أصَـفـهاد ألـمُوت

part 4

                     #أصَــفهاد الـمُوت .

                       رُسـل مَــحمد .

لا تنسون التصويت + تعلقون بين الفقرات .

                            **

ضحكو كلهم بس مبين چانو ديحچون اصواتهم كُلش عالية الى درجة والباب مالتهم مسدود اكيد ميردوني اعرف شي وبالباب اكو بي فتحة دائرية صغيرة سمعت هماس :- شـلون راح تگول لـ إثـار اهلچ احتركو وماتو كلهم .

ضليت بصفنتي ما اگدر استوعب الي سمعتة
بلعت ريكي وطك ريكي من گد ما نشف واني
اسمع الكلام ، شنو يعني ماتو يعني هاهية راحو؟

ضليت مصدومة رجلية ماگدر احركهن اريد
امشي و ارجع للمطبخ فقدت توازني نفتح
الباب بوجهي وطلع نَــورس صفنت بوجه

يعني هسه اني صرت يتيمة مُستحيل ارجع
چان عندي ولو واحد بالمية ارجع اعيش بعد
هذا الي عشتة ايدي ترعش رعش گلبي صار
يأذيني بشكل مو طبيعي تخربطت وثقلت حركتي ما حسيت غير راسي وكع بالكاع .

حسيت ايدين تضربني وترعش وتصيح
بأسمي ما اهتميت شفت ماما من بعيد
وياها بابا لابسين ابيض ويباوعن علية

إثـار : ماما اخذيني وياچ ماما

چنت اصيح عليها هية وبابا بس ما يسمعوني
وبس يباوعون علية رحت اركض ، عليهم و
بسرعة اختفو من عيني فزيت اصيح وارجف

-لاااااا لاااااا لتعوفونييييي لاااااا .

صرت ابچي واصيح بهسترية فقدت اعز شي
علية ضحت علمودهم في سبيل حياتهم راحو
زين اخوية الصغير شلون تحمل الحرك راحو احتركو حرك زادت شهكات صوتي .

صرت ابچي حاضنة نفسي ونَـورس كدام عيني محد موجود بچيت بچيت ملخت
روحي تملخ راحت اخر امل عندي ارجع
اعيش مرتاحة ، راحو اهلي وصرت يتيمة .

شگد ما احچيلكم على الموقف لاحد هسه
من اذكرة تزداد شهكاتي شي صعب تخسرين
اهلچ الي چانو مَصدر امان الچ تمددت بالكاع
واذكر كُل تفصيلة بينة وشلون ضحكنة وشلون
كبرت وذكرياتنة كُلنا الذكريات صارو رماد هسه

صرت اصرخ صرخ ونَـورس مثل وكفتة وعيونة حمر تعبت ولله تعبت ماكدر اوصف
شعوري لو شگد ما احچي ، ابچي على روحي
ابچي على اهلي ؟!

واصلة مرحلة من التعب وماعدا التعب الي كاعد اعيشة والمعانات الداعيشها نطفت الحياة
بداخلي ما ضلي واهس حتى اريد اعيش و اكمل حياتي من كثر همي و حزني وجعي .

حسيت على كلبي يوجعني زدت بچي وشهكاتي ملت المكان وكلمتة لاحد هسه بالي ، شوكت توكف دكات كلبي و ارتاح شوكت يخلص هذا الوجع البداخلي ؟