للخلود

الفصل١

_جميعنا ندرك بأن هذه الحياة تحتوي على كل شئ وعكسه
السماء والأرض ،الليل والنهار
أما الفناء .أما الفناء الذي جميعنا نندرج أسفله أيوچد عسكه في حياتنا ؟ أي هناك ما هو مُخلد حقاً في عالمنا ؟
سنترك إجابة هذا السؤال لأبطال روايتنا للإجابة عليه ؟

*الأم*: أيه يا بنتي هتفضلي نايمة كدة كتير

*أمنية*: أعمل أيه يعني يا امي هو انا وراية حاجة غير كدة

*الأم*: فيه ترويق شقة غسيل هدوم ومواعين.. فيه اكل عايز يطبخ  ... أيه ده كله مش مالي عينك

*أمنية*: البركة فيكي يا ماميتوووو انتي اللي هتعملي ده كله

*الأم*: يووووه ما تتعلميلك حاجة بقى بدل ما ترجعيلنا من تاني يوم

*أمنية*: طب وليه هو ميتعلمش.. اشمعنا انا يعني اللي لازم اتعلم شغل البيت

*الام*: والله امه داعية عليه اللي هياخدك

*امنية*: قصدك داعياله وكمان في ليلة القدر

*الأم*: يا بااااااي عارفة إني مش هاخد معاكي لا حق ولا باطل... قومي يلا عشان نفطر

*أمنية*: ههههههه حاضر
                 ـــــــــــــــــــــــــــــــ

*أمنية*: صباح الخير يا حاج

*الأب*: صباح الخير يا اختي... اقعدي يلا افطري ، أومال الواد احمد فين

*الام*: راح الشغل بدري النهاردة

*الأب*: ربنا يوفقه وأنتي يا هانم لسة ملقتيش شغل

*أمنية*: لسة يا حاج أدعيلي والنبي

*الأب*: يارب تلاقي شغل... نفسي اشوف البيت هادي

*أمنية*: بتقول حاجة يا بابا

*الأب*: لا ده انا بقول عايز أشرب

*أمنية*: بحسب
                    ـــــــــــــــــــــــــــــــ

فـــــــي الــــمـسـاء

*أحمد*:  أيه يا عم العاطل عامل أيه

*أمنية*: أحسن منك... قاعدة في البيت  مرتاحة  بنام براحتي  باكل  بشرب  بلبس  بتفسح  مش زيك  الشغل واخد كل وقتك ومش عارف تتهنى بحياتك

*أحمد*: تصدقي إنك باردة

*أمنية*: عارفة قول حاجة جديدة

*أحمد بغضب*: غوري يا بت يا مستفذة من وشي

                    ـــــــــــــــــــــــــــــــ

تــــانـي يــــوم
*أمنية بفرحة وهي تُحدث نفسها*: اوبااا أبعتلها مسچ وأشوف

               🗨🗨🗨🗨
*أمنية*: بكلم حضرتك بخصوص بوست الشغل اللي حضرتك كنتي منزلاه
_تمام يا فندم ممكن تبعتيلي بياناتك كاملة وصورة شخصية ليكي لو سمحتي
*أمنية*: طبعا يا فندم اسمي أمنية محمد خالد... 23 سنة... دبلوم تجارة... أنسة... من القاهرة
_تمام شغلك هيتحدد هو أيه بعد المقابلة الشخصية
                      ____________