غزل...ن نعم
فارس....ايه الي جابك هنا
غزل....جيت علشان اطمن عليك
فارس اقترب منها وامسكها من يديها.....انا مش امبارح كلمتك وقولتلك انا كويس
غزل....ايوة بس انا قولت اجيلك عادي
فارس....لا والله استأذنتي من مين بقي
غزل وهي منزلة رأسها لأسفل....مستأذنتش حد
فارس.....كماااان
غزل....بباك مكنش هيوافق
فارس....لو موافقش فيها اي يعنى
نوح....خلاص أهدي ي فارس
فارس.....أهدي ايه وزفت ايه مش شايف جاية مع مين
غزل بخوف.....طب ماهو صحبك
فارس....لا مش صحبي وحتي لو صحبي تركبي معاااه بتاع ايه انتي مجنونة
غزل....خلاص انا اسفة مش هتتكرر تاني اوعدك
فارس....هعديها ي غزل بمزاجي بس لو اتكررت هتشوفي مني وش تاني خالص سامعة ثم نظر الي شمس وقال وإنتي انا قولت ايه امبارح هاااا
شمس بخوف.....والله قولتلها بلاش بس هي مش بتسمع كلامي
فارس....ترني علياااا تقوليلي
شمس....مم مانا مش معايا رقمك
فارس.....اييييه ي شمس هنستعبط ولا ايييه مانتي قادرة تاخديه من عندها ومن عند اي حد في البيت
غزل بدموع.....متزعقش فيها هي ملهاش ذنب
فارس....انتي تخرسي خالص
غزل....فارس انا مكنش قصدي تحصل مشاكل انا كنت عاوزة اطمن عليك
فارس....مستأذنتيش ولا مني ولا من ابويا حتي ولا عرفتي حد من البيت إنك هتيجي
غزل....لا عنيات تعرف
فارس....لا والله
اقتربت غزل منه واحتضنته.....خلاص انا اسفة مش هتتكرر والله
فارس اتصدم ثم قال....لو اتكررت مش هعديها
غزل....متخفش مش هتتكرر تاني خالص
فارس....تمام روحي المطبخ اعملي فطار يلا
غزل...حاضر
فارس وهو ينظر ل شمس....ساعديها
شمس....حاضر ثم ذهبو
نوح....براحة ي فارس كده هتخاف منك
فارس....مانت مسمعتش الك*لب ده قالي ايه
نوح....قالك ايه
فارس....قالي شد علي المدام قال والله لهحاسبه علي الكلام ده
نوح....خلاص ي فارس وبعدين مالك ب شمس
فارس....مفيش
نوح.....طيب أهدي
في المطبخ
شمس....عجبك كده اهو اتهزقنا
غزل بحزن....مكنتش اعرف أنه هيحصل كده فكرت هيفرح لما اجيله
شمس.....ماهو بصراحة غلط الي احنا عملناه ده
غزل....عارفة بس مكنش قدامنا غير كده
شمس....كنا نستني لما الحراس يصحو او ناخد تاكسي
غزل....اممم حاسه إن فارس بيكره الي اسمه حازم ده
شمس....ازاي
غزل....جالي المستشفي اول ما فارس عرف وشافه طلعه بره معتقدش هيتعامل كده مع صحبه
شمس....اممم ملناش دعوة المهم مش هنكرر الي اتعمل ده تاني
غزل....متخفيش مش هيتكرر
شمس....انا مش هستني لما تتكرر اصلا انا هاخد رقمه واي حاجة تعمليها هقوله عليها بس
غزل.....اه ي فتانة
شمس....امال اروح في الرجلين معاكي
غزل....طب جهزي الفطار علشان نرجع
شمس....طيب
بعد وقت انتهوا من تجهيز الفطار
غزل....فارس يلا الفطار جاهز
فارس....تمام اقعدي افطري
غزل....لا هنمشي
فارس...تمشو ليه
غزل....علشان منتأخرش وكده
فارس....مش بمزاجك
غزل...ازاي
فارس.....هتمشي لما انا اقولك امشي وهاتي الفون بتاعك انتي وشمس
غزل.... في ايه ي فارس
فارس....كلمتي تتسمع من سكات هاتي الفون واقعدي افطري مش هتمشي غير لما تاكلي
غزل....طيب
فارس...الفون بتاعك وبتاعها
غزل....طب ليه
فارس...هو كده يلا هاتو
شمس بغيظ.....اتفضل
فارس....ملاحظه إنك بتقولها بقرف
شمس بأبتسامة مزيفة....لا طبعا ي جوز اختي
فارس....اممم ثم نظر إلي غزل وقال هاتي
غزل....اتفضل اهو
فارس...يلا افطرو
بعد وقت قصير انتهوا من تناول الفطور
فارس....اعمليلنا قهوة ي غزلي
غزل....فارس لازم نمشي
فارس....مش مفروض جاية تطمني عليا وتساعديني
غزل....ايوة بس كده بباك هيصحي ومش هيلاقينا هناك
فارس....متخفيش مش هيحصل حاجة يلا ي روحي
غزل...طيب ثم ذهبت إلي المطبخ ومن خلفها شمس
نوح....هو انت بتفكر في ايه
فارس....هخليهم هنا لحد الليل
نوح....ليه
فارس....ابويا هيتصل بيا هيسألني جم هنا ولا لع هقوله لع محدش جه وهقوله اني هنزل ادور عليهم وكده وبعدين هاجي هنا ارجعهم
نوح....وبعدين
فارس....لا الباقي بقي علي ابويا هو الي هيكمل
عدي.....اممم بقول انك بقيت خبيث محدش صدقني
غزل....القهوة جاهزة
فارس....معملتوش لنفسكم ليه
غزل....ملناش نفس ليها
فارس....اممم طيب
غزل....نمشي بقي
فارس في سره....اممم كده لحد ما يجي الليل هكون صدعت
فارس بخبث....مين فيكم بتحب عصير المانجا
غزل....انا بحبو
شمس...وانا كمان
فارس....عندي في التلاجة استنو هروح اجبلكم
غزل....خليك احنا نجيبو
فارس.....لا مش هتعرفو مكانو خليكم هحضرو واجيبه
غزل....طيب
نوح...خبيث والله
قام فارس ودخل المطبخ فتح التلاجة واخرج منها العصير ثم المنون
احضر فارس كل شئ وخرج لهم
فارس...اتفضلو بالهنا
غزل....شكرا
فارس....لو عاوزين تشربوه في اوضتي وتاخدو راحتكم وبعدين تمشو عادي
غزل....تمام يلا ي شمس
شمس....طب ما احنا اهو قاعدين
فارس....ادخلو الاوضة بتاعتي علشان هنتكلم انا ونوح في شغل
شمس....تمام ثم اخذو العصير وذهبو الي غرفة فارس
شمس....هو يعني ميقدرش يتكلم في الشغل قدامنا
غزل....عادي نسيبهم علي راحتهم برضو اشربي بس خلينا نخلص ونمشي
شمس....طيب
شربو العصير إلي نهايته ثم خرجت خارج الغرفة
غزل....فارس خلصنا الع...صير ثم وقعت في الأرض
فارس....ي غبية انا مدخلك الاوضة ليه علشان تيجي في الاخر وبرضو تقعي علي دماغك
نوح....ههههه اخره عمايلك
نظر له فارس نظره اخرسته ثم حمل غزل وادخلها الغرفة وجد شمس قد غفت الاخري
فارس... يلا تصبحو علي خير ثم خرج
نوح....عملت ليه كده عاوز افهم دماغك
فارس....أصل مش هيسكتو هيفضلو يقولو عاوزين نمشي وهنصدع
عدي....اممم مش عارف اقول ايه بصراحه
في الفيلا
مهران....الفطار جاهز ي عنيات
عنيات....ايوة ي حضرة العمدة
مهران....روحي صحي غزل وشمس يفطرو
عنيات في سرها....يلهوي طب اقوله ولا اعمل نفسي معرفش واطلع فوق كأني هصحيهم
مهران....عنياات
عنيات....ايوة ي حج نعم
مهران....روحي نادي غزل يلا
عنيات....بصراحة ي حج
مهران.... في ايه
عنيات....ست غزل طلعت هي واختها من الصبح
مهران.....طلعت راحت فين
عنيات....قالت هتروح للبيه الصغير
مهران.....ازاي تسبيها تروح
عنيات.....والله ي بيه انا
مهران....اخرسي راحت مع مين
عنيات....قالت هتروح مع حد من الحراس
مهران....ماشي ي عنيات حسابي معاكي بعدين ثم خرج للخارج
عنيات....يلهوي معقول يمشيني من اهنه
مهران....محمووود ابرااهيم
جاء محمود وابراهيم.....مين الي وصل غزل عند فارس
ابراهيم....محدش فينا طلع من البيت ومشفناش ست غزل من ساعة ما صحينا
مهران.....يعني ايه محدش فيكم وصلها
محمود...لع ي بيه
مهران.....يعني ايه الكلام ده ثم أمسك هاتفه وقام بالإتصال ب نوح
نوح نظر لفارس وقال.....ابوك بيتصل
فارس....قوله إنك لسه عندي وإن محدش جه منهم
نوح...طيب ثم رد الووو ي عمي صباح الخير
مهران....انت فين دلوقت
نوح.....انا عند فارس
مهران....غزل جات عندكم
نوح.....غزل ايه الي هيجيبها عندنا
مهران....يعني مجتش طب اسأل فارس يولدي
نوح....بيقول محدش جه اجيلك ي عمي
مهران....تعال وهات فارس غزل مشيت من الصبح ومعرفش راحت فين
نوح....أهدي ي عمي هنجيلك وخير إن شاء الله
مهران....بسرعة يولدي
نوح....حاضر سلام ثم أغلق
نوح....ابوك قلقان عليها جامد
فارس....أكيد لانها كانت في عهدته
نوح....طيب ايه هنروح
فارس....لا مكسل روح انت وقوله فارس نزل يدور عليها
نوح....لا وانا كمان مكسل هتصل اقوله بندور عليها انا وانت
فارس....ههههه ماشي
نوح....الو ي عمي
مهران....فينك ي ولدي
نوح....انا وفارس هندور عليها في كل حتة وهنتصل ب ابوها انت لو عرفت حاجة قولنا
مهران....حاضر
نوح....متتصلش ب ابوها هتصل انا علشان ميتخضش هسأله عن شمس او ايه حاجة
مهران....طيب يولدي
نوح....سلام ثم أغلق الهاتف
فارس....ي مسهل يارب ياريت يحصل الي في بالي بس
نوح....يارب لا
نظر له فارس بغيظ....اخرس يلا
ثم قاطعهم رنين هاتف فارس
فارس...دي جنات
نوح...يادي النيلة
فارس....االوو
جنات.....ايه مصدقت خلصت مني ولا ايه
فارس....مفيش بس شوية مشاكل كده معايا
جنات....اممم والمشاكل دي معايا انا بس وفاضي للسنيورة بتاعتك ومش فاضي ليا
فارس....سنيورة مين
جنات بغيظ...مراتك غزل
فارس....طبيعي هفضالها
جنات....فااارس انت بتقول ايه
فارس....ايه مراتي وكمان معايا علطول وفي نفس البيت طبيعي هكون فاضي معاها
جنات....مراتك اعتبرتها مراتك لما بعدت عنك انا ممكن ارجع عادي
فارس....مش اعتبرتها هي مراتي فعلا
جنات....فارس متجننيش انا الي مفروض اكون مكانها
فارس....بس مش مكانها ي جنات
جنات.....اممم طيب ي فارس
فارس...تمام
جنات....انا هنزل
فارس...هتنزلي فين
جنات....هنزل عندك الصعيد هوريك ازاي تنساني وتفضي لست غزل بتاعتك
#تزوجت_العمدة
#ساره_خالد
أنت تقرأ
تزوجت العمدة
General Fictionفارس بزعيق.....ايه الي انتي عملتيه دا ملقتيش غير دا وتعاندي معايا فيه غزل.....هو في ايه انا مش فاهمة انت مالك ومالي اعمل الي اعمله مانت حضنت بنت ومتكلمتش ولا دمك فار عليا دلوقتي فارس قرب منها ومسك ايديها جامد.....انا اعمل الي انا عاوزو لكن انتي ل...
