"خبايا الماضى"

1

- أسيل يا حبيبتى اصحى يلا علشان المدرسة

- ياماما سبينى 5 دقائق بس عايزه انام

- ياقلبى هتتأخرى على المدرسة

-  حاضر ياماما، صباح الفل عليكى يا احلى ام فى الدنيا

- يلا يا بكاشة 😂 انا هروح اصحى بقيت اخواتك وباباكى

- ماشى ياماما

"على سفرة الفطار"

أسيل : صباح الخير يا أهل الدار

باباها : صباح الخير ياختى يلا اترزعى علشان تفطرى

أسيل : حاضر

ام أسيل : مابراحة على البت شوية

الأب :ايه يا ولية انا جيت جنبها ولا انتى بتعيرينى علشان انا نظرى ضعيف

الام : والله ما اقصد كده

الأب: طب اسكتي

______________________________________

نتعرف على الشخصيات انا قولت مابدأهاش بأننا نتعرف على الشخصيات فعرضت جزء صغير من الرواية

البنت أسيل 14 سنة
أخواتها : همس 23 سنة فى كلية فنون جميلة
يوسف 20 سنة فى كلية هندسة
ياسمين عندها 10 سنين
الأم : عايده محمد على 45 سنة
الأب واللى مينفعش اقول عليه أب هو نظره ضعيف وهو سئ وهتعرفو مع أحداث الرواية
محمد العقَّاد كان بيشتغل فى الشركة وعمل حادثه ونظره ضعف عنده 47 سنة

______________________________________

_  انا نازلة عايزين حاجة

- لا عايزه سلامتك يا حبيبة ماما

همس :طيب ياماما انا نازلة الجامعة

عايدة : ماشى ياحبى خلى بالك من نفسك
انت مش هتروح الجامعة ولا ايه يا يوسف

يوسف : لا ياماما مفيش محاضرات مهمة انهارده

عايدة : طيب يابنى

الأب : انا مش فاهم انت قاعدلى كده ليه فى البيت ماتشوفلك اى شغلانة تاكل بيها عيش وتنفعنا بدل ما انت ولا بتنزل الجامعه ولا بتشتغل

عايدة : حرام عليك الولا لسه صغير دى السنة التانيه ليه فى الجامعه يعنى ملحقش

محمد : يوووه انتوا كل ما تشوفونى تجيبوا الغلط عليا انا ده ايه العائلة المقرفة دى طب والله ما انا واكل سديتوا نفسى جتكوا القرف

وخبط على السفره ومشى

عايدة : معلش يابنى استحمل ده مهما ان كان ابوك وكمان هو حاسس بالعجز لانه بقى نظره ضعيف

يوسف : انا مش فاهم هو بيعمل معانا كده ليه المفروض بعد اللى حصلوا يبقى حنين اكتر ويحتوينا  بدل ماهو بيعمل كده بس خلاص احنا اتعودنا

وقام دخل الأوضه وهو مكسور
وعايدة كانت حزينة على عيالها اوى

______________________________________

"فى مدرسة أسيل "

أسيل : شذى حبيبتى بقالى كتير مشوفتكيش وحشتنيى اوى بجد

شذى : ايسووو!! حبيي وانتى كمان وحشتنيى بجد الاجازه كانت طويلة ومملة ايه دههه!!!!!

أسيل : ايه فى ايه

شذى : ايه آثار الضرب اللى على ايدك دى

أسيل : ها لا دى.. دى..

شذى : لسه بيضربك؟

أسيل وهى حابسه الدموع فى عنيها : ايه.. ايه لا ده انا بس وقعت فأتجرحت

شذى : هتخبى عليا ده انا اختك وصحبتك

أسيل دخلت فى حضنها وقعدت تعيط وتقول : تعبت يا شذى انا اى حاجة بعملها حتى لو صغيرة بتبقى كبيرة بالنسبة له انا مش عارفه هو بيكرهنى انا بذات ليه انا الوحيده فى اخواتى اللى بيضربنى
اه هو قاسى علينا كلنا بس.. بس معايا انا غير انا بتعرض لأكتر الإهانات

شذى : اهدى يا روحى انا مش بحب اشوفك كده وانتى عارفه، انا عارفه انك استحملتى كتير بس صدقينى ليكى اجر كبير عند ربنا انك مش بتعصى باباكى

أسيل : بحاول انسى بس العلامات اللى فيا بسببه بتفكرنى بكل حاجة

شذى : معلش يا قلبى تعالى بعد المدرسة نروح نشتري حاجات مع بعض ايه رأيك؟

أسيل : بس....

شذى : مفيش بس انا هكلم مامتك اقولها تمام؟

أسيل : تمام

واتصلت أسيل على مامتها وقالتلها ووافقت

"ملحوظة"
شذى صاحبة أسيل المقربة وبتحكى لها كل حاجة

______________________________________

قضت أسيل يوم جميل جدا مع صحبتها شذى ورجعت

فى بيت أسيل

محمد : ما لسه بدرى يا هانم رايحه تتصرمحى انتى واصحابك

وضربها بالقلم جامد وقال : انا معرفتش اربيكى

عايده : اهدى يا حج البت معملتش حاجة هى قالتلى

محمد : والله عال بقى بيحصل كل حاجة من ورايا بستعمونى يا ولاد ال...

أسيل بخوف :انا معملتش حاجة غلط لكل ده حرام عليك

محمد : بقى انا حرام عليا انا هوريكى

وشدها الأوضة وقعد يضربها بالحزام وعايده مش عارفه تعمل ايه وعمالين كلهم يرزعوا على الباب لحد ما خرج بس بعد ما شوه جسم أسيل بالضرب

_____________________________________

ستووووب
البارت الأول خلص حسيته قصير بس تتعوض فى البارتات التانيه
طبعا دى لسة البداية
أسيل هتعانى جدا فى حياتها 💔