يمه يعني عندج عادي بس والله مجبور لو مامجبور مااعوفج ثانيه وين اكدر على افراكج اني
ام شاهين: روح يمه الله والنبي حارسك اصلا رفيجات اني وسهيله..... بس تعرف بيت ابو سعيد هو وابنه طلعو صارت عدهم شغيله بالليل وطفر حرامي عليهم خطيه اجتي تشكيلي ام سعيد بس يايمه محد يدري كالت لتعلمين احد وانت مو احد يايمه
شاهين (اباوعلها وكاعد اتأملها شلون تسولف والله مايهون عليه اعوفها)... لچن هيج يايمه كل مااشوف ابو سعيد يكلي ديربالك على امك اذا هيج كاعد هنا مااروح وخليهم يشوفون غيري
ام شاهين: لا يمه لا لاتصيرلك مشاكل انت مو كلت طالبيك بالاسم
ام احمد: يي هيج وتلكالك وحده هناك ونزوجك عبن يكولون بنات كربلاء يطكن بالكاع
(ام احمد جيرانه تساعد امي بالبيت)
شاهين: لا خاله وين اروح اباوع على اعراض الناس
ام شاهين: تربايتي فدوة اروح اطولك ضوة عيني شهين
شاهين: يروحلج هدر شهين وعشيرته
ـــــــــــــــــــــــــــــــــــــــــــــــــــــــــــــــــــــــــــــــــــــ
في مكان اخر
بعد. منتبهت اشو كلها تصيح باسمي.. ماحسيت روحي الا واني حسن ساحبني وكاعده على الرصيف باوعت كدامي لكيت كلب ميت ودمه تارس الشارع بقيت ساكته وماانطق حرف وصافنه على منضر الكلب.... وناس ملتمه شفت محمد ابو الخط نازل جاي يمي الحمدلله ماما ماموجودة وبابا بالدوام لايصير بيهم شي كُلش يخافون علينه... ببعدت عن حسن ورحت دااريد اصعد بالسيارة اجتني ازل تركض صعدتني وكعدت يمي سمعتهم يكولولي لترحين بس ضليت منطقت حرف اني بطبعي على نمله انقهر وحتى من اشوف النمل ديشيلون بشي ثكيل عليهم اروح اخذه واوصله لبيتهم واذا مدخل بالبيت اقسمه صغار اللهم ويجي النمل ينقله للبيت انوب كلب مات كدامي وحسيت بسببي..............
ازل: حبيبي بس احجي شي كولي امشي دنغسل ترى حتى المدرسات لاحضن بيج شي احجيلج شي فدوة
بقيت ساكته منطقت ولا كلمه رجعت للبيت مرت ايام عادي بس من اشوف اهلي ابتسم واحجي من يسألون وهمزين محد كايللهم يدرون بابا يتخربط
والسبب الي مخليته حجه امتحانات وضغط
زينب: اكلج لسه مصارت زينه
ازل: للا احسن شويه دتحجي
زينب: مو مكبرة الموضوع
ازل: للا ممكبرته هي حساسه هوايه متعرفيها
زينب: يلا تمام حبيبي اشوفج على خير
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مر يوم اجه يوم رتبت اوضاعي وديت امي اطمئنيت عليها وطلعت كلبي قابضني من هل شغله نشالله خير
وصلت بعد 6 ساعات طريق والحجيه معافتني كلسا تتصل
أنت تقرأ
الصمت
Randomحائرون في زمانهم لايعلمون مالذي يبحثون عنه في هذه الحياة تشاء الاقدار وتجمعهم سويتآ ♡♡
