الكاتبة غفࢪان
باجيتي: همزين ضليتو هم باجࢪ تجي ام احمد
نها: هاا هلا بيها اي والله مشتاقتلها من زمان عنها
باجيتي: اي علمود عيد ميلادي بلال ࢪاح تجي
نها: يلا خلي انشوفها قبل لا نروح
زينب: من صعدت للغرفة ضليت ع جهاز نزلت لمن اذن اذان مغࢪب نزلت
مها: هاا تعالي ساعديني بالعشة
زينب: مو احنى خطاࢪ شكو نطبخ
نها: بنت الكلب صارنا بالسبوع اهنا تعالي ساعديني
زينب: خلي اصلي وعود الله كريم
ࢪحت صليت ودور سوينا العشة كعدو كلهم ع عشة
باجيتي: ابو بلال مطلعنا اليوم قبل لا تروح نها
خالو: خلي بلال يطلعگم تعبان مالي خلگ
باجيتي: تمام لعد بلال من نخلص عشة لا تطلع
علمود اتودينا
زينب: يمة خابࢪي عمر من هسة مو باجࢪ يطلعنا اعذار وميجي
نها: تمام من اكمل اكل
كملنا العشة دخلت غسلت الماعين وصعدت فوگ خابرت زهࢪاء
زينب: هلو زهࢪاء شلونج
زهࢪاء: هلا ولج شنو نسيتيني اشو من رجعت لحد الان كاطعة علية
زينب: صاࢪن سوالف من رجعتي ياࢪيت ࢪجعت وياگم اوفف
زهࢪاء: ها ولج خيࢪج شمسوية
زينب: كلما اكول لامي خلي نࢪجع متقبل
زهࢪاء: لا تࢪجعين قبل لا اطبقين هذا الصاگ
زينب: انعل ابوج لابو الصاگ مالتج
زهࢪاء: هاا ولج شمسويلج لا يكون حاصࢪج بزاوية
زينب: زهࢪاء ثكلي شوية ما عندي سوالفج
زهࢪاء: والله لا تجون مرتاحة اني وعمࢪ
زينب: اي ليش لا شي اكيد هسة نايمة بحضنه، ولج هذا يضحگ عليج ميزوجح
زهࢪاء: ما ادري شنو صنفج انتي من اخوات
زينب: يلعب عليج هذا
زهࢪاء: والله لو يسمعج
زينب: اي شلونه مالتج عموري
زهࢪاء: شلون يصير واني يمه مثلأ
زينب: مطي
زهࢪاء: ههههه مال كتلة رجعي واني اعلمج
زينب: شوفي حاجيه خلي يجينا باجࢪ عليج الله
زهࢪاء: تمام احاجيه
زينب: يلا احنى ح نطلع
زهࢪاء: وين ولج
زينب: من اࢪجع اكلج يلا باي
المهم بدلت وتمكيجت ونزلت
بلال: بعد ما لبستي بدلة
زينب: اذا مودينا لمكان بيه حفلة هسة اصعد البس
بلال: لا تخليني اغلط صعدي مسحي مكياجج
زينب: معليگ انت
راد يجرني واجت باجيتي
باجيتي: يلا خلي نطلع
بلال: يمة شوفي وجها ينطلع بيه؟
باجيتي: شبيه يجنن
بلال: يلا امشن صعدن بالسيارة
نزلنا بمول وضلن يفتࢪن امي وباجيتي وهذا المول جان متࢪوس شباب وكل الي يمشي يذب عليه كلام
بلال: عمة
نها: هاا عمة.
بلال: اكو كم شغلة عجبني واريد اشوفهن لزينب عادي اخذها!
نها: بس لا تتأخرون
بلال: لا هذا وياه المكان
جريتها من ايدها واخذتها
زينب: هاي شبيگ ايدي
بلال: حمدي ࢪبج ما كسرتها لحد لان لاهاي اليد
زينب: بلال شسالفة
اخذتها وديتها لمكان ما بيه ناس طلعت اكلينس من جيبي واطيته الها
بلال: مسحي وجهج بسࢪعة
زينب: شعليگ انت ما امسحه
بلال: زينب مسحيه
زينب: والله ما امسحه
بلال: لعد مطلعين منا اذا متمسحيه
زينب: عادي كاعدة اهنا
كمشت ايدها واخذتها للسيارة كعدي اهنا منا لمن يجون اهلج
زينب: الله يساعد الي تاخذگ والله خطية
بلال: سكتي لا تلغين
زينب: شكد اكࢪه تصرفاتگ
بلال: كافي سكتي
زينب: اذا ما سكتت شسوي مثلآ هم تجࢪني
بلال: زينب، زينب
خابࢪتها امي
نها: عمة وين صࢪتو
بلال: ها عمة زينب تعبت وكالت وديني للسيارة
نها: خاي تجي اكو كم شغلة اريد اشتريهن الها
بلال: خوش
يلا مسحي هذا الي بوجهج ونزلي
زينب: ما امسحه
بلال: ليش تعاندين
زينب: والله ماني ماسحته
لكيت كمامة
بلال: لبسي هاي
زينب: سكتت
بلال: زينب كافيي بسࢪعة لبسيها ونزلي
زينب: لبستها ونزلت
نها: كࢪصتني، ولج وين وليتي مو كلتي مطولون
زينب: يمة والله تعبت يلا نࢪجع
نها: اشتࢪي هدية لابن خالج
زينب: هدية شنو! وليش اشتࢪي لهذا
نها: لا اضلين تحجين اهواي اخذيلج هدية باجࢪ عيد ميلاد بلال
المهم ورا ما خلصنا خابࢪنا بلال ورجعنا
