بسم الله الرحمن الرحيم
اللهم صلِ على محمد وال محمد
________________________________
بقلمي الكاتبه زهࢪاء المياحي ❤️✍️
________________________________
لاتنسون التصويت(⭐✍️)
________________________________
امي باعت الهوايش كلهن فرد مَࢪه خمسه ب٣ ملايين وللعلم ابوي مشتريهم بسعر اغلى من هيج بس ضطرينه نبيعهن بهيج سعر حته نطلع من المنطقه
هناء: جيبو جنطكم يله
مالك: ماشيل شي مابيه حيل ضهري يوجعني
هناء: لاتشيل بس امشي
مالك: ناخذ اكل؟؟
هناء: يمه امشي
مالك: موتينه من الجوع موتينه
اخذنه ملابسنه وطلعنه من البيت مالتنه ضلينه نمشي وتعبنه حيل وصلنه لمدرسه جبيره وبيها عوائل خاتله هواي
المدرسه حاره كلش ومابيها مكيفات ولابيها مراوح وبوخه بس شنسوي غصبا علينه نتحمل ونكعد بيها
مريم: ماما حاره واخوي احمد صغير مايتحمل
هناء: جيبي الكارتونه اهفيله جاشسوي
مريم: هسه اجي
جبت كارتونه وكعدنه نهفي
احمد عطشان ويريد ماي بارد وماكو يمنه بس بطل قديم بي مي حار يجوي جوي
امي تقنع بي يشرب وميقبل
احمد ضل يبجي يريد ماي بارد واني حايره بي
اكو عائله كاعده بواحد من الصفوف ورجال سمع احمد يبجي
الرجال: شبي مريض
هناء:لايريد ماي بارد وماعدنه بس هل بطل لكينا هنا
الرجال: عدنه بطل بي ثلج هسه اجيبه الكم
هناء: رحم الله والديك خويه
اجه الرجال بيده بطل جامد امي كامت تدير الماي الحار بل بطل حته يبرد وتشربه
ضلينه ساكنين بالمدرسه تقريبا شهر
هناء: كومو خلينه نمشي نشوف غير مكان
مريم: رجليه يوجعني
هناء: ميخالف ماما كومي
اخذنه الجنط وطلعنه من المدرسه
بقينه نمشي ودخلنه بغير منطقه
وهم سكنه بمدرسه وكعدنه بصف من الصفوف اليّ بالمدرسه لحد ليل سمعنه انفجار والناس اليّ بالمدرسه ويانه كامو يصيحون
طططلعوووو طللعوووو طلعو راح يضربوهن
ارتعبنه وخفنه واخواني صغار ميتين من الخوف ويبجون اخذنه جنطنه ورحنه نركض من المدرسه ضلينه نمشي بالطريق سدو الشوارع ماكو سيارات ردنه نروح لبيت خالتي بس ماكدرنه
وحته اذا نمشي الطريق كله متفجرات وقنابل
قررنه نمشي ونتوكل ؏َ الله
امي كامت تمشينه واحد ورا ثاني وراها
هناء: امشو وراي ؏َ خطواتي
مشينه كلنه واحد ورا الثاني
وصلنه لمنطقه خالتي اجانه رجل خالتي رحب بينه
رجل خالتي: ياهلاا تعالوا عساكم ماتعبتو
أنت تقرأ
مريم
Romanceقصه حقيقيه بقلمي انا زهࢪاء المياحي من ارض صلاح الدين طِفلة صَغيره عاشَت في مُر الحَياة لـن تذُق طَعِم الطفولهِ عـــاشت يتيمه الأَب تَعَرَضّت للعُنف وَالضُلم وإِنجَبَرت أن تتقبل واقُعها وإن تَعيش على ماهي عليه ألان فَكيف سْتكون نهايه المطاف؟؟ سَن...
