المدرس والطالبة هدى

Part 1

مساء الخير ♡

المدرس والطالبة هدى

الكاتبة: نوسين

__________________
الساعة بـ 6:30 صباحاً
نايمة وبعز نومي دگ المنبة طفيت المنبة وگمت كلي نشاط لأن اليوم اول يوم دوام وكلش متحمسة لأن اليوم اول يوم الي واني بصف الثالث المتوسط

گمت دخلت للحمام غسلت وجهي وفرشت اسناني وتوضيت وصليت صلاة الصبح ورحت بدلت ملابسي لبست ملابس المدرسة

هيچي شكلهن بالضبط 👇

وهيچي شڪل الحذاء 👇

وحجابي اسود ربطة ما ألبس ابيض مستحيل لأن ما احبه

صارت بالسبعة رحت گعدت بابا

- صباح الخير بابا

- صباح النور

- غسل بابا وراح يصلي صلاة الصبح كمل وراح يسوي ريوگ اني ما اعرف بس للبيضة وللأندومي ومرات احرگ البيضة، ونوب سوه چاي خدر الچاي وسوه البيض وگعدنه نتريگ گال بابا

- ها شلونها المعنويات

- فووووووول

- شدي حيلچ اريدچ الاولى على العراق احسن من اختج

- بعدنه بسم الله حتى لسة مارحت للمدرسة واكيد اشد حيلي واجيبلك درجات لوزاوية ما رايدة توصاية باباتي

- عفية بنيتي اذا كملتي لبسي حجابج وطلعيلي

- تمام

طلع بابا واني كملت ريوگ رحت غسلت المواعين وغسلت ايدي ولبست حجابي وجواريبي اكيد ما اطلع بدون جواريب احس اكو نقص بيه،