His effect

AW KA DUH, KA DUH LUTUK💍

Chapter 1 chiah awm tawh nia aw🥲                     

Readers atangin ka gpay na number minlo zawt a ,₹200 in story hi alo sponsored ve hlauh a, ka story ziah ve mai* te min lo ngaihhlut sak thin a, ka lawm takzet ani, keimah pawh phurna thar min pe a, hemi chapter hi chu atan ka hlan e. 🤍🖤

___________

                     CHAPTER-22

🌸𝘏𝘪𝘴 𝘦𝘧𝘧𝘦𝘤𝘵 🌸

Lucus pov,

Ka damdawiin chhuah tangin thla 4 dawn a liam leh tawh a, keipawn online in class ka kal chhunzawm a, thla 2 dawn ka miss tawh vangin ka zir nasa em*, zan pawh ka meng thei hle. Damdawiin ka chhuaha kar 2 vel naah khan naupang tuition ka pe ve a, chaw ei dawhkan ah ka zitir ve mai thin, pa 6 lai an ni bawk a, ka mamawh lei na tur tawn te chu ka intum ve thei. Ka tum lawk dan phei chuan damdawiin ka chhuah rual* a pek kha nia mahse Nicky bula tuition pek ka dil khan a phallo nasa lutuk a, ni 4 leh zan 4 zenzawm chaw ka nghei hnuah class 8 hnuailam chu pek a phal chauh kha nia.

Ka sawi tawh ang khan in ah hian room hnih chiah a awm a, room pakhat zawkah chuan kan mu a, a pakhat zawkah chu Nicky hnathawhna ani thung. Tunlai chu Nicky awmdan hi a diklo riau in ka hria, nge ka ngaihbel pawh ka tawh lo, engtik lai pawh hian a rilru a hah hmel em* a, ka manchhuah hlau ni awm tak hian a awm reng a, a phone a en reng bawk a, ka hmuh ve thianglo ni awm tak hian a bul ka thlen velah a dah leh deih zel si. Thla tam fe khum khat ah kan mu dun tawh a, mahse engmah a thleng ngailo thung, chuvang te chuan a lungawilo ah te ka ngai a, mahse a bulah engmah ka sawi lo thung. Nileng in hah takin hna a thawk a, chau takin alo haw a, mahse ka tuition pek hun hi tlai 4-6 anih tlangpui vangin ka buaipui tha hman ngai loa, chuvang te pawh chu ani thei tho tiin ka ngaihtuah a, mahse tuition pe loa, Nicky an hah taka a thawh chhuah lo rin ve ham* kha chu ka duh bik bawk silo a, chungvel vang chuan ka rilru sawi chhuak miah silo in a hah takzet.

Dar 4 a ri dawn a, naupang te pawh an lo lut tan sap* hlom a, keipawn kalo chhawn hlom vat a. Eirawng bawl pah chuan kan han inzir tir nghal char* a, dar 5:30 velah kan in kawtah car ri a rawn awm a, Nicky ani tih ka hriat avangin kawngka lam panin ka va kal vat a, Nicky pawn a car alo park zo chiah a, min hmuh velah chuan a nui nghal var a, mahse a chau ve takzet tih chu thup tum mahse ka hria. Ka bul a rawn thlen chuan ka dar ah a lu a rawn nghat a, a meimitchhing nghal vang* a, keipawn a sam ka lo chul ve vat a.

"Inbual theih nghal aw, i kawr hak tur pawh khumah ka dah vek tawh" ka tih chuan "Umm" tiin min chhang a, ala che San lo thung. A lu ala san a, min kiss tuma a rawn kun hnai a, kan hmui a insi dawn chiah tih ah "Au Lucus he tlai hi ka thiam lo nia" Hruaia chu chawka tangin a rawn au lang* a, a aw rawl a ring bawk a, Nicky nen chuan kan phu deuh dawrh thei. Nicky chu nui suk a, "Kan chhangchhe thin mange" ti sapin ka hmui ah a rawn kiss zeuh a, kan pahnih chuan kan lut dun a, chawka lamah kan phei dawn chiah tih ah, a phone a rawn ri a, "Kan la lawk ang" an inbiak na ka hriat ve hlau niawm fahran hian room lam ah a kalpui nghal nal* a, zui tum deuh uk mah ila, Hruaia bawkin min rawn kauh leh vangin chawka lamah chuan ka phei a.

Author pov,

Nicky- Aw sawi rawh/ room kawngka a khar a, bathroom ah a lut nghal a

XXX- Hei an zo a, naktuk lamah rawn kal rawh se anti

Nicky- Aw, a that chu, naktuk ah kan pahnih in kanva kal dawn nia

XXX- Lucus in a hria em?

Nicky- Aih, ala hun lo

XXX- A hriat hunah engtin nge a awm i rin, a hlim ang nge hlim lo ang

Nicky- Ka hrelo, mahse tunah rih chuan engmah a hre tur anilo. / tiin phone chu a dah nghal a.