Hey Siri , play Man In Love for me

< MIL >

Hey Siri , play Man In Love for me

Ethan and Hoon

သွေးသံတရဲရဲဖြင့် ​ရောက်လာသည့်လူနာကို ကြည့်လျက် ​ဆောင်းဟွန်း သက်ပြင်းချလိုက်၏။
လက်မှ ကိုင်ထားသည့်အိတ်ကို အနီးအနားတွင်
ချလိုက်ကာ ဂျူတီကုတ်ကို ပြန်ဝတ်ဆင်လိုက်၍ နားကျပ်ကို လည်ပင်းတဝိုက် ဆွဲလိုက်သည်။
ထို့​နောက် ထိုလူနာထံသို့ အမြန်ဆုံး သွား၍
ဒဏ်ရာများကို စစ်​ဆေးလိုက်သည်။

" မလှုပ်နဲ့​နော် မှန်​တွေက လက်​မောင်းကို ​တော်​တော်နက်တဲ့ အထိ စိုက်​နေတာဆို​တော့​ နာလိမ့်မယ် "

" အရမ်း​တော့ မစိုးရိမ်ပါနဲ့ ကျွန်​တော် မနာ​အောင်
ကု​ပေးပါမယ် "

​ပြောရင်းဆိုရင်းပင် ​ဆောင်းဟွန်း မျက်​မှောင်ကြုတ်လျက် ဒဏ်ရာတစ်ဝိုက်၌ ဂွမ်းစဖြင့် အရက်ပြန် သုတ်လိမ်း​ပေးလိုက်၍ အာရုံစူးစိုက်စွာပင် မှန်အကွဲများကို ထုတ်​နေသည်။ နာကျင်မှု​ကြောင့် အနည်းငယ် ရုန်းလိုက်သည့် လူနာကို ​ဆောင်းဟွန်း
မကြည့်မိ ၊ လူနာ၏ လက်​မောင်းကိုသာ ဆွဲထား၍ ဂရုတစိုက် ကုသ​ပေး​​နေသည်။

​ဆောင်းဟွန်း ပတ်တီး စီး​ပေးခါနီး၌မှသာ
ထိုလူနာ၏ မျက်နှာကို ​စေ့​စေ့ကြည့်လိုက်မိသည်။
ထို့​နောက် ​ဆောင်းဟွန်း စိတ်လှုပ်ရှားလာရာသည် ဖြစ်ရာ ပတ်တီးစကိုမူ လုံး​​ချေ၍ ဆုပ်ကိုင်ထားမိ၏။

နှဖူး​​ပေါ်တွင် ဝဲကျ​နေသည့် ဆံပင်​တွေသည် ​ချွေးစို့နေ၍ နာကျင်မှုကို သည်းခံထားရသည့်ထင် နှုတ်ခမ်းကိုလည်း တင်းတင်း​စေ့ထားလျက်။ ​လက်​မောင်းအထိ လှန်တင်ထားသည့် ရှပ်အက်ျီအောက်၍ ကြီးမားသည့် ဒဏ်ရာရှိ​နေ၍ အနည်းငယ်လည်း
ပူ​လောင်ပုံရတာ​ကြောင့် သူဟာ ရှပ်အက်ျီရှိ အ​​ပေါ်ကြယ်သီးများကိုလည်း ဖြုတ်ထား၏။