ليالي السلطان

بقلمي الكاتبة دينا الربيعي❤️

مشهد .

ليال . فتحت امي الباب باب الناس الي منعرفهم ولا معاشريهم وتريد تطلب المساعدة منهم .

ناس غربه وبمحافظه غريبه علينه تشردنه بيوم وليلة من اقرب الناس النه والتجئنة الناس غربه بلكي تعطف علينه .

كرهت نفسي واهلي وكرهت كل من كان السبب بدمارنه هذا وخراب حياتنه .

دموعي تنزل وضليت أردد حسبي الله ونعم الوكيل بيكم .

وامي حالها اردأ من حالي بس تبينلي هيه قوية اخذت علاوي منها طيح جتفها علاوي جابته بعد ماجانت مأيسة من الخلفه ولا يأس من رحمه الله .

بس لو مجايبته للدنيا هاي هواي احسنله .

حملته على جتفي ونزلت عيوني امسحهم من الدمع الحجب عندي الرؤية كلها واني اسمع رجال يصيح منوووو.

فتح الباب رجال كبير بالعمر والتجاعيد ماليه وجه بس وجه مبين النور بي ومحبوب مع أنه ميعرفنه بس حسيته يعرف أحنه الشنو جايين وعيالك يعرف بجيتنه گال .

ابو سلطان . اهلآ وسهلآ ويا كل الهلة .

ام ليال . حجي شلونك اني ام ليال هاي البنيه وعندي هذا الولد المعوق اريد منك سگف يحمينه دلوني عليك وگالوا انته ماترد خطارك اجيت من بغداد وبگراج الناصرية دلوني عليك .

ليال . ضحك الرجال واني صافنه بوجها جنت اريد اعرف جوابه من تعابير وجها لان گلبي خلص من الخوف والحيرة اني وماما بكفه وعلاوي بكفه بعده صغير ومعوق يرادله راحه حبيبي الطريق طويل

من بغداد للناصريه وبس يبجي ممتعلم على هيج طريق طويل وبهذله من سيارة السيارة احنه متنه تعب موهو امسح بدموعي وباوعلي الرجال وگال .

ابو سلطان . ي الدلاج علينه صاحب غيره الله يكثر من امثالة تفضلي بيتي وان شاء الله محلوله .

ام ليال . الله يحفظك حجي ويستر عليك بحق محمد وأل محمد .

ليال . دخلنه ورى الرجال جانت حديقتهم جبيره كلش يمكن ميتين متر بس حديقه بجانب البيت البناء حلو مرتب والطرمه جبيرة

بابين رئيسيات مقابل باب الطرمه وحده تدخلنه على المظيف و الباب الثاني يدخلنه على البيت يعني المضيف معزول عن البيت

حسب ماباوعت اني على بيتهم كله وعرفت الجهال يطبون ويطلعون مناك والمظيف معزول عرفت تصميم بيتهم يمكن من التوتر والخوف عيني ماخليتها بعد بعين الرجال خوفي لا يطردنه گال .

اهلآ وسهلآ تفضلوا تفضلوا الدار داركم .

ام ليال . مشكور حجي رحم الله والديك .

ليال . گعد الرجال وصاح .

ابو سلطان . خديييجه خددديجه

ليال . ثواني واجته مره طويله كللش وتارسه لابسه دشداشه وشال طالع نص شعرها برتقالي مدري اصفر تباوع علينه وتگول