الإسطبل 🐎

طرف ثالث

تمام بشوف وش تقول و ارد لكم خبر
تسريع الإحداث بعد أسبوع تقريبًا رجعت ميمي بيت اخوها علي و اول ما دخلت تفاجأت انه اخوالها و أعمامها موجوديين ارسلت ل اخوها تعال عند الباب سريع راح علي مسرع ل اخته و اول ما وصل قال لها ها وشبك وش بغيتي
ميمي :- وش السالفة خير كلهم في بيتك مو انت قلت انه بيتك محد فيه
علي :- ايه بس....
ميمي :- بس وش قول
علي :- عبدالعزيز جاي يخطبك على سنة الله و رسوله
ميمي :- خطبوه الجن و العفاريت مابيه
علي :- مو بكيفك بتوافقين يعني توافقين
ميمي :- طيب تشوف وش بسوي
علي :- وش بتسوين مثلًا يالله وريني
طبعًا من الحظور كان موجود نواف و سلطان و العمري و صالح و المعيوف و سلمان عشان علي دعاهم دخلت ميمي عند الشيخ ( و هنا كان لازم نتدخل ) و الكل كان موجود و قالت ميمي :- يا شيخ يحق للبنت تتزوج الي تبيه صح
الشيخ عثمان :- نعم يا بنتي يحق لها تختار زوجها
ميمي :- طيب مابي عبدالعزيز ابي سلطان
الشيخ عثمان :- و مين هذا سلطان طلعيه لي
الكل كان مصدوم من جرائتها و كلامها حتى اخوها مصدوم منها ما كان متخيل انها بتسوي كذا جت عند سلطان و مسكت يده و قالت ل الشيخ هذا هو يا شيخ عثمان ناظرها سلطان و كأنه يقول وش السالفة 
الشيخ عثمان :- يمديك تجي يا ولدي سلطان
تقدم سلطان ل الشيخ عثمان و سوا الي قالو له عليه انخطبوا لبعض و روحو المعازيم بقي خوالها قال ابو عبدالعزيز ل علي :- يعني فوق انها رافضة ولدي تفضحنا قدام العالم و بعدين مين ذا سلطان
علي :- سلطان ذا خطيبها من قبل لا يجي ولدك الهطف عصب و رفع صوته و قال :- هذا السلطان لي كلام معه اما انتي يا ميمي ما توقعتها منك
ميمي :- وش تبيني اقول لا ارجوك بليززز ماقد اعيش بدون ولدك يا شيخ انقلع عني و روح الي يعطيك شغلة غيري
ضحك علي على ردة فعل اخته الي ما توقعها اما خوالها خرجو من عندهم و هم منفسين قال علي ل اخته ها خطبتيه لنفسك من غير ما اتدخل مدري وش بيصير لو تدخلت
ما بيصير شي بس انت خلك في مكانك و لا تتدخل في ايشي يخصني الا اذا قلت لك تعال هنا انت تتدخل تمام
علي :- تمام ( بحكم انها اختي الصغيرة اكيد بخاف عليها و من بعد ما قال لي نواف الكلام و انا ابدا مو مرتاح ل عزوز)
طلعت غرفتها و ارسلت على طول ل صديقتها ريري هيييي الحقي صارت دراما كثيره في ايش تبيني ابدء
ريري :- ابدئي بأصغر شي
ميمي :- تمام بس بطول على كذا بس ما عليه ما ورانا شي
قالت لها كل شي من الألف للياء و قالت لها وش كانت ردة فعل سلطان و اخوها ضحكت ريري من صديقتها المجنونة بسبب الي سوته بنفس الوقت قالت ليتك على الأقل قهرتي هذاك
ميمي :- معليك الحين بيموت من كلمتي ل ابوه
ريري :- وش قلتي ليه وش فجرتي يا مصيبة
ميمي :- ما قلت شي غلط قلت الي الحقيقة بس هم زعولين يشخصونها على ايشي بس يطلعون صح معليك منهم

______________\\\\\\\\\\\\\\\\\\\\\\__________••••

معليش على السحبه بس الأسبوع الجاي اختبارات و بعد الخميس تخرجي فا علي ضغط مو طبيعي اعتذر اذا طولت عليكم بس الي ابي اقوله دعمكم يهمني و اتمنى يعجبكم البارت