فصليه المقدم عباس

بارت سابع ما قبل الاخير

غدير

حياتنا ماشيه حلوه ومابيه اي شي بس الطلب الي طلبه عباس مني غير كل حياتي بعد مرور 3 اشهر على ولادتي اجاني عباس ضايج ومهموم وجانت الصدمه معقوله هذا عباس نفسه

عباس

زوجتي جابت الحمدلله والجهال صار عمرهم 3 اشهر وكلت لهنا وكافي ارجعها لاهلها اني بعد ما اريدها والجهال يبقون يمها وكل راس شهر يجيهم مصروف يكفيهم ويكفي امهم رحت عليها جانت بالغرفه تغير الحفاضه لوطن

ع سلام
غ وعليكم السلام حبيبي الله يساعدك
ع هلا ويساعدج
غ مستغربه شبيك حبيبي بيك شي
ع لا مابيه شي بس
غ بس شنو احجي شبيك ليش صافن عليه شكو شصاير
ع اني بعد ما اكدر اكمل وياج
غ هههههههه خرب يومك ولا تجوز من سوالفك 🤣🤣🤣🤣🤣اوكي لا تكمل انطيني الملهيه من يمك
ع بس اني ما اشاقه احجي صدك اني بعد ما اريدج
غ 😳😳😳😳😳😳😳😳😳😳😳شنوووووو بعد ما تريدني
ع اي بعد ما اريدج لازم اعوفج راح ارجعج لبيت اهلج وعيشي حياتج راح احررج من سجني
غ عباس انت حياتي الدنيا المابيها ضحكتك شسوي بيها 😭😭😭😭😭😭😭😭😭😭اذا انت جانت نيتك هيج ليش تقربت مني وخليتني احبك واتعلق بيك صرت بالنسبه الي مثل النفس تصعد وتنزل بريتي هسه تجي تكولي اعوفج زين ما فكرت بجهالنه ليش خليتني اصير ام اذا انت نيتك تعوفني ولك احجي جاوبني ليش ساكت احجي 😭😭😭😭😭😭😭😭😭😭😭😭😭😭😭😭😭😭مثل الطفله جنت بيدك صار سنه يمكم ليش ما رجعتني لاهلي من البدايه ليش خليتني احبك لك ليييييييش ما تخاف الله انت صومك وصلاتك المن اذا انت هيج تضلم الناس رحت عليه ضربته على صدره ودفعته خليته يطلع بره هوه ولا حرف مباشره طلع سديت الباب وحضنت جهالي وكعدت ابجي صعدتلي خاله

ز يمه اسم الله شبيج ليش تبجين احجي شكو
غ اسألي ابنج التحفه الي جايني يكلي ما اريدج بعد راح ارجعج لاهلج وعيشي حياتج وما فكر تفكير واحد بجهاله
ز يمه عمت عين الي جابتك يا عباس اليوم ينام بالشارع ولك يا مصخم يا ملطم ولك عباس عفت غدير وطلعت رحت لعباس
غ طلعت خاله وهيه تغلط وتسب عباس اني كمت لميت ملابسي وملابس الجهال وكعدت انتضر منو يرجعني

ز ولك عباس يا مصخم انت شنو عبالك بنات الناس لعبه بيدك شنو بعد ما اريدج شنو رجعي لاهلج البنيه ما تطلع منا ما دام راسي يشم الهوه ولك انت شنو انت من يا بشر شنو طينتك نعل زراب بكصتك وكصه امك الي جابت هيج واحد مثلك انت شنو البنيه كطعت روحها من البجي ولك فكر بجهالك الي كل واحد بطول اصبعك اشون راح تكدر تربيهم ولا وفوكها 2 ولك احجي لا تضل ساكت انت اعرف منو دواك يجي مهدي واشوف يقبلها على وحده من بناته الي صار بغدير تفكيركم بس بنفسكم ما تفكرون بغير واحد خلي اختك بدالها تقبلها رجلها يكلها ما اريدج رجعي لاهلج وهيه هستوها جايبه 2 حسبي الله عليك امداك وامداني لو عاطسه ولا مخلفتك روح من وجهي طاح حضك وحضي الي ما عرفت اربيك روووووح