ضحايا الثأر

البـارت الخامس

زبده القول هي القويه ولا تهـان ولاتُستَـغل

ولاتُڪسر هي صاحبه مبدأ تَعيش عـليه

وتُحـارب من أجـله مَـرنه بثباتهاا وثقتهاا

تَعـرف نَفسـهاا وتسعى بدأب نحو ألافضل

لاتقع ضحيه الصدف ولاتنبهر بل بدايـات

فلڪل بدايه نهايـه ترتب مشاعـرهاا في

أدراج هيه امرأه قويه حُره ملكه في

حياتهاا ومدارهاا الخاص...

__________________________

لاتنسون التصويت والتعليق بين الفقرات عَيـناي
____________________________________

أريام: فتحت عيوني وانصدمت من اللي شفته گدامي

آدم أبن عمو علي گاعد گدامي ويحجي وياي والصدمه

الأكبر من شفت نفسي بغير المكان اللي ڪنت بي

ماأعرف شلون ويمتى أجيت لهل مڪان أدم يحجي

وياي بس ماأعرف شنو يحجي بس أسمع صوت ممفوم

شوي ودخل عمو مهيب لا ارادي دموعي نزلو من شفته

عمو مهيب كُلش ينطي شبه لبابا وأحبه أجه يمي بدون

مايحجي شي بس عيونه حمر بيهم دموع اجه حضني

وضل يطبطب على ضهري ماحجه شي بس انا ابچي

ورا نوبه بڪاء طويله رفعت راسي اله اباوع بعيونه

عمو ليش عفتني يم هذا تعرف شنو سوا بيه؟!

مهيب: أي بابا أعرف خلص أنا أجيت ترحين

وياي ماأخلي أحد يگربلج انا وياج مااعوفج بعد

خوش بابا يلا ارتاحي هسه بابا..

أريام: عمو يعني ماراح تعوفني؟!.

مهيب: أكو واحد يعوف روحه لابابا مااعوفج بعد

غلطت مرا وعفتج بعد ماتنعاد..

اريام: أحبك عمو

مهيب: يابعد عمج ريمتي.

آدم: يلا فضونه عاد كتلنه الجوع شسالفه

مهيب: انت انكتم يايوم ياساعه انت ماجوعان.

آدم: حاسديني على اللگمه اللي أكلهاا.

مهيب: ديلا يلا گوم حضر الاكل وجيبه ريمتي جوعانه

أدم: بعد روحي تردون اوكلكم انت وريمتك؟!.

مهيب: لا شڪراً بس حضر لاتمن علينه.

آدم: عود خوش رحت للمطبخ احنى جايبين من المطعم

بس جهزتهن بصينيه واخذتهن..

مهيب: گاعدين نحجي أنا واريام وندفر باب الغرفه علينه ودخل آدم.

آدم: يلا تعالو أكلو انا حضرت ألاكل الكم بعد شتردون

وين لاگينهاا انتم.

مهيب: لايابوي شنريد بعد وأدم يحضرلنه ألأكل.

اريام: هم يحجون وانا اباوع الهم وابتسم رغم

اللي مريت بي والتعب بس شوالفهم تونس

نزلني اجو يمي جابو ألاكل ممخلين شي مجايبينه

وكلني عمو شوي شوي ماأگدر اكل

كافي عمو شبعت

مهيب: يلا بابا بس هاي.

اريام: مااريد عمو

مهيب: يلا بابا لخاطري وراج علاج يلا حبيبي

اريام: تمام بس أخر وحده عمو مااكدر..

مهيب: يلا آدم شيل الأكل وجيب العلاج.

آدم: شني خالي اشتغل عندكم انا؟!.

مهيب: هسه انت كلفوك بل مهمات الصعبه العشى

اخذه وجيب العلاج.

آدم: خوووش.

اريام: عمو نعسانه وتعبانه كلش جسمي متكسر

مهيب: اي بابا هسه انطيج العلاج ونامي ترتاحين

اريام: اي عمو جاب آدم العلاج انطاني عمو ونمت
_______________________

بارت قصير لان نشغلت هواي ومكدرت اكتب اعتذر
ان شاءلله باجر اعوضكم عَيـناي

ضحايا الثأر

الكاتبه:ناره
حساب انستا للتواصل: 400yyc

للحكايا بقيه
استودعكم الله..