إنقلاب ألقدر

نقطة مهمة

مرحباً بكل حدا عم يقرأ هالكلمات
أنا اسمي آلاء بنت من سوريا من محافظة إدلب
عمري 18 سنة و بلّشت أكتب الروايات من حوالي 4 سنين

اليوم حابة أقدملكم روايتي الثانية بعنوان

"انقلاب القدر"

وياريت توصل لقلوبكن مثل ما تعبت حتى تطلع بهالشكل

هالرواية ما كانت مجرد كلمات هي تعب سهر طويل وتفاصيل دقيقة اشتغلت عليها بإيدي
ما كان في حدا يساعدني لا بالتصميم ولا بالتصحيح ولا حتى بالترويج

كلشي اشتغلت عليه لحالي و اعتمدت على تجاربي السابقة لأتعلّم ما كان في مين يوجّهني أو يرشدني لكن الإصرار كان دليلي

وفي شخص واحد ما بنساه أبدًا

أخي أحمد الله يرحمه هو أول من آمن فيني
و هو السبب بدخولي لعالم الرواية

هو يلي دعمني من البداية و قال لي:

"شاركِ العالم أفكارك، الناس لازم تقرا يلي بتكتبيه"

ساندني بكل لحظة بكتابة روايتي الأولى وكان دايمًا يشجعني

لكن للأسف ما لحق يشوف كمّية الناس يلي حبتني و أعجبت بكلماتي وأفكاري

بتمنى من كل قلبي تدعوله بالرحمة، لأنه كان النور يلي دلّني و هو السبب الحقيقي ورا استمراري ورا رغبتي إني أصير أفضل كاتبة بجيلي

و للطلاب و الطالبات يلي عم يدرسوا رجاءً لا تخلوا الروايات تسرق منكن وقت الدراسة لأن العلم هو أساس المستقبل

أما أنا فبقسم وقتي منيح بكتب أربع أيام بالأسبوع:

الثلاثاء، الأربعاء، الخميس، والجمعة،
و كل يوم بخصص ساعتين متواصلتين للكتابة

وبنشر كل يوم أحد بارت جديد حتى يضل التفاعل مستمر ويكبر هالعالم يلي عم أبنيه سطر بسطر

بتمنى منكم تدعموني وتتابعوني إذا حبيتوا كتابتي وجودكن جنبي هو الدافع الأكبر لأني كمل

اسم حسابي على إنستغرام و تيك توك: alaabmerieg1

شكراً من القلب لأنكم عم تعطوني من وقتكن
وجودكن بهالمكان بيكفيني وبيعنيني أكتر من أي شي تاني