تائهة في عصر الفراعنة

الجزء الثالث

___________الجزء الثالث _____

اتمني تعملوا فوت وتكتبوا كومنت ليا وتقولولي رايكم ومتنسوش 🌟 يلا نبدأ فصلنا________.
____________________

قالت تهاني بغباء: سما اصحي يا بت جرا ايه مالك اتخضيتي كده كأنك يعني شوفتي عفريت كفانا الشر.
قالت سما :جاني جني جاني جني مصري عبيط وقالي انا اخوك يافواز .

قالت تهاني بخوف وعماله تبص حواليها: جني هوا فين هاتي الشبشب بسرعه.
قالت سما بغضب: اهوا قدامي وبعدين جني ايه الي تمسكيلوا شبشب هوا صرصار ايه كميه الذكاء دي.
قالت تهاني بتفكير : تصدقي كلامك صح .
قالت سما بتفاخر: ايوه انا عارفه.
قالت تهاني : كان لازم امسكله المقشة.
خبطت سما كف يدها علي جبينها وقالت : اللهم صبرك يا روح تب وايه الي انتي عملاه في وشك ده يحقلي اقول البنت لسه يافعه ومتجوزتش لحد الان. ( ملحوظه: سما اصغر من تهاني بسنه واحده).

قالت تهاني بغرور: عجبك صح ؟ مخليني شبه سندريلا.
قالت سما : سندريلا مين ده انتي اخرك تنعرضي في دريم بارك شاهد قبل الحذف عرض حصري للعفريت الجديد في بيت الرعب ههههههه.
قالت تهاني : ياه ياشيخه عكرتي مزاجي ، صح هوا انتي لسه بتتعلمي اللغه الهوغي ..ايه؟.
قالت سما: الهيروغليفيه يا جاهله .
قالت تهاني : كلمه صعبه قوي تب ممكن اسألك سؤال؟

قالت سما :اتفضلي
قالت تهاني: هي الشنطه دي الي مبتسبيهاش خالص محتواها ايه ؟
قالت سما: اولا الشنطه دي موجود فيها الطلبات بتاعت العيله يعني لو حد عاوز اجيبله حاجه بجيبها وانا راجعه من الجامعه وفيها برضوا حبه كتب ليا و...
قاطعتها تهاني قائله: بس بس بس ايه ده كله صحيح انتي كنتي عاوزاني في حاجه؟
قالت سما: اه كنتي عاوزاكي تيجي معايا اصلا في معبد جديد اكتشفوه وعاوزه اروحه.
قالت تهاني: امتي؟
قالت سما: العصر كده .
قالت تهاني: ماشي انا فاضيه العصر  .
قالت سما : اشطا يبقي حعدي عليكي نروح مع بعض
ويبقي شيلي الهبل الي في وشك ده هههه.
قالت تهاني : ماشي يبقي حأحاول بعدين.
قالت سما:ماشي باي
قالت تهاني : باي.

مشيت سما من عند تهاني وهي ماشيه خبطت فيها كوره ايجت في وشها  بصت سما بإتجاه الذي اتت به الكره .
قال الفتي الذي قام برمي الكره: انتي عميه مبتشوفيش يلا هاتي الكوره عشان معوركيش.
رفعت سما حاجبها وقالت: الله ماانت بتعرف تقول
شعر اهوا  بس يا حبيبي كوره مش حتاخدها لعب مفيش يلا روح اسرح انت واصحابك قال يعورني قال.
جري الفتي ونادي قائلا: ياما ياما البت سما ياما خدت مني الكوره وقالت لي يلا يلي امك بتروح ترقص في الكباريهات .
قالت سما بصدمه: يا ابن الكذابه انا امتي قولت كده.
نزلت ام الولد لسما وقالت بمياعه:هئ هي ومالها الي بترقص في الكباريهات دي وظيفه مشرفه وانا اتشرف بيها.

قالت سما: جري ايه يا ام سعيد جري ايه يختي هوا انتي مصدقتي يختي ولا ايه لمي نفسك انتي وابنك اصل انا لو حطيتك هنا(تشير الي دماغها) مش حسيبك وانتي عارفه ده كويس.
قالت ام سعيد: وايه الي حيحصل يعني مش كفايه ياحبيتي انك لسه متجوزتيش لحد دلوقتي والراجل طفش وسابك انما انا( باست ايدها وش وضهر) الحمد لله مستوره .
قالت سما وهي بتشمر ايدها: علي كده يجماعه استعنا علي الشقي بالله.
ثم قامت بضربها برأسها وسحبت شعر ام سعيد بقوه والناس كانوا بيحاولوا يبعدوهم عن بعض .

قالت ام سعيد : شيلوا القرده دي بعيد عني اااااه.
قالت سما وهي بتشد شعر ام سعيد بقوه اكبر: مين القرده يلي شبه التور الهايج.
قال ابو سما وهوا بيحوش: خلاص يا سما حرام عليكي الي بتعمليه ده .
قالت ام سما: جري ايه متسيبها تكمل ياخوي ايوه يا سما نسيتي حبه الشعر الي علي الجنب.
قال الاب: اسكتي انتي عماله تقولي ايه بتولعي الحته اكتر ماهيه ولعة .
قالت الام : خلاص سكت اهوا.

راحت ام سعيد شده شعر سما .
قال الاب : لوسمحتي يا ام سعيد بعد اذن حضرتك نزلي ايد حضرتك من علي شعر بنتي.
قالت ام سعيد بصوت عالي : اسكت احسن اسيبها واجي ليك انتي.
قال الاب : اتفضلي حضرتك كملي الي بتعمليه.
قالت الام: انت بتقول ايه ايه ياراجل انت؟!.
نظرت ام سما لام سعيد
وقالت وهي تشمر ايدها: يعني مش  حتسيبيها يا ام سعيد حاضر جه وقت المعركه.
ثم هجمت علي ام سعيد وظلوا يشدون في شعور بعض.
قال ابو سما: يانهار مش فايت اعمل ايه اعمل ايه...............
______يتبع______
🌟🌟

ايه رايكم في البارت ده ؟
اتمني تكتبولي في الكومنتات عن رايكم