على أرصفة القدر

اعلان+مشهد

وكفت ألم شعري كدام المرايه محسيت بي غير اجه لف ايده على خصري ويتلمس ببطني ابتسم وكال:

-ابنه كبران...

-باوعتله بالمرايه وابتسمت كلتله: ياريت يكبر بسرعة حتى يجي ويملي حضنه بجيته...

-ان شاء الله حبيبتي ان شاء الله...

انداريت عليه چان يبوسني من گصتي
رفعت عيني اله وكلتله: الله يخليك الله...

رد بأبتسامة:

-ويخليج الي يا عمري .. يلا استعجلي نريد نطلع ...

-تمام هسه خلصت بس ألبس الشال...

لفيت الشال بسرعة وطلعت اني وياه وايدي على بطني الي بدت تكبر شوية شوية امشي وايدي الثانية بيده...

يمشي وچان فرحان بيه ميدري شنو يشتري لو شنو...

اباوع اله وحبي يوم عن يوم يزيد اله ...

كملنه كل الغراض اشتريناهن للطفل ورجعنه للبيت بالسيارة نزل هو من السيارة وانطاني ايده گال انتِ طبي واني راح اطبب الغراض وراج للبيت...

حطيت ايدي بأيده يادوب نزلت من السيارة وجان يطشر شي حار على وجهي ...

باوعت كدامي چان ألكه قميصه كوله دم ...

فتحت عيني على كبرهن بحالة صدمة ...

باوع عليه وجان تفلت ايده من ايدي ويوكع بالگاع ...

ضليت واكفة ممستوعبة الي صار شلون وشوكت وليش ...

كعدت بالكاع يمه ولزمت ايده ...

طلعوا عمتي وعمي على الصوت مال الطلق من البيت وگامت تعيط بديت استفيق من صدمتي واستوعب الي ديصير حقيقة حضنته وكمت اعيط ابچي ...

احس روحي انسلبت مني كمت اعيط وابجي والطم بدون وعي وگلبي محترگ ...

للللكككككككك حبيبيييييي كوووووووم لاااااتعوووووفنيييي فدوووووووه

اكععععدددد فتتتتتتتحححح عيوووونك حبيبيييييي فدووووه لخااااااااطري ....

دموعي ملت عيوني واني ابچي احس گمت ما اشوف من وراهن وغوش عندي الشوف ...

التموا الناس بسرعة حتى ياخذوه بس اني لازمته مقبلت اعوفه ومچلبة بقميصه ...

اكولهم اخذونيييييي وياااااه لاتاخذووووووووه منننننننيييي ....

بوقتها شالتي امي منه كوووه اخذتني منه وفلتت ايدي من ايديه ....

اخذوا الزلم حطوه بالسياره وطببتني امي جووه بالحوش واني ابجي واعيط وهيه تبچي هم ...

اباوع على ملابسي وايدي مليانات بدمه ...

كمت ابجي واعيط من كل گلبي لان احس راااح امووووووت حضنتني امي وضمتني لصدرها واني احس نفسي فقدت و وكعت بالكاع امي تهدي بيه واني حسيت هاهيه حياتي انتهت حسيت بشي حار على رجلي باوعت دم هوايه هذا مني؟؟ من كثر العياط والبچي وگعت وبعد محسيت بشي ...

************************************

*مرحبا متابعاتي العزيزات رجعتلكم برواية جديدة*

**رواية على أرصفة القدر **

روايتي القادمة بأذن الله

رواية واقعية باللهجة العراقية

انتظروني بيها قريباً...

ضيفوها للمكتبة عدكم حتى اول ما ابدي انزل البارتات تجيكم إشعارات بيها ...

واهم شي كبداية صوتوا للمشهد
و كولولي رأيكم بيها بالتعليقات ....

ولا تنسون تسوون تاكاتكم لأصدقائكم التحبون يقروها وياكم وتصير لمتنه سوه أحلى🤍

متابعة لحسابي Lahn_ALnoor ليصلكم كل جديد

تحياتي ومحبتي لكم ....
اختكم الكاتبة لحن النور
متابعة ممتعة للجميع ....