حمامه في حضرة الساده

1

السيد:::: منو يكول الكلب مايكدر على اثنين اني كلبي عاشق العباس والحسين

صوتو+علقو بين الفقرات داده🌹
ــــــــــــــــــــــــــــــــــــــــــــــــــــــــ

وكفت رقيه على راسي تنك حتى تركص كرصت ايدها حتى تكعد لا ابوها يشوفها

ملك: والج كعدي رقيه لا ابوج يشوفج والله يجرم بيج كافي كرصيها الدوده

رقيه: ماما حبابه شوفي زينب وبنين يركصن ليش انا لا

ملك: ابوهن يقبل ابوج مايقبل فدوة اروحلج كعدي لا هسه يجرم بيج

رقيه: انا راح اروح جوه الغرفه احسن ليش اقهر نفسي هنا

عافتني وصعدت البنات تركص يم العروسه الي راح تصير الجنه الرابعه الاهذا البيت

رفعت نضري العمتي كاعده على صفحه صافنه علية بتسمت بوجها هزت راسها مبتسمه

مر الوقت وزفو العروس الغرفه نسد الباب عليهم وكلمن راح البيته وبس الي بيتهم بعيد ضلو بعد شغل وتعب الحد الساعه 3:30 يله دخلت الغرفتي جان محمد نايم التعب مبين بوجه

تقربت اله امسح على شعره اعرف مو تعب عرس لكن تعب حبه الها سنين وزفها بيده الاخو

ملك: محمد

مسح عيونه وهمس

محمد: نعم

ملك: ادخل اسبح حتى يرتاح جسمك من التعب

محمد: اريد انام بس طفي الضوه واذا ترحين يم رقيه احسن بعد

بلعت ريكي وكمت سحبت شالي وهمست بعبره

ملك: تمام تصبح على خير

مارد عفته وطلعت الغرفت بنتي رقيه دخلت شفتها نايمه وشعرها على عيونها الضوه مفتوح تقربت الها نمت يمها ونطيتها ظهري دموعي على خدي ماعرف غيره من الي صارت بيتنه لو من زوجي الي حتى مايباوع بوجهي بسبب حبه الها ماحسيت على نفسي اله الثاني يوم بالـ6 كعدت ويه البنات نضف البيت وسوينه ريوك الناس الساعه 10 كعدو العرسان

نزلت مبتسمه بوجها النور والابسها المحتشم رغم كلنه بنت بغداد هاي هسه تنزل مشلح
سلمت عليهن واحده واحده وصلت يمي باوعت بتوتر الي نطيتها ظهري واكمل اصب حليب الحسين ابني

هاجر: احم ملك عادي اكل وياج

باوعت عليها ماكدر ارفض بعد ماعمتي غمضت عيونها حتى اكول اي همست الها

ملك: تعالي هلا بيج

هاجر: لا اني اكلت فوك بس اريد جاي من ايدج الحلو ام حسوني

صبيت جاي وهيه كاعده كبالي نطيته الها وهمست

ملك: لا تحطين مكياج ثكيل

هاجر: ها تمام بس ليش

ملك: رجلج مايقبل حتى اني احط ولا خواته فـ لا تصيرلج مشاكل منه