لن نجد ألطف بِنا من الله! يتودد لنا بقبول توبتنا ليلم شعث قلوبنا بالقرب منه، مع غناه عنا وحاجتنا إليه!. ...................................................................... فايزة:فيه نص بصله في المطبخ اجري هاتيها يا وردة
عائشه:اف اف ايه الريحه دي بصل بصل يا فايزة الناس يغمي عليها يشماموهم برفان وانا اللي منك ومن دمك بصل يا مفتريه انا لو ضرتك مش هتعملي كدا
محمد:نرجع لعريس الغفلة دا انا سألت عنه وقالوا كويس وشغال شغل حكومي وانا مش هجبرك علي الجواز
عائشه:انا لسه صغيرة وقدامي مستقبل
احمد:اي دا هو اللي كان بيولع دا مستقبلك
فايزة:اتفق معاه ييجي يوم مع والدته ونقعد ويشوفوا بعض واللي فيه الخير يقدموا ربنا
محمد:وانا مع رأي فايزة وبلاش نتسرع في الرفض خاصة لو هو راجل كويس وشغال
عائشه :خلاص اللي تشوفوا يا بابا ..................................................................... في اليوم التالي عائشه:صباح الخير
أحمد:قصدك مساء الخير احنا بقينا الضهر
عائشه:ابقي خد الخير وانت ساكت يا أحمد
فايزة:اخيرا الهانم صحيت يلا هما ساعتين زمن والشقة تكون نضفت
عائشه:طب فين بنتك التانية ولا مفيش الا عائشه عائشه أحمد:يلا يا خدامة نضفي بضمير
فايزة: امسك الصابون دا يا أحمد وادخل علي الأوضة اليمين هتلاقي كام سجادة كدا ورينا شطارتك
أحمد:أحمد مين مفيش حد بالاسم دا😑 ............................. أحمد: انا الزمن هدني ولا حد بيودني
عائشه: والناس تقول اه
فايزة: نضفي دوُرج التلاجه كويس
وردة:ليه الضيوف هييقعدوا جوا الدرج
فايزة:نضفي وانت ساكتة فين محمد
محمد:السلام عليكم ، جبتلك الخضار والفاكهة اللي قولتي عليها ادخل بقي ارتاح شوية وانتم نضفوا بضمير
فايزة:رايح فين يا محمد تعالي ورايا علي المطبخ ساعدني في غسيل الأطباق
محمد:حسبنا الله ونعم الوكيل ربنا القادر علي المفتري يا شيخه فايزة: بتقول حاجه؟
محمد:لا يا حبيبتي هو انا اقدر .......................................................
باقي كام علي المغرب عائشه:باقي خمس دقايق فايزة:طب يلا نقوم نطلع الاكل ......... محمد:جهزتوا المصليات
عائشه:آه يا بابا كله جاهز
(الله اكبر ) السلام عليكم ورحمة الله السلام عليكم ورحمة الله محمد: حديث النهاردة عن صلة الرحم عن أنس بن مالك رضي الله عنه قال: قال رسول الله ﷺ : «من أحب أن يبسط له في رزقه، وينسأ له في أثره، فليصل رحمه» صدق رسول الله صلي الله عليه وسلم صلة الارحام مهمه جدا ولازما نحافظ عليها ونبر بيهم عشان كدا كل واحد فينا يتصل بقرايبه ويعايد عليهم ويسألهم عن أخبارهم يمكن حزين ومحتاج اللي يتكلم معاه يمكن محتاج ايد تمسك ايده وتساعده ،يمكن حاسس انه وحيد وفي نظره الدنيا سودا مكالمتك ليه هي طوق النجاه ليه وتعرفه انه مش وحيد
عائشه:ربنا يخليك لينا يا بابا🫂
محمد:ربنا يحفظكم ويباركلي فيكم كلكم
احمد:وانا ماليش من الحب جانب ولا انا ابن البطه السودا
عائشه:وردة يا وردة يا احلي الناس قوليلي فين مكان الماسك
وردة:هش هش في دبانه بتكلم
عائشه:يا وردة مكانها في البستان يا آيه نازله من الرحمن قولي بقي فين مكان الماسك
وردة:والله لو رقصتي ما هديكي فاكرة الشامبو بتاعي عملتي فيه ايه
احمد:علي اساس انك مقطعه نفسك من النضافه يا بت انت بتستحمي من العيد للعيد يا معفنه
عائشه:الحقو شوفو مين بيتكلم احمد مكرونه بيتكلم
أحمد:والله اقوم اسقف علي وشك دلوقتي ..................... فايزة:يلا فيلم الرسالة جه
احمد:طب اطفي النور وحد ينادي للحج
محمد:اعععععععع أعوذ بالله من الخبث والخبائث
عائشه:فيه اي يا بابا دي انا
محمد:إيه اللي حطاه علي وشك دا
عائشه:دا مسك الفحم
محمد:اي دا وكلوا حاطط حتي امكم وانت حاطط ليه يا احمد هو انت بنت واحنا مش عارفين
احمد:فيه اي يا بابا النظافه من الإيمان
محمد:الله يرحمها ايمان من ساعة ما عرفتكم محدش شافها تعالي حطيلي يا وردة مجتش عليا
فايزة:اوعا كدا يا بت احطله انا
عائشه :شوف يا احمد علاقة بابا وماما حلوه ازاي اوعدنا يا رب أحمد:انا واثق انه ربنا هيرزقكم بالاحسن ♥️ ............................................ أحمد بعد ما مامته اجبرته يغسل السجاد😂😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
