- عُمق .

"part1"

#عُمق
الكاتبة ؛ رهف علي
لتنسون التصويت عيوني
___________________________________

بِ أحد البيوت العُراقية جانت الساعة بِ 5 الفجر جنت نايمة كعدت عُ صوت ابوية يَقرا قُران شافني كعدت وگلي ..
- ها بنيتي ليش كعدتي بعدها دنيا فجر مو هسه دوامج
- ها اي بابا بَس كعدت اريد اشرب مي فزيت
- روحي بوية روحي اشربي مي ورجعي نامي واكعدج اني
- تمام حبيبي ..
گمت شربت مي ورجعت شفت ابوية ديكمل قُران فَ اني تغطيت ونمت ..
الساعة 7 صباحاً ..
فزيت عُ صوت ابوية وهو يكعدني گلي ..
- يلا يبوية گومي غسلي وبدلي وروحي لدوامج حبيبتي وكعدي اختج وياج واتريكن
- تمام يروحي روح نام انتَ ديربالك عُ نفسك
- دللي بنيتي
- صدُك بابا وين ماما شو ماشفتها اليوم؟
- بت اختها ولدت راحت الها من الصُبح خُطية تحبها هواية
- ها چا تمام بوية
- يلا روحي روحي لا تتأخرن
- احبك ..
سويت ريوك وگعدت اختي وگامت غسلت واجت نتريك فَ گملنه وگمنه بدلنه ورحنة لبيت سُهى ..
سُهى صديقتي من الطفولة وكُلش احبها ومتعلقة بيها حيل هواية واحسها اُختي مو بَس صديقتي ويومية نروح اني وهِيَ للمدرسة وثنينا ثالث مُتوسط هِيَ حيل حنونه بشكل مو طبيعي بين مدافكر وصلنة لبيت سُهى دگيت الباب طلع ابوها وگتلة ..
- عمو وين سُهى وين صارت حَ نتأخر
- يلا بوية هسه اصيحها وروحن
- تمام عمو ..
ابو سُهى صاح لَـ سُهى وهِيَ اجت تضحك وگلتلي ..
سُهى : شنوهاي عيني سدن شبيج مستعجلة محد يركُض وراج هههههههههههههههههه
سَدن : وچ يُمه غير نتأخر ماعوزني بَس المُدرسة ترزلني
سُهى : لج دوخري وين اُختج
سَدن : غير انتِ من تأخرتي گالت حَ اروح حَ اتأخر عندي امتحان
سُهى : اوف من نيران اوف يومية وگالت عندي امتحان
سَدن : چا شتسوي خُطية تضل تدرس للصُبح وتتعب
سُهى : حقها عمي حقها اذا يومية امتحان من يمي انشگيت
سَدن : ههههههههههههههههه ضحكت وأردفت وگلتلها بعدج تحجين ويا محمد؟
سُهى : اي ولج فد حباب ولطيف
سَدن : باليل اجيج ونسولف اذا فرغت
سُهى : دمشي امشي خل نطب
سَدن : اش اش ولج كافي
سُهى : خرب بيومج لتصيرين نفسيه لا اهفج عُ حلگج
سَدن : وحلگي شدخله؟
سُهى : شمدريني هههههههههههههههه
سَدن : انجبي دكافي شلزكنه
سُهى : اي وعلي شلزكنه شنيهاي
سَدن : كافي ..
وصلنة للصف ودخلنة همزين المُدرسة بعدها ما جاية همزين فَ كعدت ودخلت المُدرسة وهيج لحد ما خلص دوامنة وبالطريق احنه دنرجع للبيت ..
سُهى : وچ تدرين اخو محمد يملخ شكاكي يصير دكتور مال عيون وهيج
سَدن : صدُك ولله چا خل اروحلة عيوني توجعني صايرة وداشوف مغوش حيل
سُهى : تردين عنوان العيادة؟
سَدن : اي
سُهى : بِ***
سَدن : اكول الأبوية تجين ويانه؟
سُهى : شوكت؟
سَدن : مادري من افرغ وهيج اكُلج ونروح واگول الأبوية ياخذنه
سُهى : تمام چا
سَدن : چا وحركاتتتت وهيج شنوهاي شنوهاي عمي متطورين هههههههههههههه ..
___________________________________
جنت بالعيادة ورجعت للبيت تعباااان حيل هواية طبيت للغرفتي اريد انام ارتاح والعصر اروح للعيادة طب محمد گلي ..
محمد : تطلع؟
ارام : شوگت وويامن
محمد : باليل ويا حسين
ارام : خوش اذا فرغت رايح وياگم بَس ممتأكد اذا اروح لولا
محمد : چا خوش ..
طلع محمد من الغرفة نمت ..
الساعة 4 مساءً كعدت وسبحت ونزلت جوه لكيت بسومة ..
ابتسام : ها يُمه رايح للعيادة؟
ارام : اي حبيبة رايح
ابتسام : حبيبي ديربالك عُ رويحتك
ارام : بعد عمري دتعاي انطيج بوسة ام الطگهههه
ابتسام : ضحكت وگلت ماتتوب من سوالفك انتَ؟
ارام : لا ويلا حبيبة رايح ..
عفتها وطلعت وصعدت بالسيارة ومريت من مدرسة رانيا ..
ورحت للعيادة
___________________________________