زوجتي على طريقتي الجزء الأول

الفصل الاول

بسم الله الرحمن الرحيم

كيييييييف يا بوى تجوزنى واحده من البندر و كمان بالمنظر ده .....

الزم حدودك و انت بتتكلم على بت عمك يعنى عرضك ي ولدى .....

عرض!  عرض ايه ي بوى ال بتتكلم عليه انت بتهزر ولا ايه عاد ودى ولا بتهتم لحد ومبتعملش اعتبار لحد وماشيه علي حل شعرها ي بوى

ادهههههههههههم جولتلك الزم حدودك عاد متنساش ان ال بتتكلم عليها عاد تبقى بت عمك

ادهم بعصبيه : يا بوووووى انت جايبلى واحده ناقصه ربايه و تجولى اتجوزها اكيد له عاد
سليمان: انت بتتكلم على اساس انى جايبلك واحده من الشارع مهياش بت عمك يعنى
ادهم بنرفزه: يوووووه جاعد تجولى بت عمك بت عمك،  مهى بت عمى دى ال ماشيه على حل شعرها وعمى كان فين مرباش بته يعنى
سليمان: كلمه كمان ورحمة ابوى لانت ابنى ولا انا اعرفك هه
ادهم بدهشه:  انت بتتبرى منى ي بوى علشان البت دى
سليمان: اه ي ولدى و لا علشان بقيت العمدة معتش ليا كلمه عليك و لا ايه ي ولدى
ادهم: له ي بوى استغفر الله متجولش اكده اكيد له بس انا معيزش اتجوزها واصل
سليمان بهدوء: ي ولدى عمك معرفش يسيطر عليها عاد،  فكلمنى وجالى انه عايز يجيبها اهنه تتربا واكده بس اما جالى انها عنيده ومبتسمعش كلام حد واصل جولت لازم اجوزها لحد يحكمها ويعيد تربيتها من اول وجديد ومفيش غيرك ال هيعرف يربيها من الاول وجديد ي ولدى متتعبش جلبى معاك
ادهم:  لكن ا.....
سليمان:  ملكنش ولا حاجه اتجوزها فتره وحاول تعرفها الصوح من الغلط واكده تمام وطلقها بعديها معرفتش هطلقها منك واجوزها لحد تانى لكن انى عارف انك هتقدر ي ولدى
ادهم كان ساكت لانه و لا عايز يتجوزها و لا عايز يزعل ابوه
سليمان: ها جولت ايه ي ولدى مش هتكسر كلمتى صوح
ادهم بقلة حيله: ماشي ي بوى توكلنا على الله
سليمان: تسلم ي عمدة الصعيد يعنى اكده هتتجوزها صوح
ادهم: هتجوزها ي بوى لكن و ربى ال هيتدخل ف ال انا هعمله واصل هزعله منى
و فجأه سمعوه: لولولولولولولولولولولولولولولولوى
خرجوا لقوا امل ام ادهم بتزغرط
امل:  الف مبروك ي حبيبي اخيرا هفرح بيك
الاتنين بصولها بيأس
ادهم:  مبروك على ايه يا امى
سليمان:  ي وليه مش جادره تستنى لحد ما يجوا و نشوف هنعملوا ايه و لا انتى دايما اكده مستعجله
امل: يوووه انا و لا مستعجله و لا حاجه
ادهم: ي امى ممكن تهدى شويه عاد لحد ما نتفق و نأكد على الموضوع
امل: ي حبيب امك عارفه انك معيزش تتجوز اسمها ايه بت عمك دى علشان حياتها بايظه خالص لاكن انى متأكده انك هتعرفها الطريق الصوح ي ولدى
ادهم: ان شاء الله ي امى
امل:  ان شاء الله ي ولدى ان شاء الله
ادهم: انا طالع ي بوى اريح اشوى لغايت ما يجوا
سليمان:  ماشي يا ولدى

صلوا على سيدنا محمد 🌺

ديييييييييمة يلا علشان منتأخرش ي بنتى
ديمة: ي بابا بقولك ايه انا مش عايزة اروح المكان دا روح انت و انا هخرج مع صحابي
محمد: لا ي ديمة مش هسيبك لوحدك و هتيجى معايا يلا
ديمة:  ي بابى بقا
محمد:  بلا بابى بلا بتاع انا بعملك كل ال انتى عايزاه
ديمة:  بس انا مش عايزة اجى
محمد:  براحتك مش عايزه تيجي يبقى مفيش فلوس و لا عربيه و لا خروجات و لا اى حاجه هتتحبسى من الاخر
ديمة بغيظ:  ي بابا بقى
محمد:  انا قولت ال عندى
ديمة: اووووف خلاص جايه
محمد:  طب يلا علشان منتأخرش انجزى
دخلت ديمة علشان تغير و الخدامه خلصت الشنط و كل حاجه ديمة خرجت يلا
محمد: اى ال انتى لبساه دا ان شاء الله
ديمة:  اى ماله مهو لبسى العادى
محمد: لا احنا راحين أرياف مينفعش كدا
ديمة:  هو ايه ال مينفعش و بعدين دا ال عندى و مش هغيره
محمد:  يا بنتى اللبس ديق قوى
ديمة:  لا هو كدا حلو
كانت لابسه بنطلون ابيض ضيق اوى و بلوزه بينك بكت و فارده شعرها و لابسه هيلز

( هيلز ايه ي اختشى ف الارياف دا انتى هتمشى خطوه هتقعى على بوظك 😂 معلش معلش)

نكمل
و نزلوا علشان يركبوا العربيه و يمشوا
محمد وجه كلامه للخدامه
محمد:  عزيزه تقدرى تاخدى اجازه انتى و باقى الخدم اجازه الفتره دى لحد ما ارجع
عزيزه: تسلم ي بيه  
محمد لديمة:  يلا اركبى
و ركبوا و مشيوا

الحمدلله

ف قصر عائلة الجواهر
واحد من رجالة العمده
الراجل: ي كبير ي كبير
سليمان:  ايه مالك ي وجه البرص انت
الراجل:  فى عربيه غريبه داخله ع الدوار ي كبير
سليمان بفرحه: دا اخوى محمد ي غبى
الرجل بغباء :  اهاااا اعمل ايه ي كبير
سليمان بغيظ: لاه خليه واجف اشوى ع بوابة الدوار ي فالح
الراجل:  بجد مش انت بتقول انه اخوك
سليمان بغضب:  انجر افتحله ي غبى
الراجل بخوف: حاضر يا كبير
محمد و بنته دخلوا و سليمان و امل و اسماء و جاسم فى استقبالهم
محمد دخل يسلم ع اخوه
سليمان بفرحه: كيفك ي خوى
محمد:  بخير طول ما انت بخير ي خوى
سليمان: ي رب دايما بخير
جاسم:  اوعاااااا مين الجامده دى ي بوى
سليمان: احترم حالك ي ولدى دى بت عمك 
محمد:  تعالى ي ديمه سلمى على عمك
امل:  ي مرى لو ادهم شافها دلوق

ايييييييييه ال بيحصصصل اهنه عاد 

يتبع
نكمل البارت الجاى
قولولى رأيكوا 🙃❤

گــ : نور ناصر " ملگة الاقلام "