زوجتي على طريقتي الجزء الأول

الفصل الرابع

لا إله إلا الله

نكمممممممل

ادهم: هو انا مجولتلكيش ي عمتي
سيده: مجولتليش ايه ي ولدي
ادهم: اصل ديمة تبجا خطيبتي وهنتجوز على الاسبوع الجاي ان شاء الله
الكل واقف مبرق ماعدا طبعا محمد و سليمان و امل
ديمة بصدمه: اييييييه تتجوز مين
ادهم: انتى ي حبيبتى مالك
ديمة:  مالي ال هو ا..... 
محمد: ديمة اسكتي وشاورلها إنها تسكت وهيفهمها بعدين
سيده: وه هتتجوز واحنا أخر من يعلم ي ولدي ولا اي
ادهم: و لا اخر من يعلم ولا حاجه ي عمتي عادي
سماره بكُره : تتجوز مين البت ال كنت دايمن تجول عليها ماشيه على حل شعرها عاد
ادهم: كانت صغيرها ودلوقتي شايفه عامله كيف وبعدين ملكيش دخل واصل وأنا أجول انتى متجوليش فاهمة
سماره:  لا مش فاهمة اتجنيتوا شكلكوا اكده بجى تتجوز البت ال ناقصه ربايه دى و تسيبني اني طالعه لامها اكيد هتكون طالعه لمين و.......
وهنا نزل قلم على وشها وبترفع وشها تشوف مين ال ضربها لاقت ديمة
ديمة بعصبيه والدم بيجرى بعروقها: امي دي كانت اشرف منك ومن عيلتك كلها وحرف زياده عليا هزعل،وبعدين ي حلوه ما انتى قدامه ع طول اهو لو كان عايزك كان اتجوزك  ومسكت ف ايده
هو استغرب من عملتها دي وكان مستغرب كل ال قالته
سماره بكُره و هي بترفع ايدها علشان تضربها:  انتى ازاى ت......
وقبل ما ايدها توصل لديمة كان ادهم مسك ايدها
ادهم:  ايدك لو اترفعت على مرتي  تانى انا هجطعهالك فاهمه فاااااهمه
سماره بخوف:  فاهمه فاهمه
سيده: ايه ال بيحصل إهنيه ده جايبينا تهزقونا وبتى تتضِرب وساكتين
سليمان:  بتك جليلة الربايه ي سيده إبجى ربى بتك الأول
سيده:  بجى دلوجت بتي بجت جليلة الربايه لما البت دي اجت اهنيه
ادهم:  عمتتتتى
سيده بخوف: ف ايه يا ولد اخوي بتجف ف وش بت عمتك علشان دي
ادهم:  عمتتى ال بتجولي عليها بت دى تبجى بت عمى وخطيبتي وعن جريب جوى هتبجى مرتي
الأحسن تلمي الدور اكده علشان عايزين نكملوا عشا
سيده: ماشي يا عمدة الف مبروك
ادهم:  الله يبارك فيكي
سيده:  يلا ي بت
سماره بصت لديمة بكره وتوعد ومشيت مع امها
اول ما خرجوا ديمة سابت ايده وبعدت
ديمة:  ممكن افهم ايه ال بيحصل دا
ادهم:  ايه انتي غبيه للدرجة دى
ديمة:  لا مش غبيه بس عاوزه اتأكد ان الكلام دا غلط
ادهم:  يبجا مش هتتأكدى واصل
ديمة: يعني ايه
ادهم: يعنى دى حقيقه وانتي هتبقي مراتي
ديمة: نععععم ومين بقى ان شاء الله ال وافق ع الكلام دا
محمد:  انا وافقت ي ديمه
ديمة بصدمه:  ايه انت ي بابا
محمد:  ايوا ي بنتى دا لمصلحتك
ديمة:  انت بتهز انت عمرك مأجبرتني على حاجة ويوم ما تجبرني تجبرني على الجواز من دا
ادهم: دا ال هو مين يا هانم 
ديمه معيرتهوش أي اهتمام وادهم قال يلم الدور هو وهيحاسبها بعدين
محمد: ادهم الشخص الوحيد ال اقدر اطمن عليكى معاه
ديمة: تتطمن مين انت مش شايفه بيعاملني ازاي
محمد: هو عايزك تفوقي وتعرفي الدنيا عامله ازاي وتعرفي الدين بيقول ايه
ديمة: و حد قال انى هسمع كلامه وهو ملهوش دعوه ومش هغير ال انا بعمله
ادهم:  هتتغيرى يعنى هتتغيرى ي بت عمى
ديمة بعصبيه:  لااااااا مش هتغير و ملكش دعوه
محمد:  ي بنتي انتي ف حاجات كتيره اوي بتعمليها غلط ومبتهتميش للصح والغلط ولا بتسمعى كلامي  ولا عارفه دينك محلل ايه ومحرم ايه او عارفه بعض الحاجات بس مبتعمليش بيها
ديمة بدموع: يعنى انا دلوقتي بقيت وحشه ومحدش طايقنى هااااا
محمد: ي حبيبتي انا مقولتش كدا بس انتي كبرتي ولازم تكوني عارفه الكلام دا
ديمة ببكاء: امممم ماشي
و سابتهم و طلعت تجرى و كله واقف بيتفرج و حزين عليها
محمد:  ادهم تعالى معايا المكتب
ادهم:  حاضر ي عمي اتفضل

صلوا على سيدنا محمد 🌺

سماره و هى داخله بيتهم:  اااااه ي مُري بقى البت بنت ال*** دى تضربني اني
سيده:  لا وكله واجف فى صفها وجاي علينا
سماره: و الله لاجتلها و اشرب من دمها بت البندر
سيده: البت دى مش سهله عاد وواخده الكل فى صفها ولازم ناخد بالنا
سماره بغيظ:  اخد بالي من ايه وربى ما عاتجاهاااا اعااااااااااااا ي بت ال *********
سيده:  بس ي بت المخبوله خليني افكر
سماره:  تفكري فى ايه عاد بجولك هجتلها
سيده:  اخرصي بجا بفكر فى خطه تخلصنا منيها
سماره:  اممم
نسيب الشر دا شويه ونرجع دوار العمده ف المكتب

لا إله إلا الله ♥

محمد: بص ي بنى
ادهم:  جول ي عمى
محمد: ديمة مكنتش كدا خالص وكان لبسها كويس وكانت بتهتم بالصلاه وكل حاجه
ادهم باستغراب:  امال ايه ال غيرها اكده عاد  عمى
محمد: هحكيلك  ....  ديمة كانت بتصلي وهاديه جدا وملهاش انها تصاحب ولاد عادي والكلام دا حتى جت فتره جالتلي بفكر اتحجب انا فرحت جدا وكدا، وانا اصلا كنت سايبها براحتها وعمري ما غصبتها على حاجه، بس جت فى يوم كنا خارجين كلنا بنتفسح وبس ديمة شافت غزل البنات وطلبته وهى كانت كبيره اهى بس عقلها لسه طفله زى ما هيا فريماس قالت روحوا وانا هجيب و اجي فقولتلها خليكي و انا هجيب قالت لا علشان الحاجه روحوا حطوها وانا هجيب بسرعه وهاجى احنا عدينا الطريق علشان نركب العربيه ونحط الحاجه المهم لمحتها جايه و ديمة كانت بتشاورلها و هي بتعدي فى عربيه جت بسرعه و خبطتها قدام عنينا وكانت غرقانه ف دمها المشكله ان دى جريمة قتل مش حدثه عاديه
ادهم:  جريمة قتل!  و مين هيبقى فى مصلحته انه يقتلها انتوا ليكوا اعداء او حاجه
محمد: لا ملناش بس كان فى واحد بيحب ريماس و كان عاوز يتجوزها بس هي رفضته وقالتله انها بتحبنى ويبعد عنها وكدا هو فضل وراها وكان كل شويه يعملنا مشكله وف مره عمل مشكله جامده والموضوع كبر وكان عاوز ياخدها منى غصب عنها والا هيقتلها وساعتها ديمة طلبت الشرطه وجم اخدوه واتسجن خمس سنين والشرطه وخداه كان حالف انه هيقتلها وعملها لما خرج من السجن ولحد دلوقتى مختفي والقضيه لسه مفتوحه
ادهم:  و ايه ال اكدلك ان هو
محمد: ال اكدلى يا سيدى انه لما خبطها فتح الشباك و كان لابس قناع و عمل حركه بإيده كدا بيعملها على طول وهي ال عرفتني ان هو، ورن عليا بعدها ف العزا وقالي البقاء لله انا قولت يأما بتكون ليا يا لا
فدا ال اكدلي ان هو ومع التحقيقات عرفوا ان هو
ادهم:  اه يا ابن ال*****
محمد:  فديمه من اليوم دا وهى دخلت فى صدمه لمده طويله ريماس دى كانت كل حياتنا فمن ساعتها وديمة بالشكل دا مع انها صاحبة ناس وحشه
ادهم بحزن:  يعنى هى مكنتش كدا اصلا
محمد:  ابدا والله يا ابني انا عايزها ترجع زى الاول وهي والله غلبانه بس بتعاند ال بيعاندها، فعاملها بالراحه وصاحبها وعرفها بالراحه وهي هتستجيب صدقني
ادهم:  هحاول ي عمى
محمد:  انا واثق ان انت ال هتبقى سبب تغيرها ورجوعها زى الاول
ادهم:  ان شاء ال..... اى دا ف ايه
محمد:  مش عارف
كانو سامعين صوت صريخ
اسماء:  اعااااااااااااااااااا الحقونى ي ادهم  الحق ديمة ي باباااااا ي عممممى ديمة ماتتتت 😭😱

يتبع
نكمل البارت الجاى ي حلوين ❤🦋
ي ترا ديمه ماتت و لا ايه ال حصلها 🤷🏻‍♀️ هنعرف البارت الجاى

گــ : نور ناصر " ملگة الاقلام "