أنا وداعش

البارت السادس

مِن أوَل نظِرة
حَيل تعلِقت
بيّك
عشِگتك
مَا سألتِك
حَاب مِا حَاب
اساور،عبدلله
ابابيل:حضني دفعته وصيحت انته شفتني عايشه وياك وماعندي احد كلت خلي استغلها واخذ شغلتي منها واشرد ترا صغيره بس كلشييي افهمم وكلشييي اعرففف وهسه توديني لبيت جدي وحرف ماريد يلااا ويوسف والقران اذا قربتلي بعد ماكول ساعدني اروح اشتكي عليك اخيسك ب السجون يلا وخر دفعته ونزلت اخذت حجابي لبسته ولبست الصايه اجتني طيبه
طيبه:وين رايحه جاي اخلي غدا تغدي وروحي
ابابيل:احجي والدمعه بعيني لا مشكوره بعد كلبي ماشتهي وابوي اتصل عليه
طيبه:تمام عمري براحتج
ابابيل:خزرته يلا امشي طلعنه صعدت ورا وطول الطريق ساكته وهوا بس يستغفر وصفتله العنوان
يوسف:مجانت نيتي اسوي هيج ابد بس ماعرف شبيه من صرت قريب منهه هيج وصارت توثق بيه سويت هيج استغفرلله وصفتلي العنوان ورحنه بيت جبير
ابابيل:شكرا عود نزلت وسديت الباب حيل باوعتله نضره اخيره كأنو جاي اعاتبه ع الي سوا بيه ومشيت دكيت الباب وطلع
......
يوسف:طلعت للبيت ضايج ليش سويت هيج انا شبيه مطي خرب حتئ انه بعد وين اشوفهه استغفرلله
اقبال:اشوا وشرفت استاذ
يوسف:وين امي
اقبال:داخل
ساره:هلو شونك
يوسف:هلابيج حبيبتي دخلت لامي يمه اريدج بموضوع ضروري ومهم
اسماء:خير يمه شنوا
يوسف:اريد اتزوج
اسماء:بس انته مصارلك حتئ يومين من فصخت
يوسف:يمه انا اكو بنيه بالي وصارلي هواي اعرفها واريدها وبعدين انا مو بنيه لازم انتضر العده تخلص
اسماء:خير نشالله انا باجر العصر اروح لاهلها واشوفهه وانته انطي البنيه خبر
يوسف:بفرح اي نشالله كمت بست راسهه حبيبتي امي
اسماء:مصلحجي عابتلك
......
ابابيل:دكيت الباب وفتحه رجال جبير بس مو كلش يعني بعمر ابوي هيج سلام
اسحاق:انتي ابابيل
ابابيل:اي عمي شون عرفتني
اسحاق:تفصلي بويه البيت بيتج نسخة امج
ابابيل:ابتسمت ودخلت وشفت عشيره متجمعه ب الصاله شباب وبنات سلام
الكل:وعليكم سلام
نوره:انتي بت عمي سامر
ابابيل:اي انا
نارين:يايي تخبلين
ابابيل:احم شكرا
شهاب:شباب شرايكم اجيب راسها ولا اخليها تموت عليه
الشباب:نتحداككك
شهاب:هزيت راسي بضحك
ابابيل:دخلت كعدت يم البنات صاحني رجال جبير
ايهاب:تعاي بويه تعاي
ابابيل:ها
ايهاب:انا جدج
ابابيل:شونك جدي بست راسه وكعدت اباوعلهم مصدومين كأنو سويت شي غلط اشرت للبنات شكو
ايهاب:شوفي بويه انتي انحرمتي منه واحنه انحرمنه منج بسبب ابوج الله لايرضئ عليه تزوج امج وعارض الكل وماحجينه واخذكم وراح للانبار وهم ماحجينه بس قاطعنه كلش بحيث ماندري شكد اعماركم شكد عنده اولاد ماندري
ابابيل:بدموع انا عمري 15سنه واخوي عمره 22 الي راح وبعد ماشفنه ابد واختي نور 19 سنه توفت
ايهاب:لاتبجين بويه لاتبجين طكيت عصاتي ب الكاع كلكم طلعو برا بس اسحاق يبقئ وابابيل هم يلا سريع
ابابيل:اشوف الكل طلع ها
ايهاب:باعي جدي انتي اخذوج داعش انا كلشي اعرف سوولج شي منا منا؟
ابابيل:بدموع ماسوو شي بس سكتت ابجي
اسحاق:بس شنو احجي
ابابيل:بس قبل ماياخذوني ابوي اغتصبني غطيت وجهي وانا ابجي
ايهاب:ولله ابن زنا هاذ الا الزمه وانعل والد والديه لاتهتمين بويه احنه نعرفج شنو ونعرف تربية هدئ
ابابيل:كعدت ابجي وهمه يتوعدون يجيبون ابوي
اسحاق:روحي بويه
ابابيل:طلعت من الباب مادري وين اروح مسحت دموعي عبر ولد احم يولد
شهاب:ها
ابابيل:وين البنات
شهاب:ب الغرفه الفوك الثانيه ع يمينج
ابابيل:تمام شكراً عفته وصعدت احم هلو بنات
البنات:هلابيج
نوره:تعاي نتعرف عليج
سيرين:انا ونوره ولد اسحاق الجبير
نارين:انا وخالد وعمار وشهاب وعمر ولد الاصغر من ابوج طالب
ايناس:انا وفاطمه وغدير بنات عمتج شيرين الصغيره
ابابيل:يعني عندي عمام 2وعمة وحده مو؟
غدير:لا عندج بعد عمات 2وحده خارج البلد ووحده توفت قبل سنتين الله يرحمها مسكينه وعدها بنيه وحده اسمها اساور
اساور:رفعت ايدي انا
فاطمه:بضحك هاي الخبله مالت الشله هههههه
البنات:هههه
ابابيل:كلكم تنامون هنا
غدير:لا باعي احنه جايين هنا نتونس صارلنه اسبوع باجر نروح وبعد مانجي
اساور:خلي اختصرلج كلهم بنفس الفرع
فاطمه:بتصفيق واووو
اسور:شكرا شكرا خجلتوني
ابابيل:اباوعلهن مبينات لطيفات كلش معقوله الله راح يعوضني بخوات لان اختي ماتت انشالله صارت دنيا ليل رحنه انا واساور للغرفه مالتنه عزلت غراضي اريد انام ودك تلفوني
اساور:ها منو
ابابيل:لحضه ها يوسف
يوسف:كولي لبيت جدج باجر جايين خطار الهم
ابابيل:وانته شمدريك
يوسف:جاي اخطب غير
ابابيل:شهكت شسويييي
يوسف:اخطبك يحلو
ابابيل:انجب يوسف
يوسف:ديلا يلا عندي حساب وياج بس خلي تصيرين ع ذمتي ههههه
ابابيل:انجب.. ضحك وسد الخط
اساور:بفضولل منوو منوو
ابابيل:حجيتلهه كلشي
اساور:ولله تحبينه
ابابيل:وفاروق؟
اساور:لان اهتم بيج بس هاذ تحبينه ولله
ابابيل:يعني اذا اجو باجر اوافق؟
اساور:يخطبججج
ابابيل:اييي شبيج
اساور:خاب وافقي يوم الالي انا وخالد
ابابيل:تحبينه
اساور:غمزتلهه عندي علاقه بي واحبه صارلنه سنتين
ابابيل:الله يديمكم وتاخذينه نمنه وانا احس بشعور غريب كعدت يوم ثاني كلت لعمي اسحاق جايين خطار
اسحاق:منو ذوله وشون عرفتي جايين يخطبون
اساور:تريد تحجي وقاطعتهه يا خالي غير اخو صديقتهه طبعاً تجي تكلهه
اسحاق:اهاا
ابابيل:بتوتر اي راح عمي واجن البنات للغرفه يكمزن
نوره:راح يصير عدنه عرس اخيراااااااا بس مالحكنه نشبع منج شنو هاييي
ابابيل:بضحك جا قابل باجر عرسي لا حبي مجرد خطوبه ومن اصير 17اتزوج
اساور:دكولي يالله
ابابيل:اي ولله شبيجن عفتهن ومشيت دخلت للحمام سبحت وفرشت اسناني ومشطت ولبست فستان حلو ابيض وبي فرولات وشال ابيض رتبت نفسي وخليت حمره خفيفه بعد ما شلعن كلب كلبي البنات لان ماحب المكياج وخليت مسكاره شوي وخليت عطر سمعت صوت نسوان جوه احس رجلي خدرت خفت كل الشعور تجمع بيه احم شوي وصاحولي اخذت الضيافه ودخلت شفت نسوان 3وبنات 2
اسماء:تعاي كعدي يمي يمه
ابابيل:اي اجيت كعدت يمها وهمه بدو يحجون وانا الرجفه ماراحت مني
شيرين:انشالله نشوف عمامها ونردلكم خبر
اسماء:بأبتسامه عاد نريد اخبار حلوه تفرحنه
شيرين:انشالله
ابابيل:طلعو ورحنه نسوي عشه خلصنه عشه وجمعنه جدي ب الديوان
ايهاب:طبعاً امس اجت ابابيل بس كلنه تعودنه عليها وحبيناها بس اجه نصيبها اجه اخو صديقتها وخطبها واحنه سئلنه عليهم وطلعو خوش ناس وابابيل احنه موافقين بس ننتضر الرد مالتج باعي الولد خوش ولد ولله العضيم صايم مصلي والنسوان درة مالت الله ويبقئ الرائي يمج الاول والاخير ف كيفج بعد جدج
ابابيل:الي تشوفونه جدي
ايهاب:خوش جا عگب باجر نرد خبر علمود يكطعون مهر
.....
يوسف:ورا يومين جاي اشتغل خابرتني اختي تهلهل شكوووو منو تزوجج هييي
ساره:ولكككم عاشش عاششش يوسف لكيناله مره حيو حيو حيو ههههههه وافقو الناسسسس وافقوو
يوسف:بفرحه صرخت صارتليييييي صارتليييي
حضنت صديقي سيف وفريته ولككك راح اخذههه
سيف:خاب نزلني راحت هيبتي خرا عليك
يوسف:فرحااااااان ياربي اخذت سويجي وشخطت السياره اشتريت كيلو جكليت رحت للامام الكاضم كله ذبيته هناك ورجعت
كعدت ع العشه يمه باجر خابريهم كليلهم الخميس نعقد والسبت الخطوبه
اسماء:بس يمه مايلحكون يومين وين يلحكون هسه العقد عادي بس السبت
يوسف:معليه اريدهه
اسماء:شسوت بيك هلبنيه
ساره:بس يمه حبابه وتدخل الگلب وحتئ تخبل بحيث انا احلئ وحده ب العشيره من شفتهه غرت منها
يوسف:دباعع دباعع تتغزل بمرتي كدامي دكومي لا اسطرج خايسهه
ساره:كمت اهز واركص يويو لكيناله مره
عذراء:وانا ادك ع الطاوله حيو حيو حيو
ساره:احنه خواتك الاربعه لتكول ماعندي خوات
عذراء:هي هي هيييي
اسماء:صدك يوسف روح جيب خواتك باجر زينب وشمس يردن يجن
يوسف:عود خلي يجن ب تكسي وانا دفعلهن
اسماء:انجب وروح ترا الغي الخطوبه ولله
يوسف:لا حبيبة كلبي كليلهن باجر اجيبهن من صبح كمت انام نعسان
.......
ابابيل:جاي امشط واجتني رساله من يوسف بيها
"تصبحين ع خير مريتي"
ابابيل:كلش حبيتهه كلمة مريتي بس ماحبيت ابين خفيفه رديت عليه،، وانت بخير،،
شنو تتوقعون يصير ب الاحداث الجايه؟ 🤎