بقلم دينا الربيعي ♥️
🔸 وإن سألوك ما الحنين : قُل لهم : هو قلب اشتاق ، و حن ، و رق ، و دق ... وقست عليه دنياه فعانق الصبر في البعد ، فأصابته لوعتان : لوعة الاشتياق ، ولوعة المسافات..!!
ام ليال . امشي نروح الخالتج .
ليال . مستحيل يمة مستحيل ماروح هناك .
ام ليال . ليال لعد وين نروح لا تعبيني بنيتي والله احس راسي يريد ينفجر من التفكير وين اوديج لا
تحملين رجال عده نسوان ولا يطيني گلبي اوديج الخالتج من وره ولدها مايتأمنون وين اخذج فهميني .
ليال . يمه ليضل بالج بغداد مليانه شغل اطلع اشوفلي صالون واشتغل بي ونگدر ندبر نفسنه .
ام ليال . مادري والله مادري الله يعلم بحالي وخوفي بس عليج مايهمني كلشي بگد ما همج جبير إذا صار الي شي منو الج .
ليال . نزلت دموعي وگتلها ليش تفكرين هيج يمه إذا يصيرلج شي اموت والله حاولي تساعدين نفسج
علمودي تحملي ادري بيج ضغط مزمن وخفقان بس يمه الخاطري تحملي كلشي الله يخليج لتعوفيني وتدرين ما الي غيرج احد بعدني احجي ودگ تلفوني
سلطان بقيت اباوع على الشاشه گالت امي جيبي اني اشوفه شيريد اخذته مني وفتحت الخط فتحت السماعه الخارجيه اسمع شيريد .
ام ليال . الوو ها ابني آني ام ليال تفضل .
سلطان . مامقبولة منج ام علاوي تسوين هيج بينه وتطلعين من البيت بدون ماندري تعالي وشوفي امي
شلون تبجي عليج على الأقل بس امي جان گتيلها ماجنه متوقعين يطلع منج هيج .
ام ليال . ابني اضطريت ماگدرت اشوف بتي هيج تذبل گدام عيوني وابقه اباوع عليها انته عدك جهال وتعرف الضنه شگد عزيز .
سلطان . بس طلعتكم من البيت غلط ماعدكم احد أنتو هسه وين أريد اجي ارجعكم للبيت .
ام ليال . لا ابني لا تجي ولا تعب نفسك ليال ماتقبل نرجع ولا أني اريدها تنساك إذا نرجع ماسويت شي
وانتو طريقكم مسدود مانريد نرجع للبداية بتي تحبك وانته طلگتها البعد احسن الك والها ابني
ليال . سدته امي وداخلي يغلي مشتاقتله هواااي عبالك مفارگته صار اسنين مو البارحه گمت للحمام سبحت وطلعت مشطت شعري اجيت أريد اطلع
باوعت على الجبه والشال مالبستهم ماجنت افكر صح غير سلطان ماجان ابالي احد جان كل همي اسوي اشياء تضوجه
يمه نازله اجيب غده وارجع جعت هوايلبست بنطلون ازرق وقميص بيجي عفت شعري مفتوح نازل الحد
خليت منا ومنا كماشات ناعمات رفعت بينهم شعري من عيوني خليت تنت ومسكاره امشي گالت .
ام ليال . لياااال شنو راح طلعين هيج حرام مو تحجبتي ميصير تنزعي بعد شنو تلعبين انتي .
أنت تقرأ
ليالي السلطان
Chick-Litقصة حقيقية لعائلة من العوائل العراقية التي لاسند لها غير الله ستتجه العائله نحوا المجهول ...... هل تتغير أقدار العائلة عند هذا الرحلة أم لاااا تابعوا معي الأحداث ..
