الكاتبة: زهراء ال حسن "
____________________
____________________
قصة محمد والجنيه أرورا..
محمد شخص عادي. حاله حال اي واحد عنده طموحات بالحياة هواي وحاله حال اي شخص يحب يتعلم مهنة بحياته محمد جان يحب مهنة الطرب جان يحب يغني ويسمع اغاني وجان محمد امه سعودية وابوه عراقي يعني شهر عند ابوه وشهر عند امه لأنهم منفصلين بسبب خلاف صغير سبب الطلاق وصار محمد بالنص بين الأب و الأم، محمد جان يكره هالشي كل شهر هوه بمكان فقرر يروح لساحر حتى يخلي أمه ترجع لأبوه غصب عن أهلها الساحر كاله رح اخليهم يرجعون اليوم قبل باجر وشوف الساحر جان عنده جنيات هواي وحده من هذن الجنيات انعجبت ب محمد لان جانت تعرفه وجانت تحضر يمه كل ما يعزف، الجنية أسمها أرورا، قررت تروح وره محمد لبيتهم علمود ترجع امه وابوه لبعض رغم كلشي يصير لان هيه أصرت انو تقوم بهاي المهمة ووافق الساحر راح محمد ودفع المبلغ للساحر وجان محمد هذا المبلغ كل ما يملك الجنية سرقت الفلوس من الساحر وخلتهن بفراش محمد وكتبت بيها رساله ..(معجبتك أرورا أط******ط ) كتبت وياهم هاي الحروف لان مستحيل اكو جن يكدر يكتب بدون ما يخلي توقيعه الخاص.. جان محمد يعرف معنى هذا التوقيع لان مرة من المرات صديقه كله عليه ، وبعد ما رجعو اهله لبعض والجنيه أرورا نجحت وجانت ارورا گايله للساحر انوهيه معجبه بمحمد ، محمد فرح لان شاف أهله رجعو راح يشكر من الساحر والساحر كاله اتشكر من معجبتك أرورا محمد عباله الساحر يمزح وياه طبيعي وما يدري شنو الي وراه لان مستحيل اكو ساحر يمزح وي شخص رجع محمد لغرفته وكعد يعزف وكالعادة الجن أورورا تكعد يمه لمن راح ينام شاف ظرف يمه وبي الفلوس مالته المكتوب بيها ) معجبتك ارورا اط*******ط) محمد استغرب وعرف شنو القصة وعرف منو هيه أرورا وهيه من عالم الجن، محمد استغرب وكال شلون جنية تكدر تنعجب بية بهالطريقة واني بشر مو مثلها جن ..محمد كنسل الرسالة وأرورا غضبت منه وزعت زعل شديد محمد قرر ينام واجت أرورا بهيئة بنت جان يحبها محمد بالجامعة .. لان جان طالب جامعي ومحمد عنده اصدقاء ٣ واحد منهم جان متعمق بامور الجن والفلسفه مالتهم وثنين بنات وحدة منهن يحبها جان اجت أرورا ل محمد بهيئة بنت اللي جان يحبها وطرقت عليه الباب محمد فتحه وجان يشوف البنت كدامه محمد فتح عيونه حتى يصدك اللي جاي يشوفه علمود يستوعب شلون البنية هاي اجت لغرفته أرورا كلتله تعال احضني وحضنها حيل وصارت ليلة بيناتهم سعيدة وبالنسبة ل محمد اول واخر ليلة اله يطلع من الغرفه .. بعد ما نام محمد ليلة طويله وي عايشه وهيه متنكره بهيئة البنت الي يحبها . كعد محمد لكاها مختفية وما موجوده عباله الي صار كله حلم الجنية ما رادت تترك محمد بكل طريقة وقررت تحبسه محمد دخل بغيبوبه وصار ما يريد يطلع من الغرفه بس ما داخل الغيبوبه هوه بشر طبيعي بس عايش بعالم بي باب مقفول (٣٢ الف قفل) ومحمد ما يكدر يفتحه ويصيح انقذوني اهله حاولو يطلعون محمد من غرفته وهوه بالغيبوبه يكللهم( اط******ط) فقط هذا الي يكوله محمد .. جانت الجنية من عشيرة معروفه بالجن جانت تشتغل فقط عند الساحر اطلع لقمة عيش اهلها جانت أرورا بيتهم او قريتهم بأخر أواخر العالم الخفي..بعد ما عرف صديق محمد الي متعمق بأمور الجن وغيرها راحو أهل محمد كلوله تعال وشوف محمد ليش هيج جاي يصير بس صارله سبوع ما يطلع من الغرفه ويومية نسمعه يصيح ياكل منين يجيب الأكل هذا منين .. الأكل جانت أرورا تستلم مصروفها ونصه تشتري بي أكل ل محمد وتخلي يمه جان مدلل عندها . الولد صاح ل محمد وكله ( اط ******ط) لمن سمع هالشي كال هذا توقيع من جن أهله راود يجيبون ساحر اله لما ، سمعو صديق محمد ( الي اسمه نايف) كاللهم علاجة عندي واعرف شنو اسوي، نايف بحث هواي لمدة ايام وعرف منو صاحبة التوقيع جنية اسمها أرورا خوفو احد العشائر المعروفه بالجن محمد قرر يروح للقرية مالتهم الي تبعد ملايين الأمتار بس جان عنده خبره ويعرف شلون يتنقل الى عالمهم بعد ما نايف قرة طلاسم وانتقل ل عالمهم وضل يمشي أمتار هواي لحد ما وصل لقرية الي بيها خوفو عشيرة الجنية أرورا ودخل للقرية وصاح ( يا اهل هذا المعشر من الجن أنا انس واريد مقابلة شيخكم ( الي اسمه سرفاط) الجن ارتعبو منه ومن شجاعته وعدم خوفه وصل، الخبر ل سرفاط وقرر انو يجي نايف عنده، لمن اجا نايف كاله اني عندي الك مكتوب ولا تقراه كدام كل معشرك و الي جواك، جن سرفاط استغرب وسأله شنو الي مكتوب بالورقة كاله الي مكتوب مختصره بنت عندهم اسمها أرورا، سرفاط عرفها وجان شاك بيها لان جانت تختفي دائما بليل وترجع ثاني يوم الصبح تقضي ليلة مع محمد كل هذا ومحمد بالغيبوبه وعايش يم هذا الباب الي بس الإقفال. سرفاط غضب غَضب شديد وراح صاح كل أهل قرية خوفو وكاللهم أرورا وهي خائنة وتحب شخص اسمه محمد من معشر الإنس والحكم عليها..(بتر رأسها ورجلها) لان جان عندهم عادات وتقاليد انو اذا الجن سوه خطأ چبير يكصون رأسه ورجلة .. ورجع نايف للعالم الطبيعي وثاني يوم محمد فتح الباب بعد ما وعده سرفاط انو راح يشوف أفعى رأسها مقطوع وذيلها مقطوع يعني رجلين أرورا مقطوعه بعد ما فتح محمد الباب اخذه نايف وصعد وياه فوق غرفته وشافو الافعى الي رأسها مقطوع والذيل مقطوع، يعني أرورا ماتت ورجع محمد لحياتة الطبيعية بعد ما عاش أسابيع جنب الباب الي بي الإقفال.
****************
اتمنى القصة نالت أعجابكم لاتنسو التصويت والمتابعه للحساب حتى نستمر بالنشر القصص القصيرة 💗
استودعكم الله ♥
