمنية ونص . المشكل ماشي هنا .......المشكل انها تقرا على الثمنية !!!!!!!
في دقيقة ناضت تجري لبست اول حاجة لقاتها وحتى شعرها ممشتاطوش كي الخلق . وخرجت صاروخ من الدار على الاقل توصل الساعة الثانية . ماشي كعادش تشتي لقراية ولا حاجة كيما هك , الحكاية انو فاميلتها راحت لتركيا عندها سمانة وباباها بكلمات واضحة قالها يلي اذا مراحتش الليسي فالوقت يبعثلها كف من اسطنبول بصح على النحس الليسي تاعها بعيد بزاف...
وقفت وسط الطريق و بدات تفقد الامل انها توصل فالوقت حتان شافت تاكسي اجرة دارت . شافت عندها شوي وتفكرت الحكايات تع الاختطاف الي يصراو فالتواكس كيما هك بصح الله غالب كن متركبش يطير عليها لحمام , لحقت التاكسي هذيك وكي حبست هي ركبت من اللورة وقالت للشوفور(السائق) يديها لليسي
الاخ الشوفور سكت وديمارا . الاوضاع كانوا نورمال حتان شافت نوسة التاكسي دارت لطريق اخرى مايش تع الليسي وبدات تبان خالية وهنا ادركت انها جابت العيد ...شافت عند الشوفورالي كان مداير كاسكيطة (قبعة) ومداير ماسك علاهاديك مابان والوا من وجهه والخلعة قاتلتها تالمو دارت 20 سيناريو مرعب فراسها , ملقاتش واش دير وعلابالها بلي كن تقوله ينزلها ماوش رح ينزلها ناضت حكمت كارتابلها ( حقيبتها ) وحطتها فحضنها وبدات تهدر مع الشوفور هداك الي يبان عليه شاب شوي ...
نوسة_ اخخ كتفي تكسر من الكارتابل هادا اليوم...
السائق_ لا رد......
نوسة _ كيما تعرف لقراية وكلش .....
السائق _ لارد...
نوسة_ احم احم .....ايه علابالك اليوم عندنا علوم وقالولنا نجيبوا شوي حوايج....
السائق _ لارد...
نوسة _ اصبر نشوف بلاكش كاشما نسيت ....... الموس (السكين) تع الخبز , تع الخضرة , الموس الكبير تع الذبيحة .... مليح وكلهم حادين يسما الي يتوشيني تخلا عليه ..
الشوفور ضحك ضحكة خفيفة وهنا نوسة خلاص رح تلوح روحها من الطاقة تع التاكسي , سكت الشوفور ونحا الماسك والكاسكيطة وهنا نوسة حرفيا جمدت في بلاصتها ........ نفس الراجل الزين تع البارح !
الاخ حس بيها خافت ناض بدا يهدر..
الاخ_ متخافيش mon sucre منيش رح نأذيك رح نديك لدارنا ...
نوسة_ انعم BROTHER ? دار شكون ? mon sucre شكون ? نتا شكون ? انا شكون ?
الاخ_ انا وسمي الكسندر جيون , المدير التنفيذي تع 150 شركة فجميع انحاء العالم وفنفس الوقت الزعيم تع المافيا الايطالية والروسية و لا بعبارة اخرى اقوى زعيم فالعالم والناس كل يخافوني , بصح متخافيش انا راني نشتيك وعشقت فيك من نهار شفتك فالحفلة تاع الاهلية تاعك فالسيام (حفلة شهادة التعليم المتوسط ) ووليت منقدرش نعيش بلا بيك bb..
أنت تقرأ
Mafia's house
Humorالحقوق محفوظة شارك في كتابة الرواية اكثر من شخص . الهدف منها هو الضحك لا اكثر باللهجة الجزائرية
