الأغدار أسوداد الحياة

الإعلانن 🔥 + الموعد .

مساء الخير.

ألاغدار أسوداد الحياة.

الكاتبة: لولي.

..

الحياة دائماً تكون ضدنه بكلشي
واحنه نلومها باغلب الاحيان
لكن السبب بينه مو بيها
مجرد فترات تتعايش ويانه بس!
احنه مانشوف الطرف الصحيح الي يودينه للنجاة.
نسلك الطريق الي يبعثنه للتهلكه
ونذب الوم بيها ياترى مالذي يحدث
في هذا الحياة،،،،،،،،،.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- نزلت راسي محتاره بهل دنيا الي ماعرف وين راح تاخذني وتردني خايفه عليهم من روحي ماكو شيء يكدر يسدد هل خوف الي بداخلي..

نخلت أيد ع ضهري تمسد عليه بهدوء.

-لاتضعفين أنتِ قوية وهاي الاشياء مو جديده عليج.

رفعت راسي لفوك بدون ماأناضر.
- القوه بحد ذاتها ماراح تكفي التعب ملاحكني لأخر نفس بيه.

-الله كريم تعدينا الاصعب وراح نتعده هذا هم.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- بس ليش؟

- أسف لمصلحتج والله

- ههه يا مصلحه هاي

- سامحيني

- الصفحه الترستها أامال بيك حتركت من اليوم .

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- وين وينن تعاليي هنا

- خيرررر شتردين؟

- عدلي سلوبج لافر حلكج فرر

- ههههههههههههههه بيج خيرر عدلي حلكج العوجته الج امشي لچ.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- صوتٌ خافت ونفَس عالي يتردد بمكان لاتعيش حتى الاحيوانات بهِ صوت خطوات بطيئه وشيء ينضرب بل أرض وتصدر أصوات الطرقات الخشب والحُديد معاً....

جمدت بمكاني واني اشوف طوله مره ثانيه بعد الي صار......

: ش،، شسوين ه،، هناا؟

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

رفعت راسي لفوك اباوع لنص عيونه بخوف ويبادلني بنضرات شر وغليل حجيت بعد ما صليت ؏ نبي الف مرره بداخلي بتكرار دقات قلبي المضطربه..

- م.. من.. منو أنتَ شتسوي هنا..

- نهايه روحج انه.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

حضنتها لأخر مره وبتعدت..

- بأمانتج ليوم الدين..

- الهوى بضهرج روحي ولا تخافين ترجعيلنه بل سلامه..

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

شفته يركض وجاي بأتجاهيي صار وراي وحجه بصوت مخنوك..

- عليج الله ساعدينيي

- اششش شبيك فهمني

- يري.. يريد يكتلني حبابه اذا تحبين الله لاتعوفيني.

- ماعوفك بروحي اخليك بس اهدء

رفعت عيني ع صوت رجال خشن يحجي وياي شلت عيني اله وشفت...

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- صدكيني مايهمني بعد شي عابر وأنتهى بنسبه ألي مايرفلي جفن عليَ حياتي ماوكفت ع شخص.

- بعد أنتِ أدره الله يكون بعونج...

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

- اوكف اوكف شجاي تسوي..

- أرتوي شسوي يعني؟

- بعد  عني مااايصير  شبيك أنتَ ماتفهم

- يصير يصير عطشان وأريد أرتوي بيج ..

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

عبرت السياج العالي وتجرحت أيدي ببعض البقايه الزائده لحماية هذا المكان لزمت المكان وكملت طريقي الظلام دامس ماشوف شي غير اشياء كلش بسيطه اريد المحه ولو شويه سرعت خطواتي وباوعتله من بعيد كفاه مبين تقربت بخطوات بطيئه لحتى مايشوفني. بسرعه دار وجه لحسن الحظ جانت الظلام مينشاف بي من بعيد والمكان الي واكف بي هوه بي ضوء خافت

رجع كمل طريق ولحكته الاخر الطريق بقت انضاري تفتر بلمكان.

وين راح!؟؟؟ وين اختفى بهل سرعه هاي؟!

تقربت اكثر لم جذبني صوت خافت تقرب وياريت مامتقربه ولامخذتني رجليه لهذاك المكان ولا سامعه الكلام الي ممكن من خلاله ينتهي اكبر شي بحياتي.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

هاي بعض المقتطفات
من الروايه أن شاء الله تحبوها 🤍.

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

بخصوص الموعد راح تكون بعد امتحانات الدور الثاني للسادس الاعدادي ان شاء الله.

وراح يكون التنزيل بين يوم ويوم وبارتات طويله القصه تستحق الانتضار ماكدرت اعوفها تمسكي بيها حيل قوي وحيل حابه اني الي اكتبها وان شاء الله ماراح اقصر بيها.

دمتم بحفظ الرحمن 🦋.
#الأغدار أسوداد الحياة.