سمرتي

part 1

ارُكض بُسرعة جيب بطل دم
.. افتحوا صالة العمليات نحتاج دم هواي مصابين..
.. محتاجين بطل دم جيبوه بأسرع وقت
_ وين مضروب؟
_بكتفة دكتور
_ بس بكتفة
_ اي دكتور
_ نزف كلش هواي دم جيبولي بطل دم و ودو لصالة العمليات
_ صار دكتور جاي يدورون على متبرع لأن دم ماكو
_ شنو فصيلة دمة؟
_فصيلة دمة A+
_ انة فصيلة دمي O اكدر اتبرعلة بسرعة صيح المضمده خلتبرعلة با الدم بسُرعة
_ صار دكتور

___________________

_ ها دكتور بشر شلون صار
_ الحمدلله حالتة مستقره الآن يرادلة عناية، اعتنو بي زين
_ صار دكتور

كَلام قبل أكثر مِن ٢٥سَنة
چنت بوقتها متخرج بالجِديد
ضمن سَنوات حَرب القادسية الثانية .. توزعنا ؏ مَستشفيات عَسكرية حَتىٰ نسد النَقص لان الدفعات السابقة صاروا ويَّ قطاعات الجَيش بالمَعركة يخدمون فَترة بأعتبارهُم أطباء ويرجعون .. وبَعدها إحنه نتحرك ويّ قطاعات الجيش ونخلص فترتنا ونرجع نداوم .. وبسَبَب النَقص بعَدَد الرجال الأطباء صارت التَعيينات ؏ المَستشفيات العسكرية تشمل النساء سواء طَبيبات أو مُمرضات .. حچيتلكُم مكان الحدث ووقته
نجي هسة ؏ شَخصيتي " ابيل "
شاب يُعتبر نَفسة أوسَم المَوجودين، طويل، عيون شهلاء، متابهي بالشهادة، غَني، قبولي مِن ناحية الجنس اللطيف مو طبيعي، طايش
وغير مُبالي ( لم تصفعني الحياة بَعد )
طَبعًا الطَبيبات زميلاتنا كانوا جَميلات لدرجة
وجوه بيضة وشعر حلو، أنيقات لأبعد حَد
" عَدا وحدة أبد مو حلِوة "
چنت آني وكُل الاطباء نحاول نتعرف ؏ زميلاتنا الجميلات ونتبادل النقاشات
ومِن تكون عدنا مصلحة او سؤال صعب يخُص مهنتنا نروح نسأل " المو حِلوة " (جوري)
لان چانت كلش ذكية وشاطرة ...
______________

ملهم: الصراحة الاصابة المريض الي عندي چانت كلش صعبة بس الحمدلله عدتّ ؏ خير ، ويرادلة عملية ثانية اطلع الشضاية الي بجسمة بس المريض ضغط الدم مالة مگاعد يستقر واخاف انطي جرعة زايده من المخدر ويروح يموت مجاي اعرف شسوي حيرني
ابيل: روح شوف جوري شنو تُكلك (اثناء كلامي دخلت جوري)
جوري: مرحبا
الكل: اهلاً وسهلاً
مُلهم: اجيتي بوكتچ جوري "سولفتلها على حالة مريضي"
جوري: سهلة.. وگعدت تشرح لمُلهم شلون يتعامل مع المريض مالة..
جوري: اترخص عندي شغل
مُلهم: براحتچ
ابيل: ابتسم بسُخرية
مُلهم: گاعد تضحك شبيك
ابيل: اضحك عليها
مُلهم: ليش شكو شبيها
ابيل: بشرفك هاي منو يتزوجها
مُلهم: ما اظن أحد يفكر بيها
أبيل : حتى حُذيفة
(حُذيفة شَخص يتودد لأي أنثىٰ ؏ هالكوكب )
حتىٰ حُذيفة اللّي يحب الأخضر واليابس ميباوع عليها
" اللي ياخذها يكسَب بيها أجر "
بهاي اللحظة سمعنا صوت قَريب علينه
وطلعنه نشوف فَـ شفناها دتاخذ أغراضها
وسمعت كُل كلامي عنها!! ، چانت مرتبكة فَ أخذت غراضها وطلعَت وإحنه عبالنا هِية طلعت من زمان ..
مُلهم : تَرة سمعتنا
أبيل: خوما حچينه شي غلط هذا هوَّ صار اللي صار سمعتنا بعد شنو نسويلها ..
" جوري "
بَنت ذكية طيبة مع الكل سمراء البشره عدها عيون چنها عيون الغزال مسحوبات والرُموش ثخان وطويلات عيونها عسلي غامق والغمازه بوجها نادراً ما تطلع لان هيه انسانة منعزلة تقريباً و وقتها دائما مع صديقتها
" فجر " الي تحب شعرها البني الفاتح والكيرلي ودائما فجر تكلها" اريد شعري يصير نفس شعرج " ..
.. دخلت للغرفة الي يكعدون بيها الممرضات والممّرضين والاطباء چنت ادور على فجر، سلمت عليهم وطلع مُلهم عنده موضوع ويحتاج مساعدة حاولت با المعلومات الي اعرفها اساعدة، شفت فجر من بعيد واكفة ترخصت من الاطباء حتى اروحلها، وكفت ورى الباب الخارجي حتى اشيل غراضي وسمعت الشي الي ما ردت اسمعة، رادو يوكعون مني الاغراض شفتهم اجوي و باعولي عرفت همة متعمدين يحچون هذا الكلام گبالي حتى اسمعهم.. استحقرتهم كلش وضليت ابعد عنهم واتحاشهم وبا الاخص "ابيل" الي گال علية
" اللي ياخذها يكسَب بيها أجر"
هاي الكلمة ضلت براسي ووخزت گلبي وكلما اشوفة اتذكر هذاك اليوم واستحقره اكثر لان انسان بلا حياء ولا احترام، وينضر للناس بشكلهم الخارجي،
وانة عمري ما نضرت لشخص من الخارج دائما انضرلهم من الداخل، طلعت وانة ضايگ خلگي شافتني فجر من بعيد.
فجر: هاي وينچ صالي شكد ادور عليچ؟
جوري: چنت بغُرفة الاطباء
فجر: شعجب؟ انتِ عادةً متگعدين يمهم
جوري: چنت ادور عليچ فه رحت هناك
فجر: اي؟
جوري: اي وشفتچ وطلعت
فجر: تسولفيلي لو شلون؟
جوري: شسولفلج؟
فجر: جوري كلش زين اعرفچ انة، كليلي صاير شي شبيچ ؟ الدمعة بطرف عينچ احچيلي شصاير
جوري: مسحت عينها بأطراف اصابعها وگالت وابتسمت بحزن.
" فجر انا حلوه؟ "
شبگتها فجر وما حست الا جوري وهيه تنهار بحضن فجر! ..
فجر: گومتها وغسلت وجها وطلعنا بَحديقة المستشفى نتمشى وجانت الدنيا ليل والجو بارد وقطرات مطر خفيفة كلش گعدنا با الحديقة وجان الهوى يطير شعرها الكيࢪلي الي احبة..
هسه شربي ماي وگُليلي شصاير؟ منو مزعل هلعيون الحلوه؟...
جوري: صمت..
فجر: لا اذا تسكتين راح اصير مو محبابة وياچ فَ حچيلي وسولفيلي ترى ازعل
جوري: ماكو شي صدگيني بس چنت مختنكة شوية وتعبانة من الشغل
فجر: تضمين علية جوري؟
جوري: مو اضم عليچ بس صدگيني ماكو شي وما اريد اتذكر الي صار..
فجر: ما حبيت الح عليها اكثر ادري هيه بس تهدء راح تحجيلي كل شي..
هذا اليوم كان يوم شُبه هادئ ما بي مصابين هواي وما علينا لود وشغل هواي.. ضليت گاعده يمها والسكوت عمَ المكان .. حد ما كالت
جوري: هَسة انتِ مجاوبتيني على سؤالي انة حلوه؟
فجر: اكييّد هاي شگاعده تکولين غير تخبلين انتِ
جوري: ابتسمت ابتسامة خفيفة
فجر: اي.. اي.. شوفينا غمازاتچ(ابتسمت اكثر)
اووي فدوه اروحلهن
جوري: چا ليش يگول علية مو حلوه والي يتزوجني يكسب بية اجر؟
فجر: انصدمت من الي گالتة باوعتلها عيونها تغورگت با الدموع ونزلت راسها.
.. فجر" بعصبية" منوو الي گايلچ هيچ يا حيوان هذا
جوري: اكتفت با السكوت..
فجر: تذكرت هيه گالت ساعدة مُلهم وبس طعت مچانت على بعضها..
.. مُلهم گالچ هيج
.. صمت
.. جاوبيني مُلهم لو منو.؟
.. صمت مرة الثانية
.. بسيطة انة الة هذا الادبسزز.. حاولت تگوم "لزمت ايدها"
جوري: اگعدي لخاطري
فجر: عوفي ايدي حبابة
جوري: جاي اكلچ گعدي
فجر: ليش اگعد ترديني اسكت لواحد مثل هذا؟
خيولي والله اشتكي علية عند المدير
جوري: الله يخليچ گعدي انة ما اريد اسوي مشاكل مع اي احد انة اريد اسوي واجبي للمرضى وهاي هيه مَ جاية علمود اتعارك فـَ الله يخليچ اكُعدي لخاطࢪي..
فجر: " تنهد " استغفر الله، ماشي اهم شي هسه انتِ ارتاحي وابداً لا تهتمين لكلام هذا النذل ابداً انتِ حلوه وجميلة وكلمة الف واحد يتمناچ صدگيني تنگال بس عليچ.
جوري: ابتسمت ابتسامة خفيفة..وضلينا گاعيدن شوي با الحديقة..
.. خلينا نروح للغرفة نرتاح مدام اليوم معدنا خفاره..
رحنا للغرفة چنت تعبانة كُلش وبس اريد انام
فجر: جوري انة رايحة
جوري: وين شنو متردين تنامين؟
فجر: لا بس اكو مُمرضة قبل شوي چانت محتاجتني وخُطية راحت من بالي فَ هَسه رايحة اشوفها
جوري: خَوش روحي
فجر: انة إلك وينك يا نذل "ادور عن مُلهم"
_ مرحبا دكتوره
_ اهلاً فجر
_ العفو ما شفتي دكتور مُلهم؟
_ نعم شفتة گاعدين با الحديقة مع زُملائة
_مشكوره دكتوره تعبتچ..