هصار ــــــ ماحسيت اله نفسي طابگ هناك ورايح للجامع اتوضيت ورحت طبيت اسمع الاذان واني ابجي صليت والدمع ينزل على رگبتي ضليت بالمسجد ساجد وابجي حسيت شخص واگف يمي صديت عليه
الشيخ ــــــ كملت صلاة
هصار ــــــ مسحت ادموعي وهزيتله راسي
الشيخ ــــــ شبيك تبجي
هصار ــــــ ضليت ساكت
الشيخ ــــــ وكل امرك لله الله بصير بعبادة
هصار ــــــ صار ينصحني اذا ميتلي ميت فهوا عند ربه افضل من عندي اني العبد واذا عندي مريض الله كفيل بدوا وكفيل بيه عدد هوايه،،، والمذنب
الشيخ ــــــ الله بصير بعبادة والله غفور رحيم وربك گال اغفرلهم حتى تطلع الروح منهم
هصار ــــــ واليشرب عرگ
الشيخ ــــــ ربك گال(( وإني غفار لمن تاب وامن وعمل صالحا ثم اهتدى)) الله غفور رحيم يغفر لمن يشاء اذا اهتديت استغفر لذنبك
هصار ــــــ الله عاقبني
الشيخ ــــــ الله مايعاقب بالدنيا الله يبتلي حتى اتوب عن خطاياك
هصار ــــــ ونعم بالله
الشيخ ــــــ مادام عرفت بغلطك وتبت لربك هذا الشي كافي الله تواب رحيم
هصار ــــــ هذا الاذان بصوتك
الشيخ ــــــ اي
هصار ــــــ والله صوتك استدرجني
الشيخ ــــــ الله يخلي لكلشي سبب وانته ردت تهتدي من نفسك
هصار ــــــ عادي اخذ رقمك شيخنه
الشيخ ــــــ اي عادي
هصار ــــــ اخذت رقمه ضل يحجي سألني ششتغل گلتله ضابط گال هوا انتو اغلبيتكم عرگ مازعلت من كلامه بالعكس ضحكت،،،، والله ياشيخ ماجنت اشرب
الشيخ ــــــ واصحاب السوء جروك
هصار ــــــ اي والله
الشيخ ــــــ والله الشرب حرام والله ماحرمه عبث بس لان بيه اضرار لحياة الانسان مثل ماحرم الخنزير والدم والمدري شنو كله بيه مضره
هصار ــــــ اي والله سبحان الله،،،،، حجينه شويه بعدين طلعت للبيت صح حزين عليها بس صارلي سبب يهدي نفسي هوا صلاتي وكلامي ويه الشيخ شلت العرگ كله كسرته اني ماعندي سوالف مكسره بس الشرب لا هاي سالفتي المكسر رحت لبيت امي راضيتها لان حرام اعق والدتي واني اريد اتوب ضلت تگلي روح ومدري شنو اله بجيت تا يالله فتحت اديها رحت لحضنها،،،، يمه سامحيني
ام هصار ــــــ يمه مسامح يوليدي والله مايهون عليه ازعل منك بس اشوفك ضلمت هالبنيه
هصار ــــــ طلگتها ماتنضلم بعد ماكو احد يضلمها ولا يضربها ولا يفشر عليها ولا يهينها هصار عافها
ام هصار ــــــ اي ييمه انساها
هصار ــــــ الله كريم المهم مر وكت و بمرا جنت مودي امي للطبيب علمود مفاصلها شفنه خالي هناك نزلت امي گعدت ورا وخالي سلم وصعد جنت مشغل اغنيه خلصت خليت غيرها عود اسمع يخالي ههه،،،، حرموني منك الله لا ينطيهم بجوني ياربي دمع بجيهم،،، وادندن وياها
الخال ــــــ ها عاشگ بيها الخير
هصار ــــــ لا خالي عاشگيش بعدين هاي حزينه
الخال ــــــ عود بيها تلميحه
هصار ــــــ لا خالي مابيها شي
الخال ــــــ اي
هصار ــــــ عدتها و رجعت اسمعها وادندن وياها جان يگول
الخال ــــــ ول والله بيها تلمح عود انته السبب
هصار ــــــ اي والله يخالي حرمتني من مرتي لو تدري كل يوميه اتحسب عالجان السبب
الخال ــــــ هيه رادت تطلگ
هصار ــــــ لا والله هيه تحبني ومتعلگه بيه ومتعوفني لوما احد فار عقلها
الخال ــــــ هسه انته تحبها
هصار ــــــ شيفيد الحب بعد الله يسعدها خالي بعدك تعرف اتسوق سياره لو بطلت
الخال ــــــ لا اعرف ششايفني معجز مثلا
هصار ــــــ عجل اني رايح اصلي المغرب بهالجامع وصل امي بطريقك
الخال ــــــ صاير مله وتصلي قبل من نگلك تگول اني وربي
هصار ــــــ اي اهتديت بس بعد شنو
الخال ــــــ ماراح شي
هصار ــــــ يالله اني نازل
الخال ــــــ ام هصار تنتضرين بين مانروح ونجي
هصار ــــــ تجي تا تشوفني اصلي لو لا
الخال ــــــ شمدريك
هصار ــــــ حافضك حفض (طبعا هذا خالي شويه اكبر مني يعني بيناتنه تقريبا 10سنين اني وياه قبل جنه دوم سويه نشتغل ونسگي ويبو المهم هوا هم اله ايد بطلاگي من سيل خلصنا صلا وطلعنه گلتله،،، تدري والله دوم اتحسب عليك وعلى خالي الجبير
الخال ــــــ هههه ليش
هصار ــــــ انتو لعبتو بعقلها
الخال ــــــ ها ام هصار ماطولنه عليج
ام هصار ــــــ لا عادي
هصار ــــــ شلون سيل
الخال ــــــ تراها زينه وتدرس امتحان نص السنه قرب
هصار ــــــ شلونها بالمدرسه.
الخال ــــــ زينه
هصار ــــــ ها و صوتها
الخال ــــــ بعدها متحجي الدكتور گال ويه الوكت بس ماكو شي
هصار ــــــ ليش ماخذتوها للطبيب
الخال ــــــ وديناها يگول ويه الوكت.
هصار ــــــ غيرو الطبيب شلونها بدوني
الخال ــــــ زينه
هصار ــــــ ماتشتاگلي ماتذكرني..
الخال ــــــ لا
هصار ــــــ هم
الخال ــــــ شبيك
هصار ــــــ الله كريم
الخال ــــــ تريدها انته
هصار ــــــ مو رايدتني هيه
الخال ــــــ حامل مرتك اذا تريد ترجعها يحقلك
ام هصار ــــــ لا عليش گلتله
هصار ــــــ ماصدمني كلام خالي صدمني كلام امي لا عليش گلتله،،،، هههه اتوقعت من خوالي يضمون بس انتي لا انتي يوميه تشوفيني اموت واحيا وليلي مانامه كله افكر بيها و يوميه اشكيلج هم فراگها وتگعدين تعقلين عليه شفتيني شگد تندمت ومتقبلين ارجع مرتي يمه خاف معاديتني لو معاديتها ترا واحد ابنج و وهيه بنت اختج ماشفتي منها العايزه
ام هصار ــــــ متستاهلها اني ماگدر اتحمل ذنبها
هصار ــــــ ضليت ساكت ماريد اجعجع واضيع من لساني رحت لبيت خالي گبل شافني خالي الجبير هذا مايحجي ويايه حاقد عليه گلتله،،، ادري بمرتي حامل و هسه ميحقلكم تمنعوني منها،،،، رحت للغرفه شفتها تكتب من شافتني بجت وخلت اديها على حلگها رحت حضنتها هيه هم حضنتني ،،،،، ليش يالضالمه ليش عفتيني ليش طلبتي الطلاگ وعفتيني مو احبج مو مگدر بدونج،،، ضليت حاضنها وابوس بيها عبالك شو شمضيعلي وهيه هم تبجي،،،، ترجعين ويايه،،،،، هزت راسها بأي بستها من جبينها،،، يالله نرجع،،،، رجعنه للبيت بعد ماستشارينه الشيخ و قنعت خوالي عقدنه محكمه و وديتها لغير طبيب فوت على بلاعيمها مدري شنو گال محتاجه شي يخليها تبجي او تصيح او يخوفها حتى تگدر يرجعلها صوتها گلت اخوفها من اتجيب بس استخطيتها مرت السنه ونجحت وجابت مر شهرين على جيبتها وهيه نججحت گلت اخوفها على ابنها خليت رباح يوگف جوه بالبلكونه مالت البيتونه هوا وگف جان انطيتهيا هوا اخذ وختل هيه تخربطت ماستفدنه شي صوتها مارجع دحگتلي بغضب اخذت ابنها وحضنته رحت يمها صدت عني هاي اول مرا اتسويها بيه،،،،، حبيبتي مو مخبل اذب ابني انطيته لرباح بعدين ياحبيبتي ياگلبي انتي اني ردت اخوفج تا تصيحين تا اطيبين،،،، ضلت زعلانه صاير ابنها اغلى مني بست راسها وعفتها مر اسبوع وهيه متفعل ترضى عني انقهرت تحب ابنها اكثر مني امي گالت گلبها گلب والده ماتريد تأذي ابنها هيه طفله مصدگه نفسها ام هههه رحت لگيتها تلاعب بيه
