اعتذر عن تأخري في تنزيل الجزء ولكن اشغلتني دراستي وعشان كذا يمكن كمان هالفتره ماراح انزل 💗
.
تجاهلو الاخطاء الاملائيه
.كان قاعد فالكوفي يتأمل قهوته جلست على طاولته بيادر
ملهم : الواحد يسلم
بيادر : السلام عليكم
ملهم : وعليكم السلام
بيادر : حبيت اعطيك الغرض حققكم
قاطعها ملهم : وانا حاب اعتذر منك على سوء الفهم الي صار وصدقيني بدر ماكان يعرف وكان مقهور على اخته وراح باله لبعيد
بيادر : لا عادي ما الومه على الي صار وانا بعد اعتذر عن فعله وئام
ملهم ابتسم : عادي حصل خير
بيادر طلعت من شنطتها الشيء الي جات بسببه : هذا هو غرضكم واتمنى ان اختكم تتحسن
ملهم اخذه وشكرها
بيادر : اءء ملهم
ملهم : هلا
بيادر : اذا صار اي شيء ولا شيء بليز قولي
ملهم : ابشري
بيادر : الله يبشرك بالجنه ، قامت : انا استأذن مع السلامه
ملهم : استودعتك الله
راحت بيادر والابتسامه شاقه وجهها " قالي استودعتك الله حبييت "
.
.
نرجع للحاضر
عند ترف
كانت بيادر هالفتره موجوده عندها وكانت تهديها ومعها دايم وكل ما اتصل راشد كانت تعرف كيف تخلي ترف تصرفه
ترف : بيادر
بيادر : هلا حبيبي
ترف : ليه انتِ طيبه كذا ليه مهما صار معنا توقفين معنا وكأن المشكله خاصه فيك
بيادر ابتسمت : بأختصار لأنكم اهلي مستحيل اترك احد من اهلي في مصيبه او مشكله لازم اوقف معه
ترف قامت وحضنتها
بيادر : انتم عوضي و ..
ترف : انتِ العوض مو احنا وباستها على خدها
بيادر : اخ يلبى
استحت ترف
وقعدو يسولفون وبنص سوالفهم دق جوال ترف
ترف بخوف : شكله هو
مسكت جوالها وطلع هو
ترف : هو التبن
بيادر : معليك ردي
ترف : طيب
بيادر : بس خلي بنبرتك ثقه
ترف : ابشري
اخذت ترف نفس وردت عليه
ترف بثقه : الو
راشد بخبث : اهليين ترف منزمان عنك
ترف بغثيان ؛ شتبي
راشد : ابيك يروحي
ترف : الله ياخذك
راشد ضحك
ترف : اخلص شتبي
راشد : ابد بس حبيت اقولك انا بكره جاي للرياض عشاانك
ترف : طيب
راشد : عاد ابيك تتكشخين اطلق كشخه
ترف : لحول
راشد : يلا ما اطول عليك بيبي بااي
ترف قفلت منه وانهارت
بيادر : ترفف شفييك
ترف : يقول انه بكرا جاي للرياض عشاني اخ بس
بيادر : خلاص اهدي انا عندي خطه وانتِ التزمي فيها
ترف : وشهي
بيادر : لاجا ورحتي له وقتها تعرفين
ترف : تمام
بيادر : هيا روحي غسلي وجهك
ترف : اوكي دقايق بس
راحت ترف وقعدت بيادر واتجهت لرقمه ف هو املها الوحيد الحين
دقت بيادر عليه وانتظرت انه يرد مارد عليها وتأففت
جات ترف
ترف : بيدو متأكده من خطتك
بيادر : اي حبيبي لاتشيلين هم
ترف : انا املي فالله ثم فيك يابيدو
بيادر : ياحبيبي انتِ خلاص انسي السالفه الحين
ترف : تمام
.
.
عند راشد الي سمعه سراج وراح يقول لنياف
سراج وهو يدخل غرفة نياف
نياف : شتبي
سراج : ارخ صوتك السالفه فيها راشد والرخيصه الي كانت تسولف معه
نياف قام بسرعه ؛ وشووو ؟؟؟
سراج : قرب بقولك
قرب نياف وقال لنياف الي سمعه
نياف : لاحول ولا قوة الا بالله راشد مابيتعدل
سراج : طيب وش بتسوي
نياف : بروح اتوطاه
سراج: لا لا انت كذا بتسوي مصيبه تعال بقولك خطتي
نياف : وشو
سراج : نلحق راشد لما يروح لها ونلبس قناع ونمسكه هبد
نياف ضحك : الله يالخطه البطله
سراج : شرايك بس
نياف : تحسبها سهله انت وبعدين بنسوي جزء من خطتك والي هي نلحق راشد
سراج : تم تم
نياف : الا صح سراج تقدر تجيب لي رقم الي يكلمها ؟
سراج : بحاول
نياف : كفو كفو
سراج : كفوك الطيب
.
.
عند ملهم فالمستشفى
الدكتور : تحسنت حالتها كثييررر وبدت تحرك اصابعها
ملهم : يعني يادكتور فيه امل
الدكتور ابتسم : ايي
ملهم : الحمد لله
استأذن الدكتور وترك ملهم لحاله ودخل ملهم لغرفة اخته
ملهم : رفوع يارفوع اصحي مابقي الا اسبوع وندخل رمضان اصحي سمع ملهم همس وطالع في رفعه
ملهم : رفوع تكلمتي
فتحت رفعه عيونها ببطئ وهزت راسها ببطئ وابتسمت عالخفيف
صرخ ملهم : رفعععههه صححييييتييي يادكتوررر رفوع صحتت
دخلت الممرضه وهي مخروشه : ايش فيه اخوي
ملهم : اءء رفعه صحت
الممرضه بأبتسامه : جد الحمد لله دقايق بنادي الدكتور
راحت الممرضه تنادي الدكتور وبعد خمس دقايق دخل الدكتور بأبتسامه
الدكتور : الحمد لله على صحوتها
ملهم : اي والله
اتجه الدكتور لرفعه
الدكتور : اسمعي يارفعه اذا كنتي تحسين باللي اسويه ارمشي بعينك مره وحده اذا ماحسيتي مرتين طيب
هزت رفعه راسها بمعنى اي
دق الدكتور رجلها اليمين
الدكتور : رفعه تحسين ولا لا ؟
رمشت رفعه مرتين
الدكتور دق رجلها اليسار : تحسين ؟
رمشت مرتين كمان
الدكتور التفت على الممرضه : لازم نسوي لها تحاليل
الممرضه : تمام
ملهم : وش فيه يادكتور؟
الدكتور : .....
.
.
انتهى
أنت تقرأ
غيبتك طولت وش جابك الشوق او الحنين
Mystery / Thrillerغيبتك طولت وش جابك الشوق او الحنين أضحكي لو يمتلي صدرك طعون وغمضي عيونك وداري غصتك ماهي نهاية قصتك يرحلون هذي نهاية دورهم في قصتك لا أبيح النقل أو الاقتباس بدايتها 1/1/2023