اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولانك مميز صنعت لك لوحه من دمائي.
اسمي. ليلى. عمري. 17سنه. اعيش ويا امي. وابوي. وعندي خوان ثنين. واحد اصلا مشايفته مسافر وانا صغيرا بالعمر. جان كل همي دراسه. لعب. اكل. ولا فكرت يوم من الايام بعلاقات. ولا زواج ولا اي شي. انا بنيه تحب. تطلع مرات. ابجي على جيس جبس حرفيا.
طالبه رابع علمي.
انا اختلف عن اهلي وهذا الاختلاف مخليني اضوج من نفسي لان عيوني. خضر. و بشرتي بيضه. وشعري. ذهبي فاتح. ابد ما اشبه. اخواني. امي دائما تكلي طالعه تشبهين جدتج. وانا اصلا جدتي مشايفتها دائما تكلي جدتج. ام ابوج. جانت حلوه. تجنن وانتي. طالعه عليها. انا البنت الوحيده بالعائله
بابا يحبني. مدللني. ويموت علي وذا يوم مشافني يكلهم وين ليلى. ما شفتها
ما عندي صديقات هواي لان ما احب اصادق. هادئه بطبعي بس. عندي شوي عصبيه من احد ينرفزني
اخواني. امجد. ومهند. والثالث الي ما شايفته اسمه. آسر
اليوم جنت مداومه. والجو حار واحنه ساكنين بالبصره طبعا منو ميعرفها المهم راجعه للبيت بهل جو الي سمط سمط. وكوه امشي من الحر زايغه روحي. وبشارع. تعديت من يم شباب واحد كعد يتحرش.
انا جنت ساكته بس اخر شي متحملت لان زودها. كمت وشلت حجاره جبيره.
ليلى.. لك شكد ساقط. انت. ما عندك خوات شكد عارات تفو ع اخلاقكم الزفتيه يا ما مرباين شنو عبالكم بنات الناس مطشره. تفوو يا ابن الكلب
شلت لحجاره وركعته براسه حيللل. والله اشرد. كمت اركض و همه يركضون وراي. ويمكن الولد صار بي ارتجاج بمخه بس يستاهل ابن الكلب.
وصلت للبيت. كوه اجر النفس ومنا حاره. دخلت للبيت اضحك عبالك مسويه انجاز. وصدك مسويه انجاز افتخر بي.
دخلت للمطبخ. وطلعت بطل ميي بارد من الثلاجه وكعدت اشرب بيي. وانا احجي ويا روحي. ومجنت مركزه منو بالمطبخ اصلا. شربت البطل نصه وسديته درت ارد ارجعه بثلاجه.
و نزيت نزه. من هذا الولد الي واكف كدامي. يا سبحان الله يجنن. عبالي. اتخيل.
