الحلقة 2:
بكيت حتا عينيا نشفو مالدموع و حكمت لاغوب بلونش قطعتها و قاعدة نقول انا واش درت في حياتي باش راني نتعذب هكا انا ذوك واش راح نقول لدارنا كيفاه حندير معاه امبعد استغفرت نضت صليت و رقدت غدوة منذاك نضت صباح دوشت لبست و رحت طيبت قهوة حتا سمعتو هو ثان ناض حطيتلو شرب و راح يخدم حسيتو عاملني ببرودة و مقيمنيش حتا خدمت شغلي درت لفطور حتا نسمع لمفاتح فالباب جا دخل قالي السلام عليكم رديت السلام و قتلو نحطلك تفطر قالي وي مذابيك حطيتلو لفطور و غسلت ماعني و طلعت لبيتي و بقيت نبكي حتى وين غفيت حتى نسمع دقديق بلعقل فالباب كي قتلو تفضل دخل قالي و جدي روحك فاليل نتعشاو برا انا تفاجأت قتلو علاش واش كاين... واش لمناسبة...علا اساس شكون... علاش تزوجت بيا..انا واش ذنبي....ياك مغلطتش معاك في والو وبديت نهدر ونعيط ونبكي قلبي كان محروق انا حبيتو و هو دار فيا هكا
قالي انا تزوجتك بسك يما سيفت عليا وانا عندي وحدة نحبها و يما ماهيش قابلة بيها قتلو علاش ما قنعتهاش و جابتهالك علاش تخربلي في حياتي سكت شوي و قالي على السبعة نلقاك واجدة نروحو نتعشاو انا نضت بدلت حوايجي و خرجنا رحنا لمطعم بزاف شباب قالي واش حبيتي تاكلي و انا قلبي يغلي و دموعي على شفري قتلو سردين مشوي بالخضرة حتا قالي اه انا ثاني نموت عليه وافضل حاجة عندي.
يتبع...
