راجع بهاج من دوامه مبسوط بالمره لان القضيه الي
يحاول فيها من شهور اليوم نجحت دخل البيت وهو داخل ينزل اغراضه يسمع صوت الباب يندق
بهاج استغرب لانه اهله ف بيت عمه ومين الي راح يجي
فتح الباب وحصل بنت
بهاج : امري يا اختي
.......: تكفى ساعدني ابوي راح يذبح اختي
بهاج طلع معها : وين بيتكم
.....: تعال معي
بهاج : ترا اذا تكذبين تعرفين وش راح يصير
.......: وتدري اذا مسكت ابوي بكافئك
بهاج : امشي وانتي ساكته
وصلوا البيت هو شوي بعيد عن بيت بهاج مع ذالك راحوا مشي
بهاج : ذا بيتكم
.......: غدير مين ذا
غدير : عبدالحمن الحق ابوي بيذبح غند
عبدالرحمن ترك كل شيء بيده وهو يعرف اذا ابوه يضرب وحده من خواته يعني م معه فلوس ركض معه بهاج داخل
عبدالرحمن : خير يالطيب
بهاج : معك العسكري بهاج بن مساعد ال خالد
عبدالرحمن : اجل افزع
كلهم دخلوا داخل وشافوا ابو خالد ماسك الاء وسكين
بهاج طلع سلاحه : اوقف مكانك
ابو خالد تجمد مكانه وركضت غدير عند غند تغطيها
بهاج مسكه وقال : وش سالفتكم
غدير تبكي : وش سالفتنا ما تشوف اب سكير تاجر بالمخدرات دايم يستغلنا انا واختي ع شان الزفت الي ياخذه
بهاج عصب : مممممكن تهدين ع شأن اعرف اتصرف
غدير بصراخ : يلا تصرف هاذا قدام عينك ماسك السكين ع اختي
بهاج : ممكن تهدي اختك
عبدالرحمن : خلاص غدير اهدي
بهاج : باخذكم كلكم للسجن
غدير وقفت قدامه : عسى ماشر ليه ان شاء الله
بهاج : ناخذ افادتكم
غدير : وما تقدر تاخذها هنا؟
بهاج تكتف : لا
عبدالرحمن : يلا اجل
غدير عطت بهاج نظره وبهاج تجاهلها واخذهم كلهم_____________________...
بالسجن كانوا واقفين كلهم جاهم بهاج
بهاج : ابوكم رافض يعترف
غدير : له وجع بعد يعترف
غند: غدير تكفين خلينا نمشي من هنا
غدير : انتظري شوي وشوف وش يصير معه ذا
بهاج بعصبيه : امسكي لسانك يا بنت الناس ترا
ساكت لك من البدايه
غدير : بالله لا تسكت ورني وش بتسوي
بهاج حط عيونه بعيونها : اقدر اسوي شيء ما
توصلينه انتي
غدير بتحدي : يلا ورني وش بتسوي
بهاج عدل وقفته وقال : عبدالرحمن
عبدالرحمن كان ساكت لانه يدري اخته م تسكت : سم
بهاج : بتزوج اختك ذي
غدير بصدمه وصراخ : خخخيييررر وش قالوا لك
بهاج : اقصري صوتك
غدير : لا ما راح اقصره شايفني رخيصه تتزوجني بالسجن؟
بهاج : قلت اسكتي
غدير : لو تموت ما تزوجتك
عبدالرحمن : مالي دخل انا ابوها عندك ما اقدر اتصرف
بشيء هي ما تبيه
غدير : وصلك الرد اسكت
بهاج نزل نفسه لها وحط عينه بعينها مرا ثانيه وقال : لا تتحديني اسوي شيء لا انا ولا انتي نرضا فيه اسكتي احسن
لك
غدير خافت حيل بس ما بينت الشيء ذا : لا ي شيخ
سوي يلا اتحداك
بهاج تعجب من شخصيتها القويه وقال : الحين تشوفين
راح عنهم بهاج وعبدالرحمن قال : انتي ما تسكتين
فشلتينا عنده
غدير : شوف كلامه بعدين تعال كلمني
عبدالرحمن هز راسه بيأس
_________________...
أنت تقرأ
حبيتك وانا ما اعترف بشيء اسمه حب
Romanceعسكري راجع من دوامه حصل بنت تدق باب بيتهم تطلب منه المساعده هل يساعدها او لا؟ فاطمة آل دبيسان