بنت اسمها زينه 💕
"البارت الرابع "
مجدي: زينه انا لازم اقولك على حاجه انتي لازم تسافري زي ماقولتلك انا حاسس ان نهايتي قربت وانا مش هعيشلك كتير ياحبيبتي ولو جرالي حاجه عماتك (كحححح) مش هيسبوكي في حالك
زينه :بس انا مش عايزه اسيبك ياجدو
مجدي : بس انا هسيبك 😔
ارجوكي ارجوكي يازينه اسمعي الكلام انا عملتلك كل حاجه وجهزتلك إجراءات السفر وكل حاجه دا انا كمان جبتلك شقه هناك في تركيا مش كنتي دايما تقوليلي انا نفسي اروح تركيا
زينه: ايوه ياجدو بس... بس انا معرفش حد هناك
مجدي :بصي يازينه انتي عارفه ان جدو عندو شركات هنا صح
زينه:ايوه
مجدي :انا كمان عندي شركه هناك في تركيا وعندي كمان في المغرب وسوريا عندي فروع كتير وانا ملقتش احسن من تركيا انك تسافري ليها وكمان إدريس صاحبي هناك مش انتي بتحبيه
زينه : طيب مريم اكيد جايه معايا مش كده وابتسمت
مريم: مسحت دموعها وقلتلها لا ياحبيبتي المره دي هتعتمدي على نفسك انا هنا اهلي وخطيبي مش هينفع اسيبهم ولا انتي عايزه اونكل احمد يزعل مني
زينه: جدو طيب هعقد معاك يوم واحد وكمان اسلم على عمر ممكن... ممكن
مجدي: ماشي يازينه بكره وبس وبعد المدرسه هتسافري على طول
زينه: بس انا لسه مخلصتش دراستي ياجدو هسافر ازاي
مجدي:ودي حاجه بردوا تفوت مني انا خليت إدريس يحجزلك هناك مدرسه
زينه:انا بحبك اوي ياجدو ❤️
مجدي :وانا كمان هتوحشيني اوي ❤️
زينه:انت اكيد هتجيلي مش كده
مجدي : لما اقوم بسلامه بس انا كده كده هتلاقي ني بكلمك فيديوه كول على طول ولا انتي اي رائيك
زينه :ياااه انا الي هرن عليك على طول انت بتهزر ياجدو ولا اي
وقعدوا يضحكوا مع بعض شويه بس الفرحه مبتكملش ساره وشرين دخلوا عليهم
ساره : بابا حبيبي طمني عليك وزقت زينه من عليه
مجدي : هو انتي مبتحرميش رقيتي البنت كدا لي وبعدين انا اصلا مبكلمكيش ابعدي عني
شرين : خلاص يابابا بقا احنا اسفين متزعلش بقا
وباسته من راسه وايديه
مجدي :طيب طيب مريم خدي زينه وزي ماقولتلك جهزي هدومها مش عايز لما اخف وااقوم بسلامه القيها في البيت
ساره وشرين بصوا لبعض كده واستغربوا
وبعد مامريم اخدت زينه ومشيت ساره قالت
ساره :اخيرا يابابا اخيرا سمعت كلامنا وهتمشيها من البيت
مجدي : بصلها بقرف لا انا ممشتهاش علشان الي في دماخك انا دخلتها مدرسه دخلي وطول ماانا عليش هروحلها مش هجبها هنا تاني
شرين: خلاص يابابا متزعلش اروح بقا اقول لسهير عشان تيجي
مجدي: عارفه انتي لو عملتي كدا يا شرين هيحصل اي هتمشي انتي كمان تروحلها ومش هتخشي بيتي تاني هي مش سابت البيت بقالها اكتر من خمس سنين وجتش تاني حتى ترفع سماعه التلفون تطمن على ابوها تشوفه اذا كان مات ولا عايش
ساره: لا يابا اوعي تقول كدا سهير اختي بتكلميني انا وشرين كل يوم ودايماتسأل عنك اه والله ولا اي ياشرين
شرين : اه يابابا هي بس حلفت متجيش البيت غير لما زينه تمشي انت ناسي انها كانت عايزه تموت بنتها وهه زينه مشيت والأمور هتتحل
مجدي:هو انتوا بعد السنين دي كلها مش قادرين تنسوا الي حصل اي السواد الي في قلوبكم دي البنت ماكنتش هتموتها بنت اختك هي الي كانت بتعايرها حضرتك أن امها وابوها ماتوا هي لا ومتنسيش ان زينه مريضه وعندها توحد غير الحاله العصبيه الي انتوا كنتوا السبب فيها
ساره :خلاص يابابا انسى بقى هنتصل بيها والله هي مضايقه اوي ان هي مش عارفه تجيلك المستشفى
شرين جريت بسرعه على التلفون واتصلت بسهير
شرين : ألوو ايوه ياسهير عندي ليكي خبر حلو
سهير:.............................
شرين : تعالي لبابا المستشفى عاوز يشوفك
مجدي : انا مش عاوز اشوف حد انتي مش قولتي ان هي الي عايزانى الظاهر اني غلط لما وافقت تكلميها
شرين: اصبر بس يابابا اي بتقولي اي استنى ياسهير مش سمعاكي الشبكه الظاهر وحشه هنا في الاوضه هطلع بره حاضر
وكملت كلامها : ايوه يابت مشيت خلاص ابوكي مشاها يلاا اجزي انتي بقا وعيالك وتعالي
سهير:...................
شرين : ايوه خلاص ابوكي وداها مدرسه داخلي ومش هيحبها حتى في الاجازه ماهو دا الي كنا عايزينه سيبك انتي يلاا تعالي بسرعه ومتتأخريش سلام
_________________________(في منزل مجدي الدمنهوري)
مريم: مالك يازينه فيكي اي ساكته كدا لي
زينه : زعلانه اوي ياماما انا مش عايزه اسيب جدو ابداا
مريم: ماكدا كدا هو هيكلمك وراحت جنبها بصي يازينه انتي لازم تفهمي ان كل الي جدو بيعملوا معاكي دا عشان مصلحتك شوفي جدو راح بس يطلع العربيه من الجراج ضربوكي وبهدلوكي وقطعوا شعر بنوتي الجميله مبالك بقا لو جدو بعد الشر بعد الشر جراله حاجه هيعملوا فيكي اي
زينه : انا عارفه ياماما انهم مش هيسبوني في حالي بس انا كل الي يهمني جدو وبس
مريم : يلا بقا اتكلمنا كتير لمى هدومك ويلا عشان كدا مش هنلاقي وقت نخلص فيه يلاا وبعدين سرحت شويه
هتوحشيني اوي يازينه هتوحشيني انا حبيتك من كل قلبي انا مش عارفه ازاي هتعدي عني كل الوقت دا
_________________________
(في المستشفى)
سهير : بابا حبيبي وحشتني اوي يابابا
مجدي : والله دلوقتي جايه تفتكري ابوكي بصي يا بنتي انا معنديش وقت للعتاب انا مسامحتك انا ميامحكوا كلكوا على الي عملتوه سواء كان ليا او لزينه
سهير : خلاص يابابا متزعلش بقا انا جتلك اهو خلاص بقا وباست راسه
2: جدوووووو
مجدي: حبايب جدو الصغيرين وحشتوني اوي
مرام : وانت كمان ياجدو وحشتنا اوي
ميراا: اي دا فين زينه
سهير : بنَت انا مش قولتلك انسيها خالص متتكلميش في الموضوع دا امشي امشي استنى برا
مجدي : تعالي يا ميرا متزعليش زينه خلاص مشيت عشان امك تستريح
ميرا: يعني خلاص مش هنشوفها تاني
َمجدي : اتنهد ايوه ياحبيبتي خلاص
شرين : بقولكوا اي ياجماعه خلاص بقا وكفايه كلام لحد كدا سيبوا بابا يرتاح وهنجيله بكرا
وكل واحده سلمت على باباها ومشيوا
_________________________
(في منزل مجدي الدمنهوري)
شرين : هههههههه والله يابنتي زي مابقول كدا
سهير : دا انتي فظيعه بجد
ساره: ياااه رجعنا تاني مع بعض انا مبسوطه اوي كان نفسي سليم اخويا يكون معانا دلوقتي هو ومليكه
سهير : اتنهد وقالت اه والله ربنا يرحمهم
وطالعين على السلم بيبصوا لقوا زينه ومريم نازلين في وشهم وكان معاهم شنط سفر
سهير :بصت للزينه ومريم بصه احتقار
ميرا جريت على زينه وزينه اول ماشفته فرحت اوي َجريت عليها
ميرا:زينههه
زينه : ميراااا
جريوا لحد ما صلوا لبعض وحضنوا بعض وقعدوا يلفوا من الفرحه انهم شافوا بعض تاني
مرام بصتلهم بتكبر اوي وشخطته في ميرا وقالت ميرا تعالي هنا سبيها وتعالي هنا
(مرام اخت ميرا ولاد سهير مرام طالعه لمامتها في كل حاجه وبكره زينه اوي)
شرين : ميرا اطلعي قوضتك دلوقتي ياحبيبتي عشان ماما متزعلش منك يلا
ميرا : سلام يازينه
زينه : بدموع سلام
سهير : امسكني اتمسكني كهن بنات يلا يامرام طلعي شنطتك ويلاا مش عايزين نقف هنا كتيروشالوا حاجتهم كلهم وطلعوا
مريم :متزعليش يازينه سيبك منهم
زينه: انا كنت عايزه اقعد مع ميرا شويه بس ومسحت دموعها
مريم: متزعليش يازينه متخليش حاجه تضايقك ابداا انتي عند ربنا وعندنا كلنا احسن واحده في العالم كوني قدها ومتخليهمش يأذوكي خلي الكلمه دي في ودنك احفظيها اوعي تنسيها ابداا انتي اقوى منهم هما بيستئوا عليكي عشان انتي ضعيفه خليكي قدها يازينه
___________________________
بقلمي "سما شفيع " 💕
أنت تقرأ
بنت اسمها زينه💕
General Fictionبنت متوحده اهل ابوها بيكرهوها ولكن جدها الدافع الوحيد ورائها ولكن عندما يموت الجد ستنتهي حياتها في القاهره وتترك صديقها المقرب وتسافر الي تركيا وهناك تلتقي بمن يغير حياتها....
