Lathala ng Tala

k a l a w a k a n g k a h i r a p a n

Sa bawat patak ng pawis ay tinig na nagnanais
Maging malaya mula sa hinagpis at pagtitiis
Pagmasdan ang kahirapang may sukat ng kalawakan
Ano ang nangyari sa pangakong iyong binitawan?

Tila ba ang lahat ay di matapos-tapos na unos
Saan na tutungo, sipag ay akin namang ibinuhos
Ngunit nandito pa rin, sa dati, hindi makausad
Ganoon na ba kamalas ang guhit ng aking palad?