لــبـوة الـمــوصل

الــحــلــقـة الــحـاديـه عـَـشـر

لــبـوة الـمــوصـل

لــلـكاتــبة: مـــهــرة
𝒃𝒊𝒏𝒕 𝒂𝒍𝒉𝒖𝒅𝒂𝒂𖤾

#آلُِلُِهـم صلُِِ  عٍ محٍمدِ وآلُِ محٍمدِ🜻 💙

صوتوا و علقو بين الفقرات 💗

___________________________

#عــَـهـَـد

گاعدين اني و حــور وحده بصف الخ وسمسم گاعده مقابيلنه

اباوع من شباك عسا احفظ الطريق كُلشي يصير

مرة ربع ساعة ولتفتت ع حــور وهمست  :-شنو وين صرنه

باوعتلي بكل ثقة وهمست :- ما بقة شي ونوصل للمكان المُحدد

همست :- ليش تعرفين طريق

ابتسمت ابتسامه جانبية :- يولو طبعاً

ضحكت بخفة واني اكول بيني وبين نفسي..هذولة صُدك اذكياء ميعبر عليهم شي

وفعلاً شي ربع ساعة ونزلت سيارة بمنحدر تُرابي وصارت گدامنه مخيمات و شباب دا يدربوهم

وگفت السيارة و نزلو منها الولد الي چانو گاعدين ويانه ليورة

عاط واحد بيهم :-أنزلوووو بِسرعة

احنه چنه بالنهاية فَ الي بالمقدمه نزلوا وصل دور ال حــور تنزل واني انزل وياها وهذا الي كنت اضنه بس صدمتني من

عگدت حواجبها وهمست بصوت مسموع :- ما أنزل رجعوني لأمي

دخل واحد للسيارة وهو مدنگ وتقرب علينه وهمس :-تنزلوو بسرعة لو اشوفكم شي ميعجبكم

ابتسمت حــور تك خد وبنفس مستوى الصوت الي حچه بية گالت :- ما ستحيت ع شواربك سابي بنات محافظتك

عگد حواجبة :-اني ما اكرر كلامي انزلوو بسرعة

ضلت حــور مصرة أنُ متنزل :-وشتسوي اذا ما نزلت

ضحك بستهزاء :-أسوي هواي اشياء اعجبچ اني

ضحكت حــور نفس الضحكه بس بصوت اعلى شوي غمزتلة وگالت :- مشهودتك

حيل عصب و لزمها من شعرها ويعت بيها واني حاولت اخلي يتركها :- الله يخليك عيفها فدوة

ترك شعرها :- تزلوو هين بساع

نزل و حــور نزلت وراه واني وراها باوعت لگيت سمسم ما موجوده لا هيا ولا البنات الي نزلو قبلنه

تقربت أكثر من حــور وهمست :-وين اخذو سمسم

همست :- اكيد اخذوها لنفس المكان الي ماخذينه اله بس اخذوهم قبلنه

دخلنه بوحده من المخيمات وكان عدد النساء الي بيها كلش هواية والي تبچي والي تصرخ والي ساكته

شوية ولمحنه سمسم منتكيه ع الحايط ولامه رجليها الحضنها

تقدمنا بتجاها بعد ما فتشنه الموجودات بطريقة جدا بشعة