Unicode 💜
အေးစက်လွန်းရဲ့ကျွန်တော့်ရဲ့ဘဝရေပြင်ပေါ် လှိုင်းဂယက်လေးတစ်ခု ဖြတ်ပြေးလိမ့်မယ်လို့
တစ်ခါမှ ကျွန်တော်မတွေးတောခဲ့ဖူးဘူး ။
ဘဝကိုသမတ်ရိုးကျပဲဖြတ်သန်းခဲ့တဲ့ ကျွန်တော့်အတွက် သူဟာ တစ်ခုတည်းသော လှုပ်ခတ်မှု ။
တစ်ခုတည်းသော အလင်းရောင် ။
တစ်ဦးတည်းသော သူငယ်ချင်း ။
" ပြောလေ ဟေ့ကောင် ၊ စကားတွေအများကြီး ပြောရအောင် မလုပ်စမ်းနဲ့ "
အိမ်သာကအပြန် အင်္ကျီလည်ပင်းစအားဆွဲကာ နံရံမှာပစ်ကပ်လိုက်တာမို့ ကိုယ်လေးကျုံ့သွားရသည် ။
နဂိုကတည်းက စကားနည်းတဲ့သူဖြစ်တာတစ်ကြောင်း ။
ကြောက်ရွံ့စိတ်လည်းရှိသူမို့ ရန်ဖြစ်ဖို့ ကျွန်တော်တစ်ခါမှ မတွေးတောခဲ့ဖူးဘူး ။
" အဖတ်မလုပ်တာလား "
မျက်နှာအားဖျစ်ညှစ်ကာ မေးနေသည်မို့ ခေါင်းကိုသာတွင်တွင်ငုံ့ထားဖြစ်သည် ။
" ဒီခွေးကောင်ကတော့ "
မျက်နှာပေါ်ကျလာသည့် လက်သီးချက်နှင့်အတူ နေရာမှာကျွန်တော်ဒူးထောက်၍ကျသွားသည် ။
" ထ ယောက်ျားမဟုတ်ဘူးလား "
အင်္ကျီကနေ ကိုင်ဆွဲကာမလိုက်တာမို့ ပေလက်ယက်ကန်ကြွ၍လာသည် ။
" တောင်း တောင်းပန်ပါတယ် "
" ဘာရယ် ကျယ်ကျယ်ပြော "
" တောင်းပန်ပါတယ် "
" ယောက်ျားမဟုတ်ဘူးလား ၊ ကျယ်ကျယ်ပြောစမ်းပါ "
" ကြောက်တတ်တဲ့သူကိုဖြဲခြောက်နေတာ ယောက်ျားကောင်းတွေရဲ့စတိုင်လ်မဟုတ်ဘူးနော် "
ရှတတအသံရဲ့ လားရာက မျက်စိရှေ့နားဆီက ။
မဝံ့မရဲလေးမော့ကြည့်လိုက်တော့ ဆံပင်နက်နက်တွေကို သေသေသပ်သပ် ဆီလိမ်းဖီးသင်ထားတဲ့ ခပ်ချောချောမျက်နှာတစ်ခု ။
မျက်ဝန်းအောက်က မှဲ့နက်နက်လေးက ဖြူဖွေးနေတဲ့ မျက်နှာပေါ်မှာ ထင်းလို့နေသည် ။
YOU ARE READING
💜 My Lavender 💜
Fanfictionမင်းနဲ့မတွေ့ခင်အထိ ငါ့ဘဝက ငြိမ်သက်နေတဲ့ရေပြင်ငယ် 💜 တွယ်တာမှုဆိုတာ ဘာလဲသိအောင် သင်ပြခဲ့ပြီးမှ ကျောခိုင်းရက်ခဲ့တဲ့မင်းက ငါစောင့်ဆိုင်းချင်တဲ့ တစ်ဦးတည်းသော ဖြစ်တည်မှုတစ်ခု 💜 တစ်နည်းအားဖြင့် .. ငါမပိုင်ဆိုင်လိုက်ရတဲ့ လူတစ်ယောက်💜 #MyLavender💜 #NoMin...
