FRIEND BUT LOVER (GyuJin)

" ဟန်ယူဂျင်း "

ဟန်လုပ်ငန်းစုရဲ့တစ်ဦးတည်းသောသား။
မိသားစုစီးပွားရေးကို ကူညီဖို့ အမေရိကနေ
ဘွဲ့ယူပြီး ဆိုးလ်ကိုပြန်လာ‌တာသိပ်မကြာ
သေးပေမယ့် လုပ်ငန်းရှင်တွေကြားမှာတော့
ငယ်ငယ်ရွယ်ရွယ်နဲ့ လုပ်ငန်းကိုဦးစီးနိုင်တဲ့
သူဆိုပြီး နာမည်ကြီးလို့ ။ အသက်ငယ်ပေ
မယ့် စည်းစနစ်ကြီးသောကြောင့် ဝန်ထမ်း
များကြားမှာလည်း လေးစားခံရသူ။
.
.
ဟန်ယူဂျင်းတစ်ယောက် အခန်းထဲတွင်ထိုင်ကာ အစည်းအဝေးတွင်တင်ပြကြမည့်
လုပ်ငန်းနှင့်ပတ်သတ်သည့် အချက်အလက်များကို ထိုင်ဖတ်နေဖြစ်သည်။

" ယူဂျင်းရေ ထမင်းမစားဘူးလား "

မေးလိုက်သည်က ယူဂျင်းရဲ့ အတွင်းရေးမှူး
တစ်ဖြစ်လည်း သူငယ်ချင်းဖြစ်သည့်
ဂင်ဂယူဘင်း ဖြစ်သည်။

" အင်းခဏလေးဒါလေးလတ်စသတ်ဦးမယ်"

" နောက်မှ ဆက်လုပ်ပါလားကွာ
အစည်းအဝေးကလည်း လိုပါသေးတယ်
မင်းမနက် ရောက်ကတည်းက ဘာမှမစား
ရသေးဘူးလေ "

ဂယူဘင်းပြောမှ ယူဂျင်းသတိရသည်။
ဟုတ်သားပဲ မနက်ကလည်းနောက်မှစားမယ်
ဆိုပြီး‌ထွက်လာတာ မေ့သွားသည်။

" အင်းသွားမယ် "

ကျန်သည့်အချက်အလက်များကို ထမင်းစား
ပြီးမှသာဖတ်ဖို့ချန်ထားခဲ့လိုက်သည်။
.
.
" ဘယ်လိုလဲ အဆင်ပြေရဲ့လား "

မေးလိုက်သည်က ဂယူဘင်းပင်။

" အင်းပြေပါတယ် "

" ပင်ပန်းတယ်မလား "

" နည်းနည်း "

" ဒီလိုပါပဲ နောက်ဆို ဒီလုပ်ငန်းမင်းပဲ တာဝန်
ယူရမှာဆိုတော့ ပိုပြီးပင်ပန်းဦးမှာပဲ "

ယူဂျင်း သက်ပြင်းချမိသည်။
လုပ်ငန်းကြီးတစ်ခုလုံးကို တစ်ယောက်တည်း
ဦးဆောင်နေရတာပင်ပန်းတာတော့အမှန်ပင်။
အမေရိက ကပြန်လာပြီး အလုပ်စဝင်
ကတည်းက အနားမှာနေပြီး ကူညီပေးသည့်
သူငယ်ချင်းဖြစ်သူကြောင့်သာမဟုတ်လျှင်
သူထွက်ပြေးမိမှာ အသေအချာပင်။
ဂင်ဂယူဘင်း ဆိုသည့်အမျိုးသားမှာ သူ့
အတွက်တော့ သူငယ်ချင်းလို ညီအစ်ကို
လိုမျိုးမို့ သူ့အရှေ့တွင်‌တော့ လွတ်လပ်စွာ
ပင် ဟန်ဆောင်မှုကင်းစွာ နေလို့ရသည်မှာ
ကံကောင်းသည်ပင်။