FORGET ME NOT ✳️✔️

7 කොටස ✳️

මම ඇහැරෙද්දි හොඳටම රෑ වෙලා. ජනේලයෙන් හඳ එලියත් වැටෙනවා. හඳ එලිය හරියට ම වැටෙන තැන තමයි මගේ පොත් මේසෙ. පොත් මේසෙ උඩ ෆොගෙට් මී නොට් මල් පොකුරක් තියෙනවා වගෙත් පේනවා...

"  හායි මිනු... මම ඔයාට මල් පොකුරක් ගෙනාවා. ඔයා එතකොට නිදි... මට ඔයාව ඇහැරවන්න දුක හිතුනා.. ඔයා නිදාගෙන හිටියේ කොට්ටෙ බදාගෙන පුංචි දරු පැටියෙක් වගේ... මාව හම්බ වෙන්න ඔයා කැමති නෑ කිව්වලු නේද...

මම ඔයා වෙනුවෙන් ඉතින් ඔයාට පේන්න එන්නෙ නැහැ. ඒත් මම ඔයාට ගොඩක් ආදරෙයි. මාව කවදාවත් අමතක කරන්න එපා.

ජන්කුක්. ______

බොහොම අමාරුවෙන් කෙලින් වෙලා කාමරේ ලයිට්ස් ඔන් කරලා මම ඒ මල් පොකුර අතට ගත්තා. ෆොගෙට් මී නොට්... දකිනකොට මට මතක් වෙන්නෙ ජේ කේ ව.....

ඒත් මට ඒ මල එවලා තියෙන්නෙ ජන්කුක්... ජන්කුක් කියන්නෙ දැන් මොනවගේ පෙනුමක් තියෙන කෙනෙක්ද කියලා වත් මම දන්නෙ නැහැ.

පොඩි කාලෙදි මාව දාලා ගියාට මම එයා එක්ක තරහ වුණ පාර අද වෙනතුරුත් මම එයා ගැන හොයන්න මහන්සි වුණේ නැහැ. ජන්කුක් මට වඩා අවුරුද්දක් වැඩිමහල්... එයාට මල්ලි කෙනෙක් හිටියා මට මතක හැටියට...

ඒ කවුද කියලා නම් මට හරියට ම නෝට් නැහැ. මම තනියම ඉන්න නිසා මගේ නහයෙන් කටෙන් මල් පෙති එන එක ගැන මට කාටවත් උත්තර බඳින්න ඕන නැහැ..

මම ක්ලබ් ගානෙ ගියා වුණාට මම පොත් පත් වලට හරිම ආදරෙයි. ඒකට හේතුව නම් ඉතින් මගේ හ්‍යුන්ග්. මම පොඩි කාලෙ කියවපු කතාවක එක පිරිමි ළමයෙක්ට ත් මේ ලෙඩේ තිබිලා තියෙනවා...

ඒ ලෙඩේ නම හනහාකි... ඒක පාර්ශ්වික ව ආදරය කරන අයට හැදෙන්න පුළුවන් රෝගයක්. තමන් ආදරේ කරන කෙනා ආසම වර්ගයේ මල් පැළයක් තමන්ගෙ හදවතේ පැළ වෙන එක හනහාකි වලදි සිද්ධ වෙනවා.

ඒක තමයි මල් පෙත්ත දැක්ක ගමන් මට විශ්වාස කර ගන්න බැරි වුණේ. ඒත් දැන් මගේ ඇඳ රෙද්දෙන් එකක් ෆොගෙට් මී නොට් මල් පෙති... නිල් පාටින් තැන තැන තියෙන මල් පෙති මම එකතු කළා...

ඒ ටික අතරේ හරි ලස්සනට එක පෙත්තකට වත් හානියක් නොවිච්ච ලස්සන ම ලස්සන ෆොගෙට් මී නොට් මල් කීපයකුත් තිබුණා.

ජන්කුක් එවලා තිබුණෙත් ෆොගෙට් මී නොට් මල් පොකුරක්... මම දරු පැටියෙක් වගේලු නිදන් ඉන්න කොට. මම ආසයි මේ වගේ වර්ණනා අහන්න.. ඒත් ජන්කුක් ගෙන් නෙවෙයි. Jk ගෙන්..

ජන්කුක් ව මට තාමත් යාලුවෙක් කියන සීමාවෙන් පිටට පනින්න මට හිත හදාගන්න බැහැ. අනිත් එක කාලෙකින් දැක්කෙ නැති මනුස්සයෙක් ට කොහොමද ආදරේ කරන්නේ. ඒත් එයා මං ගැන හොයලා බලනවා... මට ඒකට නම් එයා ගැන දුකත් හිතෙනවා..

මම මට ආදරේ නැති කෙනෙක් වෙනුවෙන් මගේ මුලු ජීවිතේ ම කැප කරලා මේ ෆොගෙට් මී නොට් මල් ගහ පරිස්සම් කරන්න උත්සාහ කරනවා වගේ, ජන්කුක් හදන්නෙත් මම ආසම ටයිගර් ලිලී පැලයක් එයාගෙ පපුවෙ පැළ කර ගන්න ද කොහෙද...