احبك.

البداية.

اني اسمي قمر عايشة وية  ثلاث اخوان اكبر مني مرتضى وعباس وعلي ثنين منهم متزوجين  وعدهم اطفال والاخير ما متزوج  اني ادوام بالأعدادية اخر سنة الية .

كعدت الصبح طبعا بعد معاناة جبيرة وصعدو العائلة كلهة حتة  تكعدني بدلت وخلصت اكل وانتظرت علي يوديني للمدرسة .

رحت للمدرسة اول يوم الية طبعا  تحمست شوية دخلت للصف البنات يباوعن علية بطريقة غريبة كلت السلام عليكم ودخلت كعدت حسيت البنات شلون ذني البنات المتنمرات بالمسلسلات اجت وحدة يمي كالت : هلو, شنو اسمج ؟

اني: هلو بيج اسمي قمر وانتي ؟

كالت :اسمي ملاك 

دخلت المدرسة طبعا مالحكنة نحجي هواي شوية حجينة بس تعرفنة يعني 

انطتنة المدرسة تحضيروطلعت رئسا لانو اول يوم ميدرسونة شي فحجينة اني وملاك هواية حبيتهة كلش وحسيتهة كلش لطيفة ومرت الايام وتقربنة كلش اني وملاك بحيث اني كلشي احجيلهة وهية هم كلشي تحجيلي . فديوم كلتلهة تعاي لبيتي نتونس سوة  فاتفقنة على  يوم تجي يمي 

خابرتني ملاك وكالت : وينج قمر فتحيلي الباب استحي ادكة اخاف يطلعون اهلج 

قمر : اللة عليج تستحين ؟ شنو السالفة يمعودة تمام نازلتلج .

ملاك : هلووو .. شبكتهة وكلتلهة هلوبيج صعدنا للغرفة طبعا محد شافنة 

ملاك : ولج قمر عيد ميلادي بعد  يومين وراح اسوي حفلة كلش جبيرة اخوية قبل وكال اني اجهز كلشي  متتخيلين شكد فرحت اول سنة يقبل اسوي حفلة لان كل مرة ياخذني لمطعم بس 

قمر: يا شلون حلو

ملاك : باعي لج تجين مو تكولين اهلي ميقبلون وماعرف شنو 

قمر : ولج ماعتقد اخوية يقبل اجي يموت من هيج سوالف

ملاك : يا مو بكيفة اذا متجين واللة ازعل ماعرف قنعي بأي طريقة  انتي اهم شي 

قمر : حياتي واللة ماعرف اشوف انشاللة 

ملاك : اي شنو راح تلبسين 

قمر: يمعودة بعدنة اصلا مو اكيد اروح 

ملاك: انجبي تجين 

................................................................................................................................................................

مرتضى : وين الاكل راح نموت من الجوع 

مريم / زوجة مرتضى : اوكف يمعود دنصب 

مرتضى : وين علي وقمر 

عباس : علي طالع .. هذا اجة 

مرتضى : هاي وينك انتة ليش تأخرت اليوم 

علي : جانت عندي شغلة 

مرتضى : اويلي من شغلاتك اللي متخلص , المهم قمر وين ؟

عباس : فوك كاعدة وية صديقتهة 

علي : منو هاي صديقتهة ؟ 

مرتضى : شعليك انتة بابا 

علي :  هسة شكلت قابل 

قمر : علي تكدر توصل صديقتي 

ملاك : لا ترا ماكو داعي اروح وحدي 

علي : لا يابة شنو السالفة هسة اوصلج

ملاك وعلي بالسيارة ..

علي : بهاذا الفرع بيتكم 

ملاك : لا الفرع الثاني  .. سكتت شوية وحجت : علي خلي قمر تجي لحفلة عيد ميلادي  وانتة هم تعال 

علي : لا يا حفلة قمر عدهة دراسة واحنة عدنة شغل وحتلو اني قبلت مرتضى ميقبل 

ملاك : علي حباب قنعة وتعالوكلكم 

علي باوعلها ومستغرب من طريقة كلامهة : واللة ماعرف اللة كريم 

نزلو من السيارة واجة واحمد شافهم احمد اخو ملاك صاح بصوت عالي : ملاككك . منو هذا 

علي  باوعلة وكلة : اهدى حبيبي اني اخو صديقة ملاك وصلتهة وراح اروح 

احمد: اعذرني حبيبي عاشت ايدك اللة وياك 

يتبع ......في الجزء الثاني