تزوجته لكنه لا يحبني

الحلقة الاولى

#كرونيك تحت عنوان:
😍تزوجته لكنه لا يحبني😍

#الحلقة 1:

كنت قاعدة نوجد في الدروس حتا نسمع بابا يعيطلي رحت ليه دخلت لقيتو قاعد هو وماما فالصالون قتلو انعم نطقت ماما و قاتلي كاينة وحدة تحوس على عروسة لوليدها و هيا حبيبتي و ناس ملاح و لاباس بيهم و زيد السيد غير هو عند يماه و باباه متوفي انا صراحة مكنتش دايرة فكرة زواج في راسي مي كي دارنا قالولي قلت معليش بلاك هذا مكتوبي انا لويقتاش حنقعد في دار بابا مورها يومين قتلهم راني قابلة

ايه نسيت نعرفكوم بروحي انا ايناس طفلة معروفة بلي ناس ملاح و عاقلة الحمدلله نخدم استاذة فالمتوسطة جايا سمرة و عينيا ماغون وكبار و شعري طويل
المهم دارنا تفاهمو على يوم الخطبة و جاو و عجبتتهم و فاتت فترة الخطوبة و سامح كل يوم يجي يديني من السيام لي نخدم فيه للدار
نعرفكوم بسامح انسان محترم ميهدرش بزاف جاي طويل و صراحة بزاف شباب عندو خزرة تقتل
كنا كل يوم على هاذ الحال نخرجو نحوسو كان يشريلي بزاف لي كادو ومتهلي فيا و انا حبيتو بزاف وتعلقت بيه و كان يامات ما يجي ليا ما يعيطلي ما يحوس صح كنت نتوسوس مي كنت نقول بلاك راه مشغول و لا خدام معليناش جهزت و جا العرس جاز عرس بزااف شباب مور ما خلاص العرس رحنا لدارنا الجديدة عادي حتى دخلنا للبيت قالي يا بنت الناس انا ما ندنا ليك ما والو و منا على 4 شهور نطلقو انا حسيتو ضربني بكف قتلو واش هاذي الهدرة.... علاش... واش كاين...
نطق قالي انا عندي وحدة في حياتي و نحبها و خرج و خلاني نبكي وحدي كي المهبولة
يتبع..