كُل العُيون مرت مرور الكِرام الا عُيونك

Part 2

تجمعوا كل عيله ال كاسر بالمجلس
الجد:بكرا الفجر بنروح المزرعة
محمد:لحالنا يبه ولا بيجون شيبان الديره
الجد:لحالنا لان البنات قالوا يبون لحالهم
الرعد:طيب ياجد متى بنطلع من البيت؟
الجد:ان شاء الله بعد صلاه الفجر بكرا يولدي
الرعد وهو يبوس راسه:هبشر ياجد
جوقعد الرعد مع عمه محمد لانهم قريبين من بعض
الرعد:ياعم بسالك
محمد:تفضل يولدي
الرعد:مو انت تقول عندك ولد؟
محمد:ايه ياعمي وكان اول ولد لي ومتاكد انه كبر وصار رجال زيك
الرعد:طيب ياعم قولي من هو ومواصفاته وهل عندك بنات؟
محمد:يولدي كان عندي ولد اسمه البرق والحين هو نفس عمرك والمفروض عندي بنت اصغر منك باربع سنين يعني بعمر موج شفتها مره وحده وكانت اجمل ماخلق ربي ونسال الله اني اشوف كل عيالي
الرعد:طيب ياعم ليه ماتبحث معي عنهم وابشر باللي يطلعهم لك
محمد بصوت حزن:ياعمي انا ادورهم من عشرين سنه وللحين ادور عليهم واذا دورت عليهم معي جزاك الله خير
الرعد: والله ثم والله مايمر شهرين الا وهم عندك
محمد بفخر:جزاك الله خير يولدي
الرعد وهو يبوس راس عمه محمد:هبشر واولادك بيجون لين بيتك وانا ولد صالح
عند ميان
جنان وهي تشوف امها وتبكي لانها بحضن رجال:حرام عليتس يا يمه تودين نفستس بالخراب ما اقول الا يارب اجمعني مع ابوي
ميان وهي تحضن جنان من ورا:معليتس يروحي اصبري اصبري ان شاء الله شهر وبنطلع ياعيني
جيلان وهي جايه تحضنهم بعد ما امها ضربتها وهي تبكي:ميان تكفين نبي نروح من عند امتس انا تعبت
ميان وهي تحضنهم:خلاص يعيون اختكم لاتبكوني معكم ياحبيباتي كلها شهر باذن الله
ميان بحماس:شرايكم نروح نسوي لنا كيكه وقهوه ونقعد بغرفه البرق
جيلان وجنان:تمم
راحو المطبخ وسوو الكيكه والقهوه وصعدوا عند البرق
ميان:اخوي الفاضل ممكن تفتح الباب
البرق وهو يفتح الباب :وش مهببين بعد
جيلان:جايبين لك قهوه وكيك من صنع ايادينا
البرق وهو يحضن جيلان:تسلم اياديكم ياعيني
ميان:نبي نقعد بغرفتك
البرق:تعالي ياعيون البرق
وقعدوا يتقهوون ويسولفون
ميان:البرق ودي اطلع للبحر الي هنا عادي تطلعنا
البرق: من عيوني البسوا وتعالوا
ميان وهي تصارخ:جيلااااان جنااان البسوا عباياتكم بنروح البحر
جهزوا البنات وطلعوا البحر
ميان وهي تهوجس داهمها البرق:وش بتس تهوجسين
ميان بصوت فيه غصه:البرق ابغى اشوف اهل ابوي ابغى ارتاح من الي انا فيه مو قادره اتحمل تحملت امك كثير شوف حل تهاوش معها خل تطردنا انا راضيه
البرق وهو يضمها لحضنه:خلاص يابوي خلاص ياعيون اخوتس لاتبكين تقطعين قلبي عليتس قلت لك بحاول اتواصل مع احد من اهل ابوي او ابوي وبشوف الموقع
ميان وهي تحاول توقف بكى:انا واثقه فيك يا البرق تكفى املنا فيك لاتتركنا ماعندنا من بعد الله الا انت
البرق:اذبح نفسي ولا اترككم وبعدين بطلعك من هالبيت قبل ماينتهي هالشهر "للمعلوميه كانو داخلين شهر 11/1"
ميان:احبك
البرق: اكثر ياروح اخوتس
الساعه 11:11 عند ميان وهي تغني بصوت ياخذ العقل والقلب